Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 4:20-21

Rü yemaacü ga Abraáü̃ rü nayaxõõma nax nüxü̃́ tá nayexmaxü̃ ga wüxi ga nane yema Tupana namaxã ixunetaxü̃rüxü̃. Rü tama nagu narüxĩnü nax Tupana ngürüãchi nawomüxẽẽxü̃. Natürü yexeraãcü Tupanaaxü̃́ nayaxõõma, rü nüxü̃ nicua̱xüxü̃. Rü aixcümaxü̃chi nayaxõ nax naporaxü̃ ya Tupana nax yanguxẽẽãxü̃ca̱x i guxü̃ma i ngẽma norü uneta.