माथ 1
1
जिसु मा़सिरेन हापड़ामको
(लु ३:२३-३८)
1आबराहामरेन होपोन, दा़उदरेन होपोन, जिसु मा़सि रेयाक् बोंस बुदा़। 2आबराहाम दो इसाहाकरेन आपाते ताहेंकाना। इसाहाक दो जाकबरेन आपाते ताहेंकाना, जाकब दो जिहुदा़ आर उनिरेन बोयहाकोरेन आपात, 3जिहुदा़ दो फारेस आर जाहेररेन आपाते ताहेंकाना, उनकिनरेन एङगात दो तामारे ताहेंकाना। फारेस दो हेसरोन आपात, हासरोन दो आरामरेन आपाते ताहेंकाना, 4आराम दो आ़मिनादाबरेन आपात ए ताहेंकाना, आ़बिनादाब दो नाहसोन आपात, नाहसोन दो सालमोनरेन आपात, 5सालमोन दो बोआसरेन आपाते ताहेंकाना, उनिरेन एङगात दो राहाबे ताहेंकाना। बोआस दो ओबेदरेन आपाते ताहेंकाना उनिरेन एङगात दो रुथ ए ताहेंकाना। ओबेद दो जा़सा़य आपात, 6जा़सा़य दो दा़उद राजारेन आपाते ताहेंकाना। दा़उद दो सुलेमानरेन आपाते ताहेंकाना। उनिरेन एङगात दो पा़हिलरे उरिया़रेन बा़हुये ताहेंकाना। 7सुलेमान दो राहबाम आपात, राहबाम दो आ़बिया़रेन आपात, आ़बिया़ दो आसारेन आपात, 8आसा दो जेहोसापातरेन आपात, जेहोसापात दो जेहोरामरेन आपात, जेहोराम दो उजिया़रेन आपात, 9उजिया़ दो जोथामरेन आपात, जोथाम दो आहाजरेन आपात, आहाज दो हिसिकिया़रेन आपात, 10हिसिकिया़ दो मानासेरेन आपात, मानासे दो आमोनरेन आपात, आमोन दो जोसिया़रेन आपात, 11जोसिया़ दो जेखोनिया़ आर उनिरेन बोयहाकोरेन आपाते ताहेंकाना। नोको दो जिहुदि होड़को बाबेलतेको चालोन ओचोक् ओकते रेन होड़ कानाको।#२ रापाजको 24:14,15; २ बिबोरोन 36:5-21; जिरिमिया़ 27:20; 29:1-4; दानिएल 1:1,2 12बाबेलते चालोनको तायोम जेखोनिया़ दो सालतिएल जोनोमे एमादेया, सालतिएल दो सेरुबाबेलरेन आपात, 13सेरुबाबेल दो आ़बिहुद आपात, आ़बिहुद दो एलया़किमरेन आपात, एलया़किम दो आजोररेन आपात, 14आजोर दो सादोकरेन आपात, सादोक दो आ़खिमरेन आपात, आ़खिम दो एलिहुदरेन आपात, 15एलिहुद दो एलाजाररेन आपात, एलाजार दो माथानरेन आपात, माथान दो जाकबरेन आपाते ताहेंकाना। 16जाकब दो जोसेफरेन आपाते ताहेंकाना, ओने उनिरेन बा़हु दो मा़रिया़मे ताहेंकान। उनि मा़रिया़म खोनगे मा़सिको मेताय, जिसु दोए जानाम लेना। 17आदो नोनकाते आबराहाम खोन दा़उद हा़बिच् जोतो पिड़हि दो गेलपोन पिड़हि आर दा़उद खोन बाबेलते चालोनको हा़बिच् दो गेलपोन पिड़हि, आर बाबेलते चालोनको खोन मा़सि हा़बिच् दो गेलपोन पिड़हिको होयेना।
जिसु मा़सियाक् जानामोक्
(लु २:१-७)
18जिसु मा़सियाक् जोनोम दो नोनका लेका होयेना, उनिरेन एङगात मा़रिया़म दो जोसेफ तुलुच् होरोक् चिखना़ आकाने ताहेंकानरे, आ़उरिकिन बापलाक्रेगे सोनोत जिउ होतेते होड़मोरे मेनाक्ताया मेनतेये ओरोमेना।#लुक 1:27 19उनिरेन जाँवाँय जोसेफ दो भागे होड़े ताहेंकानते आर दुसिकाय बाय कुसिलेनते, भोरमे भोरमेते बा़गियिये मेनवाना। 20मेनखान नोवाकोय हुदिस जोङकान ताहेंकानरे, ञेलपे प्रोभुरेन मित्टेन दुत कुकमुते उनि ठेन ञेल ओचोयेनतेये मेतादेया, “ए जोसेफ दा़उदरेन होपोन आमरेन बा़हु मा़रिया़म हातावेते दो आलोम बोतोरोक्आ, एनते उनिरे होय आकानाक् दो सोनोत जिउ होतेतेयाक् काना। 21उनि दो मित्टेन कोड़ा गिदरा़इ जानामेया, आर उनियाक् ञुतुम दो जिसुम दोहोयताया, एनते उनि दो आच्रेन होड़को आकोवाक् का़इको खोने बाञचावकोवा।”#लुक 1:31 22नोवाको जोतो दो होय आकाना जेमोन ना़बि मोचाते प्रोभुइ रोड़लेत्आक् काथा पुरा़उक्,#जेसाया 7:14 23“ञेलपे कुँवा़ँरियिच् दोए भा़रति होड़मोक्आ आर मित्टेन कोड़ा गिदरा़इ जानामेया आर उनियाक् ञुतुम दो इमानुएलको दोहोयताया।” ओना दो तोरजोमाते “इसोर आबोन तुलुच्।”#जेसाया 7:14 24आदो जोसेफ जा़पित् खोने एबहेनेन खान, प्रोभुरेन दुते मेतादे लेकाकेत्ते बा़हुतेत् ए आ़गुकेदेया, 25आर कोड़ा गिदरा़ आ़उरिये जानामे हा़बिच् बाय जाक् जोटेत्लेदेया, आर जोसेफ दो उनियाक् ञुतुम जिसुइ दोहोकेत्ताया।#लुक 2:21
Currently Selected:
माथ 1: NTSPt25
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The New Testament Books in Santhali Language © The Word for the World International and Santhali Translation Project, Nepal, 2025