Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 4:18

Rü nüma ga Abraáü̃ rü aixcüma nayaxõ ga yexguma Tupana nüxü̃ ñaxgu: “Tá namuxũchi i cutaagü”, ñaxgu. Rü woo ga Abraáü̃ ga marü yaxguã̱xü̃chichire̱x nax yixĩxü̃ rü nax nangexacüxü̃, natürü nayaxõõma ga yema Tupanaarü uneta rü mea ínanangu̱xẽxẽ nax wüxi ga nane tá nüxü̃́ yexmaxü̃. Rü yemaacü ningu nax muxü̃ma i duü̃xü̃günatü yixĩxü̃, yema Tupana namaxã nüxü̃ ixuxü̃rüxü̃.