Kula ɗa Njeka̰ykulaje 15
15
Kuwa dɔ naa gə boy gə Jerujalɛm
Gal 2.1-9
1Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang. 2Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le. 3ꞌJejee nee le, mbo̰ naa lə njetakagəje la gə je ar-je d-aw ɗaa ꞌnday Penisi gə Samari, d-ɔr gəl tar mbəl kəji lə dəwje gə ꞌgərə Luba ang gə ɗəw-ɗəw ɗaa rɔ ngan ko̰ naaje tɔ̰y ləl-je kəne ya̰. 4Logə ꞌce Jerujalɛm ɗaa Mbo̰ naa lə njetakagəje, gə njeka̰ykulaje ngaɓa ngatɔgəje nəm d-uwa-je mba. Cibi d-ɔr-je gəl ne tɔ̰y gə Luba ɗa gə je d-ar d-o tɔ. 5Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.
6Be ɓa njeka̰ykulaje gə ngatɔgəje ꞌmbo̰ naa mba tən tar gə nee le ko. 7Logə ꞌma̰y naa tar-ɛ asə mbagə ɗaa Piyɛr uba nangə ḭ taar un tar pa na:
Ngan ko̰-mje, ꞌgərəje to gə un kud-e dɔngɔr ndɔje ja baa, Luba mbərə-m horo-si gə, mba kar dəwje gə ꞌgərə Luba ang d-o tar gə ɔji dɔ Tar gə May ta-m gə ɓo ꞌta ne kagə. 8Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ. 9ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə. 10Mba ɗi ɓa ɓisine ɗaa, ꞌnaje Luba ngaɓa nekodo gə ka-sijee, gə sijee ja kara j-asə kodo ang ɓa unda-je ngina ngan njenendoje gə wa? 11Ngaa, gə go mənuji lə Mbayɓe Jeju ɓa j-o to gə j-aji ne le ja, ꞌjejee kara ɗəw kara baa to gə be tɔ.
12Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə. 13Logə d-əw rɔ-je ɗaa Jagə un tar pa na: Ngan ko̰-mje, uruje mbi-si gə dɔ-m gə nee.
14Simo ɔr gəl-e lo kun kud-e gə dɔngɔr ja ɗəw gə Luba mbərə ne dəwje horo nje gə to Jiibije ang gə unda-je dang mba kar ri-a to dɔ-je gə. 15Tar gə nee le oso naa gə kagəra gə tar gə Pajambərəje pa mə mbede gə na:
16Go-e gə m-a təl ɗe, m-a təl kunda kəy lo lə Dabidi gə oso.
M-a təl ɗa kəy lə-a gə ꞌtuji ngaɓa m-a kuwa kunda taar.
17Mba kar kɛsə dəwje gə nay ꞌsangə Mbayɓe,
Gəl kujije tɔ̰y gə ri-m to dɔ-je gə le a to ɗəw kara baa to gə be.
18Mbayɓe gərə neje nee le ləw-ləw baa.
19Gəl-e gə nee ɓa ꞌma m-jigi kar dəwje gə ꞌgərə Luba ang gə mbəl kəji lə-je d-ar Luba le dəw ila kagə no-je ang. 20Ngaa kəm ɗa mbede ndəji-je ne kar d-a rɔ-je dɔ neje gə uwa yoro gə: magəje, gə kaya, gə daje gə ꞌmundu-je ꞌtɔl-je gə kusa məsə. 21Mba un kud-e dɔ gəl kuji dəwje ləw baa ja dəwje tura torondu lə Moyiji gə mə ɓeboje kara kara ngaɓa ndɔ kuwa kɔr nama ꞌtura kəy nendo gə lə Jiibije taar-taar.
22Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos. 23ꞌƊa mbede to gə be d-ar-je na:
Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.
24J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa. 25Be ɓa logə ndu-si asə naa ɗaa j-a tɔr dəwje j-um-je dɔ Barənabas je gə Pɔl gə ja njigi ya̰ gə mba kula-je ɓe lə-si, ye ɓa j-o gə ne gə may. 26ꞌTo dəwje gə ꞌnuga rɔ-je kadə mba tar lə Mbayɓe lə-si Jeju Kirisi. 27Cibi ɓa j-ula Jude je gə Silas kar d-a kaw pa tar gə j-a pa mə mbede gə nee le gə ta-je ja kar-si oje. 28Njil Njerɔsangə njigi go-e ngaɓa sijee kara j-a njigi kunda nekodo dɔ mar-ɛ gə kar-si ang ye gə asə kəm ɗa ja baa ɗaa, neje gə a kaje rɔ-si kəne ɓa nee: 29Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.
30ꞌJejee nee le d-ɔdə ɗaa d-aw Antiyos, ꞌmbo̰ bula dəwje d-ar-je mbede le. 31Logə ꞌtura mbede le ɗaa rɔ-je ləl-je dɔ jingaw gə d-ula mə-je gə le. 32Go-e gə ɗaa Judas ngaɓa Silas nəm, ꞌto pajambərəje tɔ ɗaa d-un tar ꞌpa d-ula ne jingaw mə ngan ko̰ naaje gə to gə ɗangə ja cibi. 33Be ɓa d-isi kuru-je əw asə mbagə ja ngaɓa ꞌtɔr ndu-je dɔ ngan ko̰ naa gə ngaɓa d-ḭya̰-je ꞌtəl d-aw gə ɓə lə nje gə d-ula-je le. 34Ngaa Silas təl isi gə njetakagəje gə Antiyos.
35Pɔl je gə Barənabas d-isi Antiyos ꞌtɔji ne ɔji dɔ Tar gə May lə Mbayɓe dəwje gə kɛm bula ngaɓa d-ila mbər-e nəm tɔ.
Nja mba kila mbərə gə njekum gə joo.Pɔl je gə Silas d-aw Aji Minər
Gal 4.13-15
36Go-e gə ndɔje nday ɓəəl ɗaa Pɔl pa ar Barənabas na: Ar-si j-a təl j-aw j-o ngan ko̰ naaje mə ɓeboje kara kara tɔ̰y gə j-ila mbərə tar lə Mbayɓe kəne le mba ko se d-aw to gə ban wa? 37Be ɓa Barənabas njigi kuwa Ja̰ gə d-unda ri-a na Marəke ji-a gə, 38ngaa Pɔl njigi ang mba Ja̰ le aw gə je mba kede ɗaa uba-je ḭya̰-je mə ɓeko̰ gə Paməpili lal kore gə je naa ɗəw dɔ kula gə. 39Lo-e gə nee ɗaa məko̰ gə boy oso horo-je ar ꞌkay naa ɗəw. Be ɓa Barənabas ɔr Marəke, ar d-al to d-aw gə Sipərə.
40Pɔl kara ɔr Silas ɗaa aw tɔ, logə ngan ko̰ naaje d-ila-a mə ji Mbayɓe gə njemənuji gə.
41ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.
Oyo Eponami Sikoyo:
Kula ɗa Njeka̰ykulaje 15: lap
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2020, ATALTRAB. All rights reserved
Kula ɗa Njeka̰ykulaje 15
15
Kuwa dɔ naa gə boy gə Jerujalɛm
Gal 2.1-9
1Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang. 2Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le. 3ꞌJejee nee le, mbo̰ naa lə njetakagəje la gə je ar-je d-aw ɗaa ꞌnday Penisi gə Samari, d-ɔr gəl tar mbəl kəji lə dəwje gə ꞌgərə Luba ang gə ɗəw-ɗəw ɗaa rɔ ngan ko̰ naaje tɔ̰y ləl-je kəne ya̰. 4Logə ꞌce Jerujalɛm ɗaa Mbo̰ naa lə njetakagəje, gə njeka̰ykulaje ngaɓa ngatɔgəje nəm d-uwa-je mba. Cibi d-ɔr-je gəl ne tɔ̰y gə Luba ɗa gə je d-ar d-o tɔ. 5Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.
6Be ɓa njeka̰ykulaje gə ngatɔgəje ꞌmbo̰ naa mba tən tar gə nee le ko. 7Logə ꞌma̰y naa tar-ɛ asə mbagə ɗaa Piyɛr uba nangə ḭ taar un tar pa na:
Ngan ko̰-mje, ꞌgərəje to gə un kud-e dɔngɔr ndɔje ja baa, Luba mbərə-m horo-si gə, mba kar dəwje gə ꞌgərə Luba ang d-o tar gə ɔji dɔ Tar gə May ta-m gə ɓo ꞌta ne kagə. 8Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ. 9ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə. 10Mba ɗi ɓa ɓisine ɗaa, ꞌnaje Luba ngaɓa nekodo gə ka-sijee, gə sijee ja kara j-asə kodo ang ɓa unda-je ngina ngan njenendoje gə wa? 11Ngaa, gə go mənuji lə Mbayɓe Jeju ɓa j-o to gə j-aji ne le ja, ꞌjejee kara ɗəw kara baa to gə be tɔ.
12Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə. 13Logə d-əw rɔ-je ɗaa Jagə un tar pa na: Ngan ko̰-mje, uruje mbi-si gə dɔ-m gə nee.
14Simo ɔr gəl-e lo kun kud-e gə dɔngɔr ja ɗəw gə Luba mbərə ne dəwje horo nje gə to Jiibije ang gə unda-je dang mba kar ri-a to dɔ-je gə. 15Tar gə nee le oso naa gə kagəra gə tar gə Pajambərəje pa mə mbede gə na:
16Go-e gə m-a təl ɗe, m-a təl kunda kəy lo lə Dabidi gə oso.
M-a təl ɗa kəy lə-a gə ꞌtuji ngaɓa m-a kuwa kunda taar.
17Mba kar kɛsə dəwje gə nay ꞌsangə Mbayɓe,
Gəl kujije tɔ̰y gə ri-m to dɔ-je gə le a to ɗəw kara baa to gə be.
18Mbayɓe gərə neje nee le ləw-ləw baa.
19Gəl-e gə nee ɓa ꞌma m-jigi kar dəwje gə ꞌgərə Luba ang gə mbəl kəji lə-je d-ar Luba le dəw ila kagə no-je ang. 20Ngaa kəm ɗa mbede ndəji-je ne kar d-a rɔ-je dɔ neje gə uwa yoro gə: magəje, gə kaya, gə daje gə ꞌmundu-je ꞌtɔl-je gə kusa məsə. 21Mba un kud-e dɔ gəl kuji dəwje ləw baa ja dəwje tura torondu lə Moyiji gə mə ɓeboje kara kara ngaɓa ndɔ kuwa kɔr nama ꞌtura kəy nendo gə lə Jiibije taar-taar.
22Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos. 23ꞌƊa mbede to gə be d-ar-je na:
Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.
24J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa. 25Be ɓa logə ndu-si asə naa ɗaa j-a tɔr dəwje j-um-je dɔ Barənabas je gə Pɔl gə ja njigi ya̰ gə mba kula-je ɓe lə-si, ye ɓa j-o gə ne gə may. 26ꞌTo dəwje gə ꞌnuga rɔ-je kadə mba tar lə Mbayɓe lə-si Jeju Kirisi. 27Cibi ɓa j-ula Jude je gə Silas kar d-a kaw pa tar gə j-a pa mə mbede gə nee le gə ta-je ja kar-si oje. 28Njil Njerɔsangə njigi go-e ngaɓa sijee kara j-a njigi kunda nekodo dɔ mar-ɛ gə kar-si ang ye gə asə kəm ɗa ja baa ɗaa, neje gə a kaje rɔ-si kəne ɓa nee: 29Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.
30ꞌJejee nee le d-ɔdə ɗaa d-aw Antiyos, ꞌmbo̰ bula dəwje d-ar-je mbede le. 31Logə ꞌtura mbede le ɗaa rɔ-je ləl-je dɔ jingaw gə d-ula mə-je gə le. 32Go-e gə ɗaa Judas ngaɓa Silas nəm, ꞌto pajambərəje tɔ ɗaa d-un tar ꞌpa d-ula ne jingaw mə ngan ko̰ naaje gə to gə ɗangə ja cibi. 33Be ɓa d-isi kuru-je əw asə mbagə ja ngaɓa ꞌtɔr ndu-je dɔ ngan ko̰ naa gə ngaɓa d-ḭya̰-je ꞌtəl d-aw gə ɓə lə nje gə d-ula-je le. 34Ngaa Silas təl isi gə njetakagəje gə Antiyos.
35Pɔl je gə Barənabas d-isi Antiyos ꞌtɔji ne ɔji dɔ Tar gə May lə Mbayɓe dəwje gə kɛm bula ngaɓa d-ila mbər-e nəm tɔ.
Nja mba kila mbərə gə njekum gə joo.Pɔl je gə Silas d-aw Aji Minər
Gal 4.13-15
36Go-e gə ndɔje nday ɓəəl ɗaa Pɔl pa ar Barənabas na: Ar-si j-a təl j-aw j-o ngan ko̰ naaje mə ɓeboje kara kara tɔ̰y gə j-ila mbərə tar lə Mbayɓe kəne le mba ko se d-aw to gə ban wa? 37Be ɓa Barənabas njigi kuwa Ja̰ gə d-unda ri-a na Marəke ji-a gə, 38ngaa Pɔl njigi ang mba Ja̰ le aw gə je mba kede ɗaa uba-je ḭya̰-je mə ɓeko̰ gə Paməpili lal kore gə je naa ɗəw dɔ kula gə. 39Lo-e gə nee ɗaa məko̰ gə boy oso horo-je ar ꞌkay naa ɗəw. Be ɓa Barənabas ɔr Marəke, ar d-al to d-aw gə Sipərə.
40Pɔl kara ɔr Silas ɗaa aw tɔ, logə ngan ko̰ naaje d-ila-a mə ji Mbayɓe gə njemənuji gə.
41ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.
Oyo Eponami Sikoyo:
:
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2020, ATALTRAB. All rights reserved