Matáyoso 4
4
Mbuge yá Yésu
1Ɛsámb yá Mefuny iyádɔ́m Yésu agá giɔ́ndɔ́ ká Ɔmbɛlɛ́mbɛl ɔ́bɛ́dɔɔn wɔ́. 2Uwebílég manyán guám medug etín ándɛ, na budug anyɛ na buɔ́s. Agá gélem ány, nsana iyadɛgɛn wɔ́. 3Ɔmbɛlɛ́mbɛl uwabɛ́nyɛkɛnɛn wɔ́, uganyɛ gág gɔ́g ká: «Ɔ́gɔ anyɛ mɔɔn wá Gɔdányá, ɔyɛ́dɛ́n adany eye ká yɛɛ́y bɛnyɔka.» 4Yésu guondinyi wɔ́ ká: «Mbɔbɔnɔ yá Gɔdányá guɔ́yɔ ká: Sá gɔ́ɔg manyán málaná ká mɔnd sɔ́dɔɔn, gugál gidigid gɔg guámaná agá niíd ná Gɔdányá mɔnd sɔ́dɔnɔ́ na gɔ́.» 5Ɔmbɛlɛ́mbɛl uwuban wɔ́ Yelúsalɛm, tísɔn Gɔdányá mɔ́ɔdɔ́bɔ́n, guadálɛ́mɛ́d nág ugumuana wa ɔdɔ́nd wá ɔnyɛb, 6uwand guɔyɛd gág ká: «Ɔ́gɔ anyɛ mɔɔn wá Gɔdányá, bɛ́nɛ́n águá egegus, gágual ká búnyɛ́ buɔ́ŋɔ́n ká: Ugɔyɛdɛn bɛɛngɛlɛs baág ká bágúbɛ́dɔ́gɛn ɔgɔ́b gá ɛmbɔ́g, nɛnama nɛ́nyá gɛgɔnd gɔ́w dibúbén agá nɛ́dany#4.6 Alɛ́ŋɛ́d Ɛsag 91.11-12.» 7Yésu ganyɛ gág ká: «Búnyɛ sɔ́n buɔ́ŋɔ́n ká: Ɔdiɔ́bɛ́dɔɔ́n Ɔgúnɔ́ Gɔdányá wɔw.» 8Ɔmbɛlɛ́mbɛl guand guadálɛ́mɛ́d naga agá ndogodoódo ya nɔgɔnd, uwedíyenyi wɔ́ mefuŋ gidigid má gus na nugúm ná mɔ́, 9uwɔ́yɛ́kɛnɛn ká: «Ngagufá manda amaány gidigid éméngunsin enú ónd émbúlígenyi.» 10Yésu ganyɛ gág gɔ́g ká: «Nŋélíkínyí egúné Sátan, gágual ká búnyɛ buɔ́ŋɔ́n ká: búlígényí Ɔgúnɔ́ Gɔdányá wɔw ónd álaan wɔ́ buol ɔwɔ́ eŋényé#4.10 Alɛ́ŋɛ́d bisele 6.13.» 11Ɔmbɛlɛ́mbɛl gɔnɛn wɔ́ gɔg, bɛɛngɛlɛs bá Gɔdányá abábɛ́nyɛkɛnɛn Yésu, ebédúm gualaan wɔ́ buol.
Yésu máab Galilé
(Mál 1.14-15; Lúk 4.14-15)
12Anyɛ́ Yésu mɔ́ɔb ká bámádɛ́gɛ́n Sáŋa bámág wɔ́ agá gians gá mbíné, uwadɔg gá gɔb agá giéns gá gus gá Galilé. 13Uwélíki Násalɛd gá guɔlɔbɔɔ́n Kapɛlɛnahúm agá nsɔ́l ya manáŋ abɔ́sa, agá biéns bá gus bá Sabulɔ́ŋ na Nefetalí, 14anaány ká buóny Gɔdányá mɔ́ɔyɛ́d agá niíd ná ibús Isayí bífuógidonyi. Umɔyɛ́d ká:
15Band bá Sabulɔ́ŋ na bá Nefetalí, nunyɛ
gɛbala gá manáŋ abɔ́sa,
gɛdɔŋ gínyá buáy ebúné bá asa wá Yuludɛ́ŋ,
Galilé uwɔ́ benyi bá band gɛ́ganá kɔ́!
16Gɛdɔŋ gínyá gubá agá mbíne
maán gianta gá gise;
ebe bányá gubá agá gɛdɔŋ gá mbíne ya nigú,
gise mánɛ́g#4.16 Alɛ́ŋɛ́d Esa 8.23–9.1.
17Gubanyɛg agá gɛsɛgɛl igiány, Yésu gudúm guémbínenyi, wɔyɔ ká: «Énunúgí ɛdɛm saán: Bufuŋ bá muana gányɛ egúy.»
Ɔmbɛ́lɛ́gɛ́n wá bafɔ́nɔfɔ́n bá busió
(Mál 1.16-20; Lúk 5.1-11)
18Anyɛ́ Yésu máabá wanda agá nsɔ́l ya manáŋ abɔ́sa wa Galilé, uwaán belimén bándɛ, Símune bábɛ́laná ká Piéle na endimen waga Andelé, bámáabá bétenyi buoli agá manáŋ abɔ́sa; bámabá bosogi muɔbɔ. 19Uganyɛ gɔ́b ká: «Ánuŋlád ngenuíyi bosogi band.» 20Ebédúmbi gubɛ́yɛ́bɛd moli mɔ́b, abálád wɔ́. 21Úbɛ́nyɛkɛnɛ, uwaán Sáka mɔɔn wá Sebedé na endimen waga Sáŋa, bɔ́bɔ́ sɔ́n bámabá belimen. Bámabá agá gilu na sié wɔ́b Sebedé bábábɛna moli mɔ́b. Yésu uwabɛ́lɛ́gɛn bɔ́. 22Ebédúmbi gutɛ́n gilu na sié wɔbɔ, abálád wɔ́.
Yésu na giŋi gá band
(Mál 1.39; Lúk 4.44; 6.17-18)
23Kányɛ Yésu móol wándánd agá giéns gá gus gá Galilé gidigid, udúmbenyi ndág ya nsɔ́m ya Bufuŋ bá muana, ufúnyifunyi agá bians bɔ́b bá mbísógól, wéŋúgenyi ɛgɔnɔ gidigid na anama yá bióŋ gidigid agá gadágadá wa band. 24Ɔfɛ́n wág uwédúm gugúme agá gɛdɔŋ gá Silí gidigid, abábanyɛg gúlenin wɔ́ na band gidigid bámáabɛ́dáŋɔ́ná anama, anama, na band bámáabiánán biád bá bíliíndié, band bebuéŋídeny, bigónd, uwéŋugenyi bɔ́. 25Bianta bá biŋi bá band ibiáládaan wɔ́, bómoólónín agá giéns gá gus gá Galilé na gá Dekapólo, Yelúsalɛm, agá giéns gá gus gá Yudé, na agá giéns gá gus gínyá buáy ebúné bá asa wá Yuludɛ́ŋ.
Currently Selected:
Matáyoso 4: MMU2
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Matáyoso 4
4
Mbuge yá Yésu
1Ɛsámb yá Mefuny iyádɔ́m Yésu agá giɔ́ndɔ́ ká Ɔmbɛlɛ́mbɛl ɔ́bɛ́dɔɔn wɔ́. 2Uwebílég manyán guám medug etín ándɛ, na budug anyɛ na buɔ́s. Agá gélem ány, nsana iyadɛgɛn wɔ́. 3Ɔmbɛlɛ́mbɛl uwabɛ́nyɛkɛnɛn wɔ́, uganyɛ gág gɔ́g ká: «Ɔ́gɔ anyɛ mɔɔn wá Gɔdányá, ɔyɛ́dɛ́n adany eye ká yɛɛ́y bɛnyɔka.» 4Yésu guondinyi wɔ́ ká: «Mbɔbɔnɔ yá Gɔdányá guɔ́yɔ ká: Sá gɔ́ɔg manyán málaná ká mɔnd sɔ́dɔɔn, gugál gidigid gɔg guámaná agá niíd ná Gɔdányá mɔnd sɔ́dɔnɔ́ na gɔ́.» 5Ɔmbɛlɛ́mbɛl uwuban wɔ́ Yelúsalɛm, tísɔn Gɔdányá mɔ́ɔdɔ́bɔ́n, guadálɛ́mɛ́d nág ugumuana wa ɔdɔ́nd wá ɔnyɛb, 6uwand guɔyɛd gág ká: «Ɔ́gɔ anyɛ mɔɔn wá Gɔdányá, bɛ́nɛ́n águá egegus, gágual ká búnyɛ́ buɔ́ŋɔ́n ká: Ugɔyɛdɛn bɛɛngɛlɛs baág ká bágúbɛ́dɔ́gɛn ɔgɔ́b gá ɛmbɔ́g, nɛnama nɛ́nyá gɛgɔnd gɔ́w dibúbén agá nɛ́dany#4.6 Alɛ́ŋɛ́d Ɛsag 91.11-12.» 7Yésu ganyɛ gág ká: «Búnyɛ sɔ́n buɔ́ŋɔ́n ká: Ɔdiɔ́bɛ́dɔɔ́n Ɔgúnɔ́ Gɔdányá wɔw.» 8Ɔmbɛlɛ́mbɛl guand guadálɛ́mɛ́d naga agá ndogodoódo ya nɔgɔnd, uwedíyenyi wɔ́ mefuŋ gidigid má gus na nugúm ná mɔ́, 9uwɔ́yɛ́kɛnɛn ká: «Ngagufá manda amaány gidigid éméngunsin enú ónd émbúlígenyi.» 10Yésu ganyɛ gág gɔ́g ká: «Nŋélíkínyí egúné Sátan, gágual ká búnyɛ buɔ́ŋɔ́n ká: búlígényí Ɔgúnɔ́ Gɔdányá wɔw ónd álaan wɔ́ buol ɔwɔ́ eŋényé#4.10 Alɛ́ŋɛ́d bisele 6.13.» 11Ɔmbɛlɛ́mbɛl gɔnɛn wɔ́ gɔg, bɛɛngɛlɛs bá Gɔdányá abábɛ́nyɛkɛnɛn Yésu, ebédúm gualaan wɔ́ buol.
Yésu máab Galilé
(Mál 1.14-15; Lúk 4.14-15)
12Anyɛ́ Yésu mɔ́ɔb ká bámádɛ́gɛ́n Sáŋa bámág wɔ́ agá gians gá mbíné, uwadɔg gá gɔb agá giéns gá gus gá Galilé. 13Uwélíki Násalɛd gá guɔlɔbɔɔ́n Kapɛlɛnahúm agá nsɔ́l ya manáŋ abɔ́sa, agá biéns bá gus bá Sabulɔ́ŋ na Nefetalí, 14anaány ká buóny Gɔdányá mɔ́ɔyɛ́d agá niíd ná ibús Isayí bífuógidonyi. Umɔyɛ́d ká:
15Band bá Sabulɔ́ŋ na bá Nefetalí, nunyɛ
gɛbala gá manáŋ abɔ́sa,
gɛdɔŋ gínyá buáy ebúné bá asa wá Yuludɛ́ŋ,
Galilé uwɔ́ benyi bá band gɛ́ganá kɔ́!
16Gɛdɔŋ gínyá gubá agá mbíne
maán gianta gá gise;
ebe bányá gubá agá gɛdɔŋ gá mbíne ya nigú,
gise mánɛ́g#4.16 Alɛ́ŋɛ́d Esa 8.23–9.1.
17Gubanyɛg agá gɛsɛgɛl igiány, Yésu gudúm guémbínenyi, wɔyɔ ká: «Énunúgí ɛdɛm saán: Bufuŋ bá muana gányɛ egúy.»
Ɔmbɛ́lɛ́gɛ́n wá bafɔ́nɔfɔ́n bá busió
(Mál 1.16-20; Lúk 5.1-11)
18Anyɛ́ Yésu máabá wanda agá nsɔ́l ya manáŋ abɔ́sa wa Galilé, uwaán belimén bándɛ, Símune bábɛ́laná ká Piéle na endimen waga Andelé, bámáabá bétenyi buoli agá manáŋ abɔ́sa; bámabá bosogi muɔbɔ. 19Uganyɛ gɔ́b ká: «Ánuŋlád ngenuíyi bosogi band.» 20Ebédúmbi gubɛ́yɛ́bɛd moli mɔ́b, abálád wɔ́. 21Úbɛ́nyɛkɛnɛ, uwaán Sáka mɔɔn wá Sebedé na endimen waga Sáŋa, bɔ́bɔ́ sɔ́n bámabá belimen. Bámabá agá gilu na sié wɔ́b Sebedé bábábɛna moli mɔ́b. Yésu uwabɛ́lɛ́gɛn bɔ́. 22Ebédúmbi gutɛ́n gilu na sié wɔbɔ, abálád wɔ́.
Yésu na giŋi gá band
(Mál 1.39; Lúk 4.44; 6.17-18)
23Kányɛ Yésu móol wándánd agá giéns gá gus gá Galilé gidigid, udúmbenyi ndág ya nsɔ́m ya Bufuŋ bá muana, ufúnyifunyi agá bians bɔ́b bá mbísógól, wéŋúgenyi ɛgɔnɔ gidigid na anama yá bióŋ gidigid agá gadágadá wa band. 24Ɔfɛ́n wág uwédúm gugúme agá gɛdɔŋ gá Silí gidigid, abábanyɛg gúlenin wɔ́ na band gidigid bámáabɛ́dáŋɔ́ná anama, anama, na band bámáabiánán biád bá bíliíndié, band bebuéŋídeny, bigónd, uwéŋugenyi bɔ́. 25Bianta bá biŋi bá band ibiáládaan wɔ́, bómoólónín agá giéns gá gus gá Galilé na gá Dekapólo, Yelúsalɛm, agá giéns gá gus gá Yudé, na agá giéns gá gus gínyá buáy ebúné bá asa wá Yuludɛ́ŋ.
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo