रोमि 10
10
1खान्धुराइ ओनेगेलाइ, काङको हृदयसोङ इच्छा हि, कि परमेस्वर काङको इस्राएललि द्याङगेलाइहेङ उद्दार प्याको, ओदोङ भाअ्सिङ का इम्बालाइ बान्चिलि निनाको दोअ्तेङ परमेस्वर दोफा प्रार्थाना पाखा। 2का या साक्सि प्याङका, कि परमेस्वरको भाअ्सिङ इम्बालाइको जोसते हि, कालाउ इम्बालाइ हेसा ठिक तरिकासो परमेस्वरको सेवा पालि गोइका बिसोइता थाहा मान्थु। 3हाइपालिपानु परमेस्वरसो लोका धार्मिकताको बिसोइता मागितेङ इम्बालाइ ताइकोङ तरिकाहोइ धर्मि जेङलि भोलाउ इम्बालाइ परमेस्वर पाहासो धार्मिक जेङका काथाहेङ सुइकार मापाहि। 4हाइपालिपानु ख्रिस्ट लोतेङ एला व्यवस्थाको उदेस्य पुरा जेङलि दोका हि। ओदोङ भाअ्सिङ ख्रिस्टता खाङधुरि पाका झाराङहेङ परमेस्वर धर्मि बानाइयाङ।
5जेलाउ मोसा व्यवस्थाहेङ केम्तेङ परमेस्वर पाहासो धर्मि जेनाङ दोअ्का काथाको बिसोइता लेखेहि कालाउ वा दोअ्हि, “जाइ द्याङ वाको आग्या केम्खे, उङको इङको आन्सार बान्च्याङ।” 6कालाउ खाङधुरिता हिका आधारित धार्मिकताको बिसोइता धर्मसास्तर एसा लेखेका हि, “मनमनताङ एसा मादोअ्ताको, कि ख्रिस्टहेङ स्वर्गसो लेता चुमालि हासु हानाङ? 7माकुनु ताइको मनता एसा बुङ मादोअ्सु, ख्रिस्टहेङ सिकासो ह्रुता चुमालि पातालता हासु लेता खुअ्ताङ?” 8कालाउ धर्मसास्तर दोङ एसापा दोअ्खे,
“परमेस्वरको बचन नेलाइको भेरपाङ हि,
इङको नाङको नुइताङ कालाउ नाङको हृदयता हि,
इदोइ सन्देसहोइ परमेस्वरता खाङधुरि पालि धिरपाखे,
जेदोङ केलाइ प्राचार पान्हाखे।”
9हाइपालिपानु जेसापा नाअ् येसुहेङ प्रभु दोअ्तेङ ताइको नुइहोइ द्याङगेलाइको आगाता सुइकार पान्हा, कालाउ परमेस्वर वासेहेङ सिकालाइसो सिन्चाल पाहि दोअ्तेङ ताइको हृदयता खाङधुरि पान्हा पानु परमेस्वर नाङको मुक्ति पावा। 10हाइपालिपानु केलाइ ताइको हृदयहोइ खाङधुरि पान्हाखे पानु, परमेस्वर पाहासो केलाइ धर्मि जेनाङ। कालाउ केलाइ ताइको नुइहोइ खाङधुरि पाङका दोअ्तेङ सुइकार पानाखे कालाउ परमेस्वर केलाइहेङ बान्चिपाङ। 11हाइपालिपानु धर्मसास्तरता परमेस्वरको बक्ता यासाइया येसु ख्रिस्टको बारेता एसापा लेखेका हि, “वाको ह्रुता भोरोसा ताअ्का हासु बुङ निरास माजेनाङ।” 12हाइपालिपानु यहुदि कालाउ गैर-यहुदिता हाइ दोङ फरक मान्थु। वा एनोङ दोङ प्रभु झाराङको प्रभु हि, कालाउ वासेहेङ साघाइलिको भाअ्सिङ काइका झाराङहेङ बान्चि पावा। 13हाइपालिपानु धर्मसास्तरता इसिका लेखेका हि, जाइ-जाइ प्रभुको मिङ ल्होकावा वा मुक्ति निनावा।
14कालाउ द्याङगेलाइ प्रभुहेङ साघाइलिको भाअ्सिङ काइलि खान्तेङ लाम्फा, इम्बालाइ प्रभुहेङ खाङधुरि पालि गोइखे, कालाउ इम्बालाइ वासेहेङ खाङधुरि पालि खान्तेङ लाम्फा, वाको बारेता हिङलि गोइखे, कालाउ द्याङगेलाइ प्रभुको बारेता हिङलिको भाअ्सिङ, हासु बुङ इम्बालाइहेङ येसु ख्रिस्टता हेसा खाङधुरि पालि दोअ्लि गोइखे। 15कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्याङगेलाइको खोकोइ हेथे सोबाइका हि!”
16कालाउ ओबालाइ झाराङ सुसमाचार खाङधुरि मापाखे, हाइपालिपानु यासाइया परमेस्वरको बक्ता दोअ्खे, “प्रभु, आधिमि द्याङगेलाइ खिनिङ केलाइको सन्देसहेङ खाङधुरि पाका हि।” 17ओदोङ भाअ्सिङ खाङधुरि एन्सालाउ लोखे जेलाउ नाअ् बचन हिङखेना, कालाउ इङको बचन ख्रिस्टको बचन दोङ हि। 18कालाउ का दोअ्खा कि, यहुदि द्याङगेलाइ पाक्का दोङ येसु ख्रिस्टको बिसोइता बचन हिङका हि। हाइपालिपानु इदोइ धर्मसास्तरता लेखेका हि,
“इम्बालाइको बचन सारा प्रिथिबि भरि थुकाका हि,
कालाउ इम्बालाइको दोअ्का काथा सुमिङको गोताङ थामेगेलाइता थुकाका हि।”
19का आरोङ दोअ्खा, या सत्ये हि, कि इस्राएललिगेलाइ ख्रिस्टको बारेता बचन बुझिका हिघाहि। लाम्फा ते प्रभु मोसा पाहासो इदोइ दोअ्हि,
“नाअ् यहुदि द्याङगेलाइ, जेलाउ गैर-यहुदिगेलाइको भाअ्सिङ काङको प्रेम तिङस्वाना,
कालाउ का नेलाइहेङ डाहि पाका बानाइ याङका, कालाउ
का मुर्ख गैर-यहुदिगेलाइसो नेलाइहेङ चेरचुङ बानाइ प्याङका।”
20कालाउ यासाइया परमेस्वरको बक्ता साहासहोइ
परमेस्वरको दोअ्का काथा एसापा दोअ्खे,
“कासेहेङ माभोकालाइ चाहि कासेहेङ निङका हि,
जाइ कासेहेङ माभोहि इम्बालाइको माझाता का ताइमिङ तिङचालाघा।”
21कालाउ इस्राएलको द्याङगेलाइको बिसोइता परमेस्वर ताइको बक्ता यासाइया पाहासो दोअ्खे,
“लिपाङ दोङ मातेरेका कालाउ बिरोध पाका द्याङगेलाइ
काङकोता घुरितेङ ल्वाको दोअ्तेङ का काङको खुर ल्होपाघा।”
Currently Selected:
रोमि 10: DHINT
Tya elembo
Copy
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
रोमि 10
10
1खान्धुराइ ओनेगेलाइ, काङको हृदयसोङ इच्छा हि, कि परमेस्वर काङको इस्राएललि द्याङगेलाइहेङ उद्दार प्याको, ओदोङ भाअ्सिङ का इम्बालाइ बान्चिलि निनाको दोअ्तेङ परमेस्वर दोफा प्रार्थाना पाखा। 2का या साक्सि प्याङका, कि परमेस्वरको भाअ्सिङ इम्बालाइको जोसते हि, कालाउ इम्बालाइ हेसा ठिक तरिकासो परमेस्वरको सेवा पालि गोइका बिसोइता थाहा मान्थु। 3हाइपालिपानु परमेस्वरसो लोका धार्मिकताको बिसोइता मागितेङ इम्बालाइ ताइकोङ तरिकाहोइ धर्मि जेङलि भोलाउ इम्बालाइ परमेस्वर पाहासो धार्मिक जेङका काथाहेङ सुइकार मापाहि। 4हाइपालिपानु ख्रिस्ट लोतेङ एला व्यवस्थाको उदेस्य पुरा जेङलि दोका हि। ओदोङ भाअ्सिङ ख्रिस्टता खाङधुरि पाका झाराङहेङ परमेस्वर धर्मि बानाइयाङ।
5जेलाउ मोसा व्यवस्थाहेङ केम्तेङ परमेस्वर पाहासो धर्मि जेनाङ दोअ्का काथाको बिसोइता लेखेहि कालाउ वा दोअ्हि, “जाइ द्याङ वाको आग्या केम्खे, उङको इङको आन्सार बान्च्याङ।” 6कालाउ खाङधुरिता हिका आधारित धार्मिकताको बिसोइता धर्मसास्तर एसा लेखेका हि, “मनमनताङ एसा मादोअ्ताको, कि ख्रिस्टहेङ स्वर्गसो लेता चुमालि हासु हानाङ? 7माकुनु ताइको मनता एसा बुङ मादोअ्सु, ख्रिस्टहेङ सिकासो ह्रुता चुमालि पातालता हासु लेता खुअ्ताङ?” 8कालाउ धर्मसास्तर दोङ एसापा दोअ्खे,
“परमेस्वरको बचन नेलाइको भेरपाङ हि,
इङको नाङको नुइताङ कालाउ नाङको हृदयता हि,
इदोइ सन्देसहोइ परमेस्वरता खाङधुरि पालि धिरपाखे,
जेदोङ केलाइ प्राचार पान्हाखे।”
9हाइपालिपानु जेसापा नाअ् येसुहेङ प्रभु दोअ्तेङ ताइको नुइहोइ द्याङगेलाइको आगाता सुइकार पान्हा, कालाउ परमेस्वर वासेहेङ सिकालाइसो सिन्चाल पाहि दोअ्तेङ ताइको हृदयता खाङधुरि पान्हा पानु परमेस्वर नाङको मुक्ति पावा। 10हाइपालिपानु केलाइ ताइको हृदयहोइ खाङधुरि पान्हाखे पानु, परमेस्वर पाहासो केलाइ धर्मि जेनाङ। कालाउ केलाइ ताइको नुइहोइ खाङधुरि पाङका दोअ्तेङ सुइकार पानाखे कालाउ परमेस्वर केलाइहेङ बान्चिपाङ। 11हाइपालिपानु धर्मसास्तरता परमेस्वरको बक्ता यासाइया येसु ख्रिस्टको बारेता एसापा लेखेका हि, “वाको ह्रुता भोरोसा ताअ्का हासु बुङ निरास माजेनाङ।” 12हाइपालिपानु यहुदि कालाउ गैर-यहुदिता हाइ दोङ फरक मान्थु। वा एनोङ दोङ प्रभु झाराङको प्रभु हि, कालाउ वासेहेङ साघाइलिको भाअ्सिङ काइका झाराङहेङ बान्चि पावा। 13हाइपालिपानु धर्मसास्तरता इसिका लेखेका हि, जाइ-जाइ प्रभुको मिङ ल्होकावा वा मुक्ति निनावा।
14कालाउ द्याङगेलाइ प्रभुहेङ साघाइलिको भाअ्सिङ काइलि खान्तेङ लाम्फा, इम्बालाइ प्रभुहेङ खाङधुरि पालि गोइखे, कालाउ इम्बालाइ वासेहेङ खाङधुरि पालि खान्तेङ लाम्फा, वाको बारेता हिङलि गोइखे, कालाउ द्याङगेलाइ प्रभुको बारेता हिङलिको भाअ्सिङ, हासु बुङ इम्बालाइहेङ येसु ख्रिस्टता हेसा खाङधुरि पालि दोअ्लि गोइखे। 15कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्याङगेलाइको खोकोइ हेथे सोबाइका हि!”
16कालाउ ओबालाइ झाराङ सुसमाचार खाङधुरि मापाखे, हाइपालिपानु यासाइया परमेस्वरको बक्ता दोअ्खे, “प्रभु, आधिमि द्याङगेलाइ खिनिङ केलाइको सन्देसहेङ खाङधुरि पाका हि।” 17ओदोङ भाअ्सिङ खाङधुरि एन्सालाउ लोखे जेलाउ नाअ् बचन हिङखेना, कालाउ इङको बचन ख्रिस्टको बचन दोङ हि। 18कालाउ का दोअ्खा कि, यहुदि द्याङगेलाइ पाक्का दोङ येसु ख्रिस्टको बिसोइता बचन हिङका हि। हाइपालिपानु इदोइ धर्मसास्तरता लेखेका हि,
“इम्बालाइको बचन सारा प्रिथिबि भरि थुकाका हि,
कालाउ इम्बालाइको दोअ्का काथा सुमिङको गोताङ थामेगेलाइता थुकाका हि।”
19का आरोङ दोअ्खा, या सत्ये हि, कि इस्राएललिगेलाइ ख्रिस्टको बारेता बचन बुझिका हिघाहि। लाम्फा ते प्रभु मोसा पाहासो इदोइ दोअ्हि,
“नाअ् यहुदि द्याङगेलाइ, जेलाउ गैर-यहुदिगेलाइको भाअ्सिङ काङको प्रेम तिङस्वाना,
कालाउ का नेलाइहेङ डाहि पाका बानाइ याङका, कालाउ
का मुर्ख गैर-यहुदिगेलाइसो नेलाइहेङ चेरचुङ बानाइ प्याङका।”
20कालाउ यासाइया परमेस्वरको बक्ता साहासहोइ
परमेस्वरको दोअ्का काथा एसापा दोअ्खे,
“कासेहेङ माभोकालाइ चाहि कासेहेङ निङका हि,
जाइ कासेहेङ माभोहि इम्बालाइको माझाता का ताइमिङ तिङचालाघा।”
21कालाउ इस्राएलको द्याङगेलाइको बिसोइता परमेस्वर ताइको बक्ता यासाइया पाहासो दोअ्खे,
“लिपाङ दोङ मातेरेका कालाउ बिरोध पाका द्याङगेलाइ
काङकोता घुरितेङ ल्वाको दोअ्तेङ का काङको खुर ल्होपाघा।”
Currently Selected:
:
Tya elembo
Copy
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Dhimal New Testament, by The Love Fellowship is licensed under Creative Commons Attribution-ShareAlike 4.0 License.