Populāri Bībeles panti no रोमि 4

आबाराहामऎ हानाम्‍स निवाँहाङ्‌मि चुप्‍लाङ् लिऎ रु लिनॆ कामानुङ् मामिन्। बोरु खोम् निवाँयुङ् चॆकुवॆ लिसे खारा। मसॆॽन खोसॆ निवाँहाङ् निङ्‌लावा पिट्‌टु। चुप्‍लाङ् हिःॽमिम्‍पा खानावाँ चाइबान पिकि लोमॆ आबाराहामऎ मिनु।

मान्‍ठाभनॆ निवाँनेन साब्‍चिराबि गरहाङ् साब्‍डा, “काङॆ आना डिरिक् जाटिचिम् आपा मुडाना।” आबाराहामऎ निवाँहाङ्‌बि निवाँयुङ् लॆटु हाङ् खो निवाँहाङ्‌मि ङारिङ्‌पि कानि चोब्‍नमि आपा लिसा। हाङ् निवाँहाङ्ऎ सिखॆॽमिम्‍पाचि हिङ्‌पक्‍मिहिकुचि हाङ् मानमाहा खानावाँ याबाङ् यामुसे मुबक्‍हिकु।

येसु कानिम् हिङ्‌वामि लागि सिखॆमिट्‌टा हाङ् कानि निवाँनेन लिमिॽमाम् लागि खो निवाँहाङ्ऎ हिङ्‌पपिट्‌टि।

हाङ् निवाँहाङ्ऎ गर कामानुङ् आबाराहामनुङ् चुप्‍लाङ् ठुबु, “आनामि डिरिक् पासाचि लिःक्‍मि।” टर आबाराहामऎ टाङ्‌पा एकग् निङ्‌र याक्‍खॆॽमिम्‍पा पासिङ् मिॽलाउ। हाङ् खोम् खिम्‍टाङ्‌मा सारा सङ्‌क मासिङ्‌मा पिक्‍खॆॽमिम्‍पा लॆटा। गर मिॽलामार आबाराहाममि लागि डिरिक् जाटिचिमि आपा लिमॆ लाम्‍फुन मॆचु। मरहाङ्‌स खोसॆ निवाँयुङ् लॆःॽमा मान्‍याइटु हाङ् निवाँयुङ् लॆःसॆ खो लॆःॽढाङ्‌मानुङ् निवाँ मान्‍सेरु हाङ् खो डिरिक् जाटिमि आपा लिसा।

मसॆ हाम्‍पॆ याॽमिचिऎ निवाँहाङ्‌बि निवाँयुङ् लॆकुचि खोचिऎ टेःॽन निवाँहाङ्‌मि चुप्‍लाङ् टक्‍चाकुचि। हाङ् आक्‍क चुप्‍लाङ् निवाँहाङ्ऎ मरक्‍न पिडि हाङ् ग खानावाँ आबाराहाममि चोब्‍न पिसाचि पिकानि कामानुङ् लोडु। हाङ् आक्‍क चुप्‍लाङ् यायेॽमा टिङ्‌खुबाचिमि लागि टे हॆॽनॆ, टर आबाराहामऎ रक्‍न निवाँयुङ लॆखुबाचिमि सङ्‌क रेम मान्‍ठाभनॆ खो कानि चोब्‍नमि टुबालाबा रेम।

“निवाँहाङ्‌बाङ् टाङ्‌पामि काइसॆ यङ्‌निमा टक्‍चामिम्‍पाचि हाङ् खोसॆ उम्‍चि हिङ्‌वा सःक्‍पिॽमिम्‍पा याॽमिचि आसिका टक्‍चामिम्‍पाचि यो। हाङ् पारभु निवाँहाङ्ऎ हिङ्‌वा आङ्‌पिखुबा याॽमि आसिका टक्‍चामिम्‍पा यो।”

मान्‍ठाभनॆ निवाँनेन साब्‍चिराबि आबाराहाममि बारेबि गरहाङ् साब्‍डा, “खोसॆ निवाँहाङ्‌बि निवाँयुङ् लॆटु हाङ् निवाँहाङ्ऎ खो निवाँनेन् याॽमि मुःसु।”