Marko 3
3
Wur tiqpa shì vsv̀ng dvba:nò we
Mat. 12:9-14; Luk. 6:6-11
1Yesu nø vrá tiqkvt júrøt chø̀m sv̀ng gòngá:mì. Weyv́ngø wur tiqpa shì we tiqpè vle. 2“Narni taq àng sv̀ng Yesuí dvban daqò má?” wa nø̀ Àng sv̀ng cèlv́m rvt àngmaqí dvjà:mòe. 3Yesuí wur tiqpa shì pè sv̀ng, “Vzv̀ng kaq èrip long,” a:lòe.
4Vrá, À:ngí àngmaq sv̀ng, “Narni taq bv̀nlì shvlá rì mø̀íni bv̀nlì mvgv́m rì, gø̀nshaq shvlutlv́m, mø̀íni shvmv́nglv́m, kapv̀n wá daqe má?” wa rø:tnòe. Íwe, àngmaq dø màwá vle.
5Àngmaq nøt zaq rvt Yesu nøt yùr nø̀, shv̀mná mvgø̀r sórí àngmaq sv̀ng gùrhøm dvjaqò dá:ngí wepè sv̀ng, “Nà wur èzúshì long,” a:lòe. Àng wur zúshì lú:ngì kvt, vrǿng baná:mì. #Yoh. 11:33 6Wekvt Parisirì búngá:mì nø̀, Yesu sv̀ng kadøwa shvtlv́m dang wela:ngí ni Herot mvdò nv̀ng vrashìe. #Mat. 22:16
Za vsv̀ng dvba:nò we
Mat. 12:15-16; Luk. 6:17-19
7Wemèpvng Yesu nv̀ng Àng coqcv́nrì nø tìnúngmè kaqsv̀ng yilshìá:mì. Galili kèní vsv̀ng loksok lokgaí gø Àng mèpvng cà:nòe. 8À:ngí ring we bv̀nlì wàò we tvràrì tá bǿà kvt, Galili rvgaq, Yuda rvgaq, Yerusalem, Idumia rvgaq, Yordan Tìwàng kupa nv̀ng Tiru wamà ó Sidon wamà gùrhøm kèní gø, vsv̀ng loksok nø Àng yv́ngsv̀ng dì ráì. #Mat. 4:25 9Vsv̀ng loksu:kngí Àng sv̀ng màshvgørlv́m rvt, kùngshícè tiqgø̀m Àng dvpvt tvlú dvgø̀lv́m Àng coqcv́nrì sv̀ng a:lòe. 10Pàwá wani vsv̀ng mvme sv̀ng À:ngí dvban bǿà rvtnø̀, dvsǿn zøtnáí zarì í dv́ngte nø Àng sv̀ng shup lúnlv́m vnvpshì ráì. 11Cángrìí Àng sv̀ng yv̀ng bǿò kvt vrv̀m Àng mv́rdv̀ngø kǿngkupshì nø̀, “Nà nø Gvray Àngcèpè èíe!” wa vkiqe. #Luk. 4:41 12Ínìgø, Àng kagǿ í we sv̀ng vsv̀ngrì kaq màdvshvnglv́m Yesuí cángrì sv̀ng mvgvmkaq dvká:mòe.#Mak. 1:34
Yesuí coqcv́n Tiqcé Vnípè rvcà:ngò we
Mat. 10:1-4; 12:24-32; Luk. 6:12-16; 11:15-52
13Wemèpvng Àng nø mvrùl sv̀ng ngang nø̀, Àng go mvyǿ we tiqmvdò sv̀ng go bǿà nìnø, Àng yv́ngsv̀ng àngmaq dì lú:ngì. 14Àng nv̀ng tiqdø v̀llv́m gø, mvshǿl dvshvng dvzv́rlv́m gø, vsv̀ng tiqcé vnípè rvcà:ngò dá:ngí, àngmaq sv̀ng dvzv́r bø̀ng tǿòe. 15Wekvtrá àngmaq sv̀ng nø cáng lùnglv́m vmíng vkv́ng gø zíòe. 16Rvcv̀ng bǿà we Tiqcé Vnípè nø yarì íe. Simon sv̀ng À:ngí Piter wa tǿòe. #Yoh. 1:42 17Zebedi àngcè Boaneji tǿò pèní Yaku nv̀ng àngnvmpè Yohan, (Boaneji nø “muq dø gø̀m cèpèní” wa kà íe), #Luk. 9:54 18Anderu, Pilip, Bartolemi, Mati, Toma, Alpiu àngcèpè Yaku, Tadiu, dvcì shóngnøt te pè Simon#3:18 Ya kà sv̀ng “Kananipè Simon” wa nø̀ tvlíng daqe. nv̀ng 19Yesu kaq nvmvmlv́m pè Ishvkarot Yuda íe.
20Wemèpvng Yesu nø chø̀m sv̀ng gòng ráì nìnø, àngmaqí v́mpà v́m gø mvlú:nò høq, vrá tiqkvt vsv̀ng loksok kø̀m ráì. 21Àng rvp vsv̀ng rìí yalòng tá bǿà kvt, “Àng nø nøt mvriqá:mì pà íe,” wae. Wervt Àng sv̀ng lùlv́m búngá:mì. #Yoh. 7:20; 8:48,52; 10:20
22Yerusalem kèní dì daqì we dvrá svrarìí, “Àng nø Belzabul dvchøp rvtnø̀, cángrì ø:pmò pè nònggùn kèní cángrì lù:ngò we íe,” wae.
23Wervt Yesuí àngmaq sv̀ng goò dá:ngí, kàshvbóng kèní àngmaq sv̀ng, “Satan sv̀ng nø Sataní kadøwa lúng shvlani má? 24Móngdàn tiqlòng nø vdè shvdaq vtùke nìnø, wemóng nø ngv̀ngdønglv́m màvl. 25Tiqchø̀m vsv̀ng gø vdè shvdaq vtùke nìnø, wervp nø ngv̀ngdønglv́m màvl. 26Wedø tiqdvchá, Satan gø àng nø àng vtúshì nø̀ vgv̀ng vkang nìnø, àng gø ngv̀ngdønglv́m màvl. Vrø̀l vcatnvme. 27Nònggùn zaq pè sv̀ng vzv̀ng màdóngshaq, àng chø̀m sv̀ng gòng nø̀ kagǿí gø àng dvrèrì tøl mvlúnshì. Nònggùn zaq pè sv̀ng dóng dá:ngí wa àng chø̀m dvrèrì tøl lúnshìe.
28Ngàí jø̀ngjǿng vla:tnìni, vsv̀ngrìò mvrà nv̀ng Gvray kaq shvyǿmkà shø̀n we mvrà shvngbe nø chutna lúnshìe. 29Íwe, Shànshér Pvlàcè kaq shvyǿ:mò gǿ sv̀ng nø kadø í nìgø chutnalv́m màvl. Wegǿ nø dvciqlvpat mvrà vrie,” a:lòe.
30À:ngí àngmaq sv̀ng yadø a:lò we nø, “Àng nø cáng dvchøpme,” a:lò rvt íe.#Mak. 3:22
Kv́m vsv̀ngrì nø Yesu àngrì àngrvp í we
Mat. 12:46-50; Luk. 8:19-21
31Wedvgvp Yesu Àngmè nv̀ng Àngnvmpèla dì ráì nø̀, chø̀m vngám lap yv́ng rip sórí, Yesu sv̀ng golv́m tiqgǿ kaq dvzá:ròe. 32Àng gùrhømø vsv̀ng loksok runge. Àngmaqí, “Nvmè nv̀ng Nvnvmpèlaí Nà sv̀ng èlá nø̀ vngámlap yv́ng vle,” a:lòe.
33Wekvt À:ngí àngmaq sv̀ng, “Vmè nv̀ng vnvmpèla nø kagǿmaq í we dvtáa:tnìni” a:lò dá:ngí, 34Àng gùrhøm rung rì sv̀ng dvjaqò sórí, “Èyv̀ngnø̀ng, yarì nø Vmè nv̀ng Vnvmpèla íe! 35Gvray nøt cv́n døng gǿ nø Vnvmpè, Vnvmmè nv̀ng Vmè íe,” wa vtá:nòe.
Currently Selected:
Marko 3: GSM
Tya elembo
Copy
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 3
3
Wur tiqpa shì vsv̀ng dvba:nò we
Mat. 12:9-14; Luk. 6:6-11
1Yesu nø vrá tiqkvt júrøt chø̀m sv̀ng gòngá:mì. Weyv́ngø wur tiqpa shì we tiqpè vle. 2“Narni taq àng sv̀ng Yesuí dvban daqò má?” wa nø̀ Àng sv̀ng cèlv́m rvt àngmaqí dvjà:mòe. 3Yesuí wur tiqpa shì pè sv̀ng, “Vzv̀ng kaq èrip long,” a:lòe.
4Vrá, À:ngí àngmaq sv̀ng, “Narni taq bv̀nlì shvlá rì mø̀íni bv̀nlì mvgv́m rì, gø̀nshaq shvlutlv́m, mø̀íni shvmv́nglv́m, kapv̀n wá daqe má?” wa rø:tnòe. Íwe, àngmaq dø màwá vle.
5Àngmaq nøt zaq rvt Yesu nøt yùr nø̀, shv̀mná mvgø̀r sórí àngmaq sv̀ng gùrhøm dvjaqò dá:ngí wepè sv̀ng, “Nà wur èzúshì long,” a:lòe. Àng wur zúshì lú:ngì kvt, vrǿng baná:mì. #Yoh. 11:33 6Wekvt Parisirì búngá:mì nø̀, Yesu sv̀ng kadøwa shvtlv́m dang wela:ngí ni Herot mvdò nv̀ng vrashìe. #Mat. 22:16
Za vsv̀ng dvba:nò we
Mat. 12:15-16; Luk. 6:17-19
7Wemèpvng Yesu nv̀ng Àng coqcv́nrì nø tìnúngmè kaqsv̀ng yilshìá:mì. Galili kèní vsv̀ng loksok lokgaí gø Àng mèpvng cà:nòe. 8À:ngí ring we bv̀nlì wàò we tvràrì tá bǿà kvt, Galili rvgaq, Yuda rvgaq, Yerusalem, Idumia rvgaq, Yordan Tìwàng kupa nv̀ng Tiru wamà ó Sidon wamà gùrhøm kèní gø, vsv̀ng loksok nø Àng yv́ngsv̀ng dì ráì. #Mat. 4:25 9Vsv̀ng loksu:kngí Àng sv̀ng màshvgørlv́m rvt, kùngshícè tiqgø̀m Àng dvpvt tvlú dvgø̀lv́m Àng coqcv́nrì sv̀ng a:lòe. 10Pàwá wani vsv̀ng mvme sv̀ng À:ngí dvban bǿà rvtnø̀, dvsǿn zøtnáí zarì í dv́ngte nø Àng sv̀ng shup lúnlv́m vnvpshì ráì. 11Cángrìí Àng sv̀ng yv̀ng bǿò kvt vrv̀m Àng mv́rdv̀ngø kǿngkupshì nø̀, “Nà nø Gvray Àngcèpè èíe!” wa vkiqe. #Luk. 4:41 12Ínìgø, Àng kagǿ í we sv̀ng vsv̀ngrì kaq màdvshvnglv́m Yesuí cángrì sv̀ng mvgvmkaq dvká:mòe.#Mak. 1:34
Yesuí coqcv́n Tiqcé Vnípè rvcà:ngò we
Mat. 10:1-4; 12:24-32; Luk. 6:12-16; 11:15-52
13Wemèpvng Àng nø mvrùl sv̀ng ngang nø̀, Àng go mvyǿ we tiqmvdò sv̀ng go bǿà nìnø, Àng yv́ngsv̀ng àngmaq dì lú:ngì. 14Àng nv̀ng tiqdø v̀llv́m gø, mvshǿl dvshvng dvzv́rlv́m gø, vsv̀ng tiqcé vnípè rvcà:ngò dá:ngí, àngmaq sv̀ng dvzv́r bø̀ng tǿòe. 15Wekvtrá àngmaq sv̀ng nø cáng lùnglv́m vmíng vkv́ng gø zíòe. 16Rvcv̀ng bǿà we Tiqcé Vnípè nø yarì íe. Simon sv̀ng À:ngí Piter wa tǿòe. #Yoh. 1:42 17Zebedi àngcè Boaneji tǿò pèní Yaku nv̀ng àngnvmpè Yohan, (Boaneji nø “muq dø gø̀m cèpèní” wa kà íe), #Luk. 9:54 18Anderu, Pilip, Bartolemi, Mati, Toma, Alpiu àngcèpè Yaku, Tadiu, dvcì shóngnøt te pè Simon#3:18 Ya kà sv̀ng “Kananipè Simon” wa nø̀ tvlíng daqe. nv̀ng 19Yesu kaq nvmvmlv́m pè Ishvkarot Yuda íe.
20Wemèpvng Yesu nø chø̀m sv̀ng gòng ráì nìnø, àngmaqí v́mpà v́m gø mvlú:nò høq, vrá tiqkvt vsv̀ng loksok kø̀m ráì. 21Àng rvp vsv̀ng rìí yalòng tá bǿà kvt, “Àng nø nøt mvriqá:mì pà íe,” wae. Wervt Àng sv̀ng lùlv́m búngá:mì. #Yoh. 7:20; 8:48,52; 10:20
22Yerusalem kèní dì daqì we dvrá svrarìí, “Àng nø Belzabul dvchøp rvtnø̀, cángrì ø:pmò pè nònggùn kèní cángrì lù:ngò we íe,” wae.
23Wervt Yesuí àngmaq sv̀ng goò dá:ngí, kàshvbóng kèní àngmaq sv̀ng, “Satan sv̀ng nø Sataní kadøwa lúng shvlani má? 24Móngdàn tiqlòng nø vdè shvdaq vtùke nìnø, wemóng nø ngv̀ngdønglv́m màvl. 25Tiqchø̀m vsv̀ng gø vdè shvdaq vtùke nìnø, wervp nø ngv̀ngdønglv́m màvl. 26Wedø tiqdvchá, Satan gø àng nø àng vtúshì nø̀ vgv̀ng vkang nìnø, àng gø ngv̀ngdønglv́m màvl. Vrø̀l vcatnvme. 27Nònggùn zaq pè sv̀ng vzv̀ng màdóngshaq, àng chø̀m sv̀ng gòng nø̀ kagǿí gø àng dvrèrì tøl mvlúnshì. Nònggùn zaq pè sv̀ng dóng dá:ngí wa àng chø̀m dvrèrì tøl lúnshìe.
28Ngàí jø̀ngjǿng vla:tnìni, vsv̀ngrìò mvrà nv̀ng Gvray kaq shvyǿmkà shø̀n we mvrà shvngbe nø chutna lúnshìe. 29Íwe, Shànshér Pvlàcè kaq shvyǿ:mò gǿ sv̀ng nø kadø í nìgø chutnalv́m màvl. Wegǿ nø dvciqlvpat mvrà vrie,” a:lòe.
30À:ngí àngmaq sv̀ng yadø a:lò we nø, “Àng nø cáng dvchøpme,” a:lò rvt íe.#Mak. 3:22
Kv́m vsv̀ngrì nø Yesu àngrì àngrvp í we
Mat. 12:46-50; Luk. 8:19-21
31Wedvgvp Yesu Àngmè nv̀ng Àngnvmpèla dì ráì nø̀, chø̀m vngám lap yv́ng rip sórí, Yesu sv̀ng golv́m tiqgǿ kaq dvzá:ròe. 32Àng gùrhømø vsv̀ng loksok runge. Àngmaqí, “Nvmè nv̀ng Nvnvmpèlaí Nà sv̀ng èlá nø̀ vngámlap yv́ng vle,” a:lòe.
33Wekvt À:ngí àngmaq sv̀ng, “Vmè nv̀ng vnvmpèla nø kagǿmaq í we dvtáa:tnìni” a:lò dá:ngí, 34Àng gùrhøm rung rì sv̀ng dvjaqò sórí, “Èyv̀ngnø̀ng, yarì nø Vmè nv̀ng Vnvmpèla íe! 35Gvray nøt cv́n døng gǿ nø Vnvmpè, Vnvmmè nv̀ng Vmè íe,” wa vtá:nòe.
Currently Selected:
:
Tya elembo
Copy
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2025 Rvcv́ngcè Kàru Gomidi Kristu Shvngø̀mré. All Rights Reserved.