Matiyò 12
12
Mìijowelì lì hvòmɛ̀nɛ̀ Wùnyà wò lì Arzìyòlɛ̀
(Mak 2.23-28; Luk 6.1-5)
1O mburza ŋmanà hvòka hvònda Yerzù na hwà-òkòwèlì hwa eni hwa ma hwɛ lì akeyà ò tenì ya e hvaya ya mbarzi. Wòŋgò wùnyà wò ma hwɛ ndi Wùnyà wò lì Arzìyòlɛ̀. Hwà-òkòwèlì hwa eni hwa ma hwèya e njàwò rzìi hwa hvata iŋgi mbarzi hwa nyuŋguhwa iŋgi hvɔ̀ŋgɔ̀ rzìi hwa wòteyà lì ji làa. 2Nà òma Ihvàlìrzàyì i ma ɛnɛ mamɛ ema hwa ma gbèye rzìi hwa òhwàna Yerzù nanù ema, “Ɔ̀ŋgɔ tɛ, Hwà-òkòwèlì hwa aŋgɔ̀ hwa gbeyà mamɛ ema e mbenda e rza ŋgbelɛ wònja ò lì gbeyà ò wùnyà wò lì Àrzìyòlɛ̀!” 3Yerzù à mà hwa alàhwɛ̀ nanù ema, “È rzi làŋgi ò e Kààtì yà Lohwà mamɛ ema Kìŋgɛ Dàhwitì à mà gbèyè na hwatò hwa eni e hvònda ema hwa mà hweye è njàwò e? 4È tìlàhwì nanù ema, à mà ɛ̀ndɛ ò Ndawò yà Lohwà na hwatò ema hwà mà hwɛ na mɔ̀, rzìi hwa làa hwèhvòòtò ema hwe ma rzekawɛlɛhwɛ nàa jàhwèyà ja ama Lohwà ema e mbenda ya arzu e rza ŋgbelɛ tɔ̀ mòtò e wònja ò lì hwe laa. Ipìlìrzì mɛnɛ ndi i ma hwɛnɛ wònja ò lì hwe làa. 5Ŋga e rzi laŋgi ò mbenda ya ama Mòrzè nanù ema tɔ̀ ò Wùnyà wò lì Arzìyòlɛ̀ Ipìlìrzì ja e Ndawò yà Lohwà i unda e mbenda yà Wùùnyà wò lì Arziyòlɛ lì wowana èwòlò ema hwa gbeyà, ndi tɔ̀ nanù rzeketɛ wòhwe wòŋgò ò wòrzò wò ama Lohwɛ̀. 6Nà è òhweyà nanù ema ò hwèlì mɔ̀kɔ anù ema a karzami lì aka e Ndawò yà Lohwà. 7È tìlahwì na òma Lohwɛ̀ à òhwi nanù ema, ‘Mamɛ ema na arzana hwatò e hwèlì ndi mèèmà mè ììlì, rzeketɛ màahweyà.’ Ndi e ma rzɔ̀ŋgìtɛ̀nɛ̀ tɛ kɔ̀yi-kɔ̀yi mamɛ ene mbɔrzi e ò òhwa, òma e rza hwɛlɛ hwatò nanù ema hwa hwèlì ndi hwatò ema hwa gbeyà wòhwe ema wɔ̀ hwa rza enje wòhwe. 8È hwɛni lì hwiya nanù ema, è Ŋmanà wà è Mòtò wà Hwènàmà à hwɛni wònja tɔ̀ ò ŋmanyu ya Wùnya wò lì Arzìyòlɛ̀.”
Yerzù à wɔ̀wìrzɛ̀yi è mòtò wà mɔɔ mò njɛmbu
(Mak 3.1-6; Luk 6.6-11)
9Yerzù rzìi a hwɛ̀mɛ̀ eŋge èki, a ɛ̀ndɛ lì kpèeyà ò tenì ya e ndawò ya màkanɛ̀ yà wònyà Yudà. 10O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?” 11Yerzù rzìi a alàhwɛ̀ nanù ema, “O hwèlì tɛ mɔ̀kɔ wa anyu anu ema a òhvi mɔ̀lɛ̀ŋgù mɔ̀kɔ rzìi mò unda ò tenì ya èhvɔ̀ndì ò Wùnya wò lì Arzìyòlɛ̀, ò rza rzihwa ò lì mò ulɛ e? 12È tànɛyi tɛ lì gbeyà Mɔ̀ɔ̀lɛ̀ŋgù nanù, ŋgelì iti nà è mòtò wà hwènàmà ema a hwɛni wòlìtò lì aka mɔlɛ̀ŋgù e? O èŋgànɛ̀lɛ̀ rzɔ, e mbenda e arzu e ŋgbelì ehvòlò ò lì òŋgòwànà mòtò, ò Wùnyà wò lì Arzìyòlɛ̀.” 13Yerzù rzìi a òhweyà òŋgò mòtò ema à mà ɔ̀kirzɛ̀ mɔ̀ɔ̀ mò njɛmbu nanù ema, “Ènyòwa mɔ̀ɔ̀ mò aŋgɔ̀.” A ma enyòwa mɔ̀ɔ̀ mò eni, rzìi mò wɔ̀hweyà gbamù nàa mɔnɛ̀yi mɔ̀. 14Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.
Yerzù, è mògbèèlì ema Lohwɛ̀ à hvɔ̀rzì
15Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ. 16Ndi à mà hwa kòkòhwɛ̀lɛ̀ à mà hwa rzi keka lì òhweyà tɔ̀ mòtò njɛnɛ mɔ̀ à hwèlì. 17À mà gbeyà ndi nanù ò lì òndìrzɛ̀ e mbɔrzi ema Lohwà à mà òme e mòòhwèlì wà èlìŋgɛ̀ Àyìrzayà ò lì òhwa nanù ema,
18“Ɔ̀ŋgɔ tɛ, e mògbèèlì wa ami ònò ema na hvɔ̀rzì,
na mò lìŋgàni, ndèŋgànɛ̀lɛ̀ a nò lìŋgìrzɛ.
Nà ò òma èlìŋgɛ̀ ya ami e ò hwɛ na mɔ̀.
A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.
19A rza kɔ̀ɔ hvenda tɔ̀ lì tɛɛya hwatò mòrzeya.
Lìlò la eni lì rza ò hwɛ̀ɛnɛ̀ ò tenì ya mbòwa.
20A rza ò kakòhwa ɛ̀kɔ̀kɔ̀ ema e ma hwɛndeya,
ndèŋgànà a rza ò lìmìrzɛ̀ ètùlù ema e arza lì lìmà.
A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.
21Hwatò ema hwa rza enje wònyà Yudà hwa ò ika màhvìtà mà awu ò lìna la eni.”
Hwatò hwa òhwa nanù ema Yerzù a gbeyàna ndi e ŋginyà ya ama Bɛ̀lrzɛ̀bùlì
(Mak 3.20-30; Luk 11.14-23)
22O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa. 23Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?” 24Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”
25Yerzù à mà hwiya mɔ̀ŋgɛ̀lɛ̀ ma awu, rzìi a hwa òhweyà nanù ema, “Tɔ̀ ima èkòmè ema e akahwanɛ ema e rzà òhwa eyà yɔ̀kɔ, e hwenì ndi lì hvaŋgeyà. Ndèŋgànà tɔ̀ ima mbòwà, tɔ̀ lìtumba ema lì akahwanɛ lɔ̀ lìti, ndèŋgànà hwatò hwa rza ahweyànɛlɛ lì rza tànɛyi lì tɛ̀mɛ̀. 26O èŋgànɛ̀lɛ̀ mòkarzɛ̀ a anana tɛ mòkarzɛ̀, eŋge ŋgàna e hwèlì ndi ema a ananɛyi mɔ̀ ŋmìti. Nɛ rzɔ lìkànèyà la eni lì tànɛyi lì tɛ̀mɛ̀ e? 27Nà gbeyàna tɛ ndi è ŋginyà ya ama Bɛ̀lrzɛ̀bùlì ò lì hvayana hwèlìŋgɛ̀ hwe wòhwe ò hwatò ima ŋginyà hvɛ ema hwatò hwa anyu wɔ̀ hvɛ hwa gbeyàna ò lì hvaya hwèlìŋgɛ̀ hwe wòhwe e? Mamɛ ema hwatò hwa anyu hwa gbeyà e uŋmɛ̀lɛ̀ nanù ema e tòni. 28Ndi na òma na gbeyàna e ŋginyà ya èlìŋgɛ̀ ya ama Lohwɛ̀, ò lì hvaya hwèlìŋgɛ̀ hwe wòhwe ene ŋgàna e uŋmɛ̀lɛ̀ ndi nanù ema lìkànèyà là ama Lohwɛ̀ lì mà jà ò ìtììtènì ja anyu.
29“Inyɛ̀ na e òhweyà, ò rza tànɛyi lì kpèeyà ò ndawò ya mòtò ema a imbami rzìi ò mò hvùmana erzaŋgò ya eni ema ò rza lòmɛ̀ lì mò kakà. Ò mà kùlɛ̀ tɛ lì mò kakà, lìŋgi lìrzàkò ɔ̀ndi ò mò wòwànà erzaŋgò ya eni ya arzɛ.
30“Tɔ̀ ima mɔ̀ ema a rza enje na imba òma a nò teŋgɛ̀nɛ̀yi, tɔ̀ è mɔ̀ hvɛ ema a rza nò òŋgòwànà ò lì rzàŋga, òma a hwèlì ndi ò lì bùulɛ. 31Nà è òhweyà ndi e jɔ̀kɛ̀ nanù ema, tɔ̀ ima wòhwe na ìrzìlàkò ema mòtò a gbèyi Lohwɛ̀ a ò mò làkìrzɛ̀, ndi tɔ̀ njɛnɛ ema a òhwi eyà ya wòhwe lì hvòmɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀. 32Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.
O hwehvùma ndi gbee a èmbahwà
(Luk 6.43-45)
33“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà. 34Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni. 35Mòtò wà gbamù a gbeyà gbamù èhwanja e uhwɛ̀lɛ̀lɛ ndi ò ŋmèma mò eni ema gbàamù wò utahwi. Mòtò wa wòhwe a gbeyà wòhwe èhwanja e uwɛ̀lɛ̀lɛ̀yi ndi ò mèèmà mò eni ema wòhwe wò utahwi. 36Nà e òhweyà nanù ema ò wùnyà wò hwèkàyìrzèlì tɔ̀ ima mòtò a hwɛnì lì ŋgbà ikɔki ja tɔ̀ ima mbɔrzi ya èèti ema e wurza ò wàna ya eni. 37Tɔ̀ ima eyà ema ò ma òhwe, yɔ ndi e ò gbeyàhwɛnɛ ò lì ò kàyìrzɛ̀.”
Ihvàlìrzàyì ja arzanì Yerzù embànèlì ya Mànyakà
(Mak 8.11-12; Luk 11.29-32)
38Wùnyà wɔ̀kɔ Hwà-òkòlèlì wà è mbenda nà Ihvàlìrzàyì hwa ma ja rzìi hwa òhweyà Yerzù nanù ema, “Mòòkòlèlì kòkò, i arza ema ò jò uŋmɛ̀lɛ̀ embànèlì ema e uŋmɛ̀lɛ̀ nanù ema e ŋginyà ya aŋgɔ̀ e uwɛ̀lɛ̀lɛ̀yi ndi òma Lohwɛ̀.” 39Ndi Yerzù à mà hwa timbirzɛlɛlɛ nanù ema, “Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e hwèlì e ijòwa embànèlì ya mànyakà! Ndi inyò e rza e luwa, lì aka tɛ embànèlì ya ama mòòhwèlì wà èlìŋgɛ̀ Jona. 40Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò. 41O wùnyà wò hwèkàyìrzèlì hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò, èhwanja hwatò hwa Nìnìhvɛ̀ hwa ma rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya e jɔ̀kɛ̀ nanù ema mòtò a hwèlì anu naŋgɛ ema à akayi Jona. 42O wùnyà wò hwèkàyìrzèlì è mòkànèlì wa mòlanà ema à mà hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. À ò tɛ̀mɛ̀ mbòŋgi ema è ò gbèyɛ ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.”
Èlìŋgɛ̀ ya wòhwe e timbelì tɛ mòtò ò nyò hvɛ
(Luk 11.24-26)
43Yerzù a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Èlìŋgɛ̀ ya wòhwe e wurzi tɛ̀ mòtò ò nyò, ya amàmìyɛ̀nɛ̀ɛ ndi ò mòrzanjɛ̀ ò lì àrza èki ema ya Arzìyòlɛ̀. È rzà lù tɛ èki, 44e àwòhwànɛ̀lɛ̀ yɔ yiti nanù ema, ‘Nà tìmbà hvɛ ò èŋge ndawò mɛnɛ ema nà mà hwɛ,’ e tìmbi tɛ, e ùŋmànɛ̀lɛ̀ èŋge ndawò è hwèlì ŋgundu, e rzàŋgi, nà lì rzeyàhwɛlɛ. 45Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”
Lìtumba lì ama Yerzù
(Mak 3.31-35; Luk 8.19-21)
46Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi 47mòtò mɔ̀kɔ a òhweyà Yerzù nanù ema, “Nyɔ̀ŋgɛ nà wònyanyàŋgò hwa aŋgɔ̀ hwa hwèlì ò èwòka hwa arza lì ò òhwirzɛnɛ.” 48Yerzù rzìi à hwa alàhwɛ̀ nanù ema, “Njɛnɛ à hwèlì nyàŋgò wa ami, hwa njɛnɛ hvɛ hwa hwèlì wònyanyàŋgò wa amì e?” 49Rzìi à uŋmɛ̀lɛ̀ jɔ̀nɔ ja eni òma Hwà-òkòwèlì hwa eni rzìi a òhwa nanù ema, “È ɔ̀ŋgɔ tɛ, nyàŋgò hwa ami na hwa wònyanyàŋgò hwa ami wɔ̀ hwa anù! 50Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”
Currently Selected:
Matiyò 12: bri
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Matiyò 12
12
Mìijowelì lì hvòmɛ̀nɛ̀ Wùnyà wò lì Arzìyòlɛ̀
(Mak 2.23-28; Luk 6.1-5)
1O mburza ŋmanà hvòka hvònda Yerzù na hwà-òkòwèlì hwa eni hwa ma hwɛ lì akeyà ò tenì ya e hvaya ya mbarzi. Wòŋgò wùnyà wò ma hwɛ ndi Wùnyà wò lì Arzìyòlɛ̀. Hwà-òkòwèlì hwa eni hwa ma hwèya e njàwò rzìi hwa hvata iŋgi mbarzi hwa nyuŋguhwa iŋgi hvɔ̀ŋgɔ̀ rzìi hwa wòteyà lì ji làa. 2Nà òma Ihvàlìrzàyì i ma ɛnɛ mamɛ ema hwa ma gbèye rzìi hwa òhwàna Yerzù nanù ema, “Ɔ̀ŋgɔ tɛ, Hwà-òkòwèlì hwa aŋgɔ̀ hwa gbeyà mamɛ ema e mbenda e rza ŋgbelɛ wònja ò lì gbeyà ò wùnyà wò lì Àrzìyòlɛ̀!” 3Yerzù à mà hwa alàhwɛ̀ nanù ema, “È rzi làŋgi ò e Kààtì yà Lohwà mamɛ ema Kìŋgɛ Dàhwitì à mà gbèyè na hwatò hwa eni e hvònda ema hwa mà hweye è njàwò e? 4È tìlàhwì nanù ema, à mà ɛ̀ndɛ ò Ndawò yà Lohwà na hwatò ema hwà mà hwɛ na mɔ̀, rzìi hwa làa hwèhvòòtò ema hwe ma rzekawɛlɛhwɛ nàa jàhwèyà ja ama Lohwà ema e mbenda ya arzu e rza ŋgbelɛ tɔ̀ mòtò e wònja ò lì hwe laa. Ipìlìrzì mɛnɛ ndi i ma hwɛnɛ wònja ò lì hwe làa. 5Ŋga e rzi laŋgi ò mbenda ya ama Mòrzè nanù ema tɔ̀ ò Wùnyà wò lì Arzìyòlɛ̀ Ipìlìrzì ja e Ndawò yà Lohwà i unda e mbenda yà Wùùnyà wò lì Arziyòlɛ lì wowana èwòlò ema hwa gbeyà, ndi tɔ̀ nanù rzeketɛ wòhwe wòŋgò ò wòrzò wò ama Lohwɛ̀. 6Nà è òhweyà nanù ema ò hwèlì mɔ̀kɔ anù ema a karzami lì aka e Ndawò yà Lohwà. 7È tìlahwì na òma Lohwɛ̀ à òhwi nanù ema, ‘Mamɛ ema na arzana hwatò e hwèlì ndi mèèmà mè ììlì, rzeketɛ màahweyà.’ Ndi e ma rzɔ̀ŋgìtɛ̀nɛ̀ tɛ kɔ̀yi-kɔ̀yi mamɛ ene mbɔrzi e ò òhwa, òma e rza hwɛlɛ hwatò nanù ema hwa hwèlì ndi hwatò ema hwa gbeyà wòhwe ema wɔ̀ hwa rza enje wòhwe. 8È hwɛni lì hwiya nanù ema, è Ŋmanà wà è Mòtò wà Hwènàmà à hwɛni wònja tɔ̀ ò ŋmanyu ya Wùnya wò lì Arzìyòlɛ̀.”
Yerzù à wɔ̀wìrzɛ̀yi è mòtò wà mɔɔ mò njɛmbu
(Mak 3.1-6; Luk 6.6-11)
9Yerzù rzìi a hwɛ̀mɛ̀ eŋge èki, a ɛ̀ndɛ lì kpèeyà ò tenì ya e ndawò ya màkanɛ̀ yà wònyà Yudà. 10O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?” 11Yerzù rzìi a alàhwɛ̀ nanù ema, “O hwèlì tɛ mɔ̀kɔ wa anyu anu ema a òhvi mɔ̀lɛ̀ŋgù mɔ̀kɔ rzìi mò unda ò tenì ya èhvɔ̀ndì ò Wùnya wò lì Arzìyòlɛ̀, ò rza rzihwa ò lì mò ulɛ e? 12È tànɛyi tɛ lì gbeyà Mɔ̀ɔ̀lɛ̀ŋgù nanù, ŋgelì iti nà è mòtò wà hwènàmà ema a hwɛni wòlìtò lì aka mɔlɛ̀ŋgù e? O èŋgànɛ̀lɛ̀ rzɔ, e mbenda e arzu e ŋgbelì ehvòlò ò lì òŋgòwànà mòtò, ò Wùnyà wò lì Arzìyòlɛ̀.” 13Yerzù rzìi a òhweyà òŋgò mòtò ema à mà ɔ̀kirzɛ̀ mɔ̀ɔ̀ mò njɛmbu nanù ema, “Ènyòwa mɔ̀ɔ̀ mò aŋgɔ̀.” A ma enyòwa mɔ̀ɔ̀ mò eni, rzìi mò wɔ̀hweyà gbamù nàa mɔnɛ̀yi mɔ̀. 14Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.
Yerzù, è mògbèèlì ema Lohwɛ̀ à hvɔ̀rzì
15Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ. 16Ndi à mà hwa kòkòhwɛ̀lɛ̀ à mà hwa rzi keka lì òhweyà tɔ̀ mòtò njɛnɛ mɔ̀ à hwèlì. 17À mà gbeyà ndi nanù ò lì òndìrzɛ̀ e mbɔrzi ema Lohwà à mà òme e mòòhwèlì wà èlìŋgɛ̀ Àyìrzayà ò lì òhwa nanù ema,
18“Ɔ̀ŋgɔ tɛ, e mògbèèlì wa ami ònò ema na hvɔ̀rzì,
na mò lìŋgàni, ndèŋgànɛ̀lɛ̀ a nò lìŋgìrzɛ.
Nà ò òma èlìŋgɛ̀ ya ami e ò hwɛ na mɔ̀.
A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.
19A rza kɔ̀ɔ hvenda tɔ̀ lì tɛɛya hwatò mòrzeya.
Lìlò la eni lì rza ò hwɛ̀ɛnɛ̀ ò tenì ya mbòwa.
20A rza ò kakòhwa ɛ̀kɔ̀kɔ̀ ema e ma hwɛndeya,
ndèŋgànà a rza ò lìmìrzɛ̀ ètùlù ema e arza lì lìmà.
A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.
21Hwatò ema hwa rza enje wònyà Yudà hwa ò ika màhvìtà mà awu ò lìna la eni.”
Hwatò hwa òhwa nanù ema Yerzù a gbeyàna ndi e ŋginyà ya ama Bɛ̀lrzɛ̀bùlì
(Mak 3.20-30; Luk 11.14-23)
22O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa. 23Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?” 24Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”
25Yerzù à mà hwiya mɔ̀ŋgɛ̀lɛ̀ ma awu, rzìi a hwa òhweyà nanù ema, “Tɔ̀ ima èkòmè ema e akahwanɛ ema e rzà òhwa eyà yɔ̀kɔ, e hwenì ndi lì hvaŋgeyà. Ndèŋgànà tɔ̀ ima mbòwà, tɔ̀ lìtumba ema lì akahwanɛ lɔ̀ lìti, ndèŋgànà hwatò hwa rza ahweyànɛlɛ lì rza tànɛyi lì tɛ̀mɛ̀. 26O èŋgànɛ̀lɛ̀ mòkarzɛ̀ a anana tɛ mòkarzɛ̀, eŋge ŋgàna e hwèlì ndi ema a ananɛyi mɔ̀ ŋmìti. Nɛ rzɔ lìkànèyà la eni lì tànɛyi lì tɛ̀mɛ̀ e? 27Nà gbeyàna tɛ ndi è ŋginyà ya ama Bɛ̀lrzɛ̀bùlì ò lì hvayana hwèlìŋgɛ̀ hwe wòhwe ò hwatò ima ŋginyà hvɛ ema hwatò hwa anyu wɔ̀ hvɛ hwa gbeyàna ò lì hvaya hwèlìŋgɛ̀ hwe wòhwe e? Mamɛ ema hwatò hwa anyu hwa gbeyà e uŋmɛ̀lɛ̀ nanù ema e tòni. 28Ndi na òma na gbeyàna e ŋginyà ya èlìŋgɛ̀ ya ama Lohwɛ̀, ò lì hvaya hwèlìŋgɛ̀ hwe wòhwe ene ŋgàna e uŋmɛ̀lɛ̀ ndi nanù ema lìkànèyà là ama Lohwɛ̀ lì mà jà ò ìtììtènì ja anyu.
29“Inyɛ̀ na e òhweyà, ò rza tànɛyi lì kpèeyà ò ndawò ya mòtò ema a imbami rzìi ò mò hvùmana erzaŋgò ya eni ema ò rza lòmɛ̀ lì mò kakà. Ò mà kùlɛ̀ tɛ lì mò kakà, lìŋgi lìrzàkò ɔ̀ndi ò mò wòwànà erzaŋgò ya eni ya arzɛ.
30“Tɔ̀ ima mɔ̀ ema a rza enje na imba òma a nò teŋgɛ̀nɛ̀yi, tɔ̀ è mɔ̀ hvɛ ema a rza nò òŋgòwànà ò lì rzàŋga, òma a hwèlì ndi ò lì bùulɛ. 31Nà è òhweyà ndi e jɔ̀kɛ̀ nanù ema, tɔ̀ ima wòhwe na ìrzìlàkò ema mòtò a gbèyi Lohwɛ̀ a ò mò làkìrzɛ̀, ndi tɔ̀ njɛnɛ ema a òhwi eyà ya wòhwe lì hvòmɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀. 32Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.
O hwehvùma ndi gbee a èmbahwà
(Luk 6.43-45)
33“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà. 34Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni. 35Mòtò wà gbamù a gbeyà gbamù èhwanja e uhwɛ̀lɛ̀lɛ ndi ò ŋmèma mò eni ema gbàamù wò utahwi. Mòtò wa wòhwe a gbeyà wòhwe èhwanja e uwɛ̀lɛ̀lɛ̀yi ndi ò mèèmà mò eni ema wòhwe wò utahwi. 36Nà e òhweyà nanù ema ò wùnyà wò hwèkàyìrzèlì tɔ̀ ima mòtò a hwɛnì lì ŋgbà ikɔki ja tɔ̀ ima mbɔrzi ya èèti ema e wurza ò wàna ya eni. 37Tɔ̀ ima eyà ema ò ma òhwe, yɔ ndi e ò gbeyàhwɛnɛ ò lì ò kàyìrzɛ̀.”
Ihvàlìrzàyì ja arzanì Yerzù embànèlì ya Mànyakà
(Mak 8.11-12; Luk 11.29-32)
38Wùnyà wɔ̀kɔ Hwà-òkòlèlì wà è mbenda nà Ihvàlìrzàyì hwa ma ja rzìi hwa òhweyà Yerzù nanù ema, “Mòòkòlèlì kòkò, i arza ema ò jò uŋmɛ̀lɛ̀ embànèlì ema e uŋmɛ̀lɛ̀ nanù ema e ŋginyà ya aŋgɔ̀ e uwɛ̀lɛ̀lɛ̀yi ndi òma Lohwɛ̀.” 39Ndi Yerzù à mà hwa timbirzɛlɛlɛ nanù ema, “Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e hwèlì e ijòwa embànèlì ya mànyakà! Ndi inyò e rza e luwa, lì aka tɛ embànèlì ya ama mòòhwèlì wà èlìŋgɛ̀ Jona. 40Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò. 41O wùnyà wò hwèkàyìrzèlì hwatò hwa Nìnìhvɛ̀ hwa ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò. Hwa ò tɛ̀mɛ̀ mbòŋgi ema è gbeyà ène nyɔ̀ŋgɔ̀nì yà hwatò è tuwà ŋmàŋgò, èhwanja hwatò hwa Nìnìhvɛ̀ hwa ma rzɔ̀njɛlɛ wòhwe wò awu è hvònda Jona a mà hwɛ lì hwa òhweyà Eyà ya Lohwà, ndi na òhweya e jɔ̀kɛ̀ nanù ema mòtò a hwèlì anu naŋgɛ ema à akayi Jona. 42O wùnyà wò hwèkàyìrzèlì è mòkànèlì wa mòlanà ema à mà hwɛ lìkànèyà èkòmè ya Rzebà mɔ̀ hvɛ à ò hvùmùwà ò rzɔ̀ŋgɔ̀ nà ène nyɔ̀ŋgɔ̀nì yà hwatò ò wùnyà wò hwèkàyìrzèlì. À ò tɛ̀mɛ̀ mbòŋgi ema è ò gbèyɛ ema hwa tuwe ŋmàŋgò. Hwa ò tuwa ŋmàŋgò èhwanja a uwɛ̀lɛ̀lɛ̀yi èki hvòòhvò ò lì òkànèyà hweyà hwe lìhwiyè ema Rzòlòmɔ̀nì à mà hwɛ lì òkòlɛ̀. Ndi yàwònò, ò hwèlì mòtò mɔ̀kɔ ema à akàyì Rzòlòmɔ̀nì.”
Èlìŋgɛ̀ ya wòhwe e timbelì tɛ mòtò ò nyò hvɛ
(Luk 11.24-26)
43Yerzù a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Èlìŋgɛ̀ ya wòhwe e wurzi tɛ̀ mòtò ò nyò, ya amàmìyɛ̀nɛ̀ɛ ndi ò mòrzanjɛ̀ ò lì àrza èki ema ya Arzìyòlɛ̀. È rzà lù tɛ èki, 44e àwòhwànɛ̀lɛ̀ yɔ yiti nanù ema, ‘Nà tìmbà hvɛ ò èŋge ndawò mɛnɛ ema nà mà hwɛ,’ e tìmbi tɛ, e ùŋmànɛ̀lɛ̀ èŋge ndawò è hwèlì ŋgundu, e rzàŋgi, nà lì rzeyàhwɛlɛ. 45Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”
Lìtumba lì ama Yerzù
(Mak 3.31-35; Luk 8.19-21)
46Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi 47mòtò mɔ̀kɔ a òhweyà Yerzù nanù ema, “Nyɔ̀ŋgɛ nà wònyanyàŋgò hwa aŋgɔ̀ hwa hwèlì ò èwòka hwa arza lì ò òhwirzɛnɛ.” 48Yerzù rzìi à hwa alàhwɛ̀ nanù ema, “Njɛnɛ à hwèlì nyàŋgò wa ami, hwa njɛnɛ hvɛ hwa hwèlì wònyanyàŋgò wa amì e?” 49Rzìi à uŋmɛ̀lɛ̀ jɔ̀nɔ ja eni òma Hwà-òkòwèlì hwa eni rzìi a òhwa nanù ema, “È ɔ̀ŋgɔ tɛ, nyàŋgò hwa ami na hwa wònyanyàŋgò hwa ami wɔ̀ hwa anù! 50Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo