रोमि 1:26-28

ओदोङ भाअ्सिङ परमेस्वर इम्बालाइहेङ इम्बालाइकोङ सिकाका कामबासाना पालि लाअ्पिहि। बेबालाइ ताइको के दोफा जिम्लि लाअ्तेङ बेबाल दोफाङ दोङ जिम्लि तेङहि। कालाउ एन्साङ दोङ वाबाल ताइको बे दोफा जिम्लि लाअ्तेङ वाबाल दोफा जिम्लि तेङहि। इम्बालाइ ता-ताइमिता सिकाका कामगेलाइ पाहि। ओदोङ भाअ्सिङ इम्बालाइ ताइको जिउसो पाका मारेम्का कामको भाअ्सिङ उचित दन्ड निङहि। कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।