Populāri Bībeles panti no Tito 1

Dalīties

Wanakwamba wamumanya Muungu na huku mahendo yao yanayanga ya kwamba ntawamudzi. Hawa ni wantu wa Muungu at̯ukiiyeo, wasiomut̯ii na wala wasioweza kuhenda dzambo dzema ḍiḍeḍyonse.

Kwa hawaḍe weo wadheru, ntaku kisichokuwa kidheru. Ela kwa hawaḍe wanangijweo ni nabvise na wasiohikiza, ntaku chicho kidheru, koro akili zao na myojo yao inangwa ni nabvise.

Ni had̯i akigije gu hichi chuuwo chichonahikizika dza viviḍe chivyoyongweezwa. Na kwehii namuna anawangiza mojo na wantu wangine kwa haya mayongweezo ya hachi na kuwakanyera hawaḍe weokuyapfingani haya mayongweezo.

Na kwa kwamba muyongozi jwa tsanganiko ni muntu jwa kusumamia kazi ya Muungu, nka ruhusa ya kuwa na t̯amba zuka. Na ni had̯i atseewa muntu jwa kudziona, atseewa muntu jwa ngoro za mpuyani, atseewa muntu jwa kuruma, atseewa muntu mundwani ambu muntu muhamile jwa kudzilachia fwedha. Ishinu, ni had̯i awe muntu jwa kukaraḅisha wageni nyumbani mwakwe, na awe muntu atsakiye mema. Ni had̯i awe muntu jwa kudzimiza, muntu jwa kuhenda yeyo ya hachi, muntu mudheru na muntu jwa kuwa na chima.

Muzee jwa tsanganiko ni kutsaawa na untu muzuka uḍewonse. Ni had̯i awe muyume jwa muke mumodza. Wanawe ni had̯i wawe wantu wahikiziyeo, wasio t̯aḅia nzuka na weonat̯ii wavyazi wao.