ROMA 9
9
Allah Israel owe aereremartaae atakam
1Era akoremin atakam, ere atakamnak. Dere Kristus aipit. Erarawa dere pote atakam apok. Me Allah Jipam dera aemomeman. Erarawa dejak bomonam, atakam fiak dera akoromeman. “Era akoremarem atakam, ere atakamnak.” Emes atakam aesimeman. 2Emesare, dere Israel owe apormin. Erarawa dejak potanak. Me dejak wo tamen bakari apok aemum. 3Me Israel owe, ere dejoo owe. Are desamannak. Dere Allah era owe bajortaer jak aseserommin. Erarawa dere Kristus bamompim, wanam jisimak asan dema bajirisem, akot ajimin— era pak baem, Allah era owe bajortaer are. 4Allah Israel owe ataeten. Are aakotipitnak pak era owe aporomtamen. Are era owe atetamto pak atakam akoromen. Are abasakamtam atakam era owe ataetiitamen. Era oweam Allah basitimnak amsamen. Anom era owe ataaji aeen. 5Me Israel owe, bonaknak duturu owe, ere arurupis. Kristusam asamot ipit aememe ere, Are asaman ipit. Armat Ipit, ere takes aemommar. Are Allah. Owe, Armat Ipit tere baeom bakari apok baemtas! Emesare, ara atakam, ere atakamnak.
6Me Allah ataaji aee atakam ere, pote apok. Me wan Israel owe arurupis, ere Allah ajoo owe apok. 7Me wan Abraham arurupisam, arurupisnak apok. Allah, atakam, Abraham akorome, “Ishak arurupis taka, wururupisnak aememtemas.” Emes atakam aesimen. 8Emesare, Abraham wan jii afime, Allah arereis baemem apok. Allah ataaji aee jii ere, arereisnak aememmas. 9Me ataaji aee atakam ere, “Ajisto tahun era pir are, aofasitemin. Sararawa, oorey jii ajisipetiitem.” Emes atakam aesimen. 10Wanam, Ribka jak asiape jii kapom, ere tamane takan. Era jii ajieme ipit, ere darerokor Ishak are. 11,12Allaham wan jii taka baeremtaer, atakam asakamtiien. Erarawa era jii bajisames apok ere, Allah atakam era jii arsoot akoromen. “Era biiti ipit, ere aykun ipit, karai aetamtem.” Emes atakam aesimen. Era bare ere, era jii kapom, bajisames apok. Emesare era jii akot pak baem apaye, pota pak baem apaye, amsam apok. Allah ere, wan jii taka aeremtaere, wanam wan jii baeremtaer apok. Are wan jii taka ajate. Erarawa era aeremtaere jii, era jii ajate atakam jipu. Ere era jii akot pak aemes apaye, pota pak aemes apaye, emes jipu apok. 13Ere Allah Alkitab bomon atakam jipu: “Dere Yakub afaimo. Dere ere, Esau bifane afeomo.” Emes atakam akorem.
14Dare ere, wama atakam okoretam? Allah jaos ape? Emes bas. 15Emesare, Armat Ipit, atakam Musa akoromen. “Dere owe soro bajiom akot aportey, era owe soro ajiomemtemin. Dere owe seekot boem akot aportey, era owe seis akot aoemtemin.” Allah emes atakam aesimen. 16Emesare, Allah, owe baereremartaa apaye, baereremartaa apok apaye, ere era owe jak baseseromem pak jipu apok. Anom era owe akot pak aemes apaye, pota pak aemes apaye, emes jipu apok. Me Allah soro era owe bajiomem akot aporto pak jipu. 17Allah Alkitab bomon, atakam Firaun akoromen. “Dere wore owe baomep ipit ataemomo, era pak defiak pak baporom are. Anom era samaniin samaniin takes dejuas jane bajie are.” Emes atakam aesimen. 18Emesare, Allah, owe soro bajiomem akot aporto, Are era owe soro ajiomemtem. Wanam, Are owe jane sake baemapom akot aporto, Are era owe jane sake aemapomtem.
Allah jak ambapam, jak jiraoam, aememe atakam
19Emesare, tare emes atakam dera ajatepormankum apeno: “Allah emes aemmar apaye, Are asamot owe jaos atakam wama tamenem? Owe, Allah akot apormar pak, baemeoo asan apok.” Emes atakam aesimmankum apeno. 20Tare ere, asamot owenak. Tare Allah atep wama tamen jittakam? Pak, akenemapome ipit emes bajatepor ape? “Wore emes tamen akenemapomenim wama tamenem?” Emesare, are emes bajatepor apok. 21Me aone afemar ipit, era taot asnao aemomem. Are era tao asnao, aone taka akotnak bafe akot aporto, wanam bambi aone taka bafe akot aporto, ere are abimak binip.
22Me Allah aeme pakam emes tamen are. Are ajak ambap pakam, afiak pakam, baporom aememe. Owe pota pak aemes. Erarawa Allah jak ambap aememe. Are era owe danais baemapom aememe. Me, Are jak jirao aeme. 23Anom aakotipitnak pak baporom aememe. Are era akotipitnak pak, soro ajiome owe, atetame. Are era owe, era akotipitnak pak bataet, atakam bonak asakamtiie. 24Era owe, ere darare. Dare wan owe Yahudi owe. Dare wan ere, Yahudi apok owe. Emesare, Allah dara ajatero. 25Allah, Hosea aeapome buku bomon, emes atakamam akoren:
“Me wan owe deowe apok aememaaris. Asep ere, Dere atakam era owe akoromtemin. ‘Tare deowe,’ emes atakam aesimtemin.
Denom wan saman bafaim apok aemaaru. Asep ere, Dere atakam era saman akoromtemin. ‘Dere tara afaimmin,’ emes atakam aesimtemin.
26Era asan ere, Allaham, ‘Tare deowe apok.’ Emes atakam aesime. Me, era asan taka, jatiaptam Allah atakam akoretem. ‘Tare dejii.’ Emes atakam aesimtem.”
Hosea emes atakam buku aeapomen. 27Yesayaam era Israel atakam akoretamen: “Israel, owe samane daytinak. Are bisin tananenak tamen aemapmas. Me, era ajoremtas owe, ere tanane apok aemtemas. 28Emesare, Allah, asamot owe bajurusum ataaji aeen. Are era pak fef aemtiikoromtem.” Yesaya emes atakam aeapomen. 29Ere Yesaya bonak akore atakam jipu:
“Fiaknak Tuhan, jii, dara baereremartaa apok ere, dare kota Sodom tamen aemapom. Danom kota Gomora tamen aemapom.”
Emes atakam akorem.
Era Allah Akot Atakam Israel oweam aatakam
30Dare ere, wama atakam okoretam? Emesare, Israel apok owe, Allah, are turunak owe, emes atakam basakamtii, jak baseseromemkorom apok aemes. Me, era owe Allah eemnak ambesemkoromes. Erarawa Allah, era owe, turunak owe, emes atakam asakamtiie. 31Era Israel owe ere, emes bimak binip atetarames: “Dare Musa Basakamtam Atakam ji aeekoromtam, Allah dare turunak owe atakam asakamtiitemaro.” Emes atakam aesimes. Era owe ere, era Basakamtam Atakam ji baemeekorom asan apok. 32Allah, era owe, turunak owe, emes atakam basakamtii apok ere, wama tamenem? Emesare, era owe abimak binip ere: “Allah era akot aemaarum pak aporto, Are dare turunak owe, emes atakam asakamtiitemaro.” Emes atakam aesimes. Me, era owe Kristus bamesem apok. Emesare, are “baimbi eka bawotepim,” baimbi awotepimes emes tamen are. 33Me Alkitabam era eka atakam akorem:
“Baporay! Dere eka taka Sion ataetiimin. Owe, baimbi era eka, awotepimtas, wanam andaebuamestemas.
Me, Armat Ipit bamesem owe ere, damke apoknak aememtemas.”
Allah emes atakam aesimen.
Oyo Eponami Sikoyo:
ROMA 9: LAIASC
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ROMA 9
9
Allah Israel owe aereremartaae atakam
1Era akoremin atakam, ere atakamnak. Dere Kristus aipit. Erarawa dere pote atakam apok. Me Allah Jipam dera aemomeman. Erarawa dejak bomonam, atakam fiak dera akoromeman. “Era akoremarem atakam, ere atakamnak.” Emes atakam aesimeman. 2Emesare, dere Israel owe apormin. Erarawa dejak potanak. Me dejak wo tamen bakari apok aemum. 3Me Israel owe, ere dejoo owe. Are desamannak. Dere Allah era owe bajortaer jak aseserommin. Erarawa dere Kristus bamompim, wanam jisimak asan dema bajirisem, akot ajimin— era pak baem, Allah era owe bajortaer are. 4Allah Israel owe ataeten. Are aakotipitnak pak era owe aporomtamen. Are era owe atetamto pak atakam akoromen. Are abasakamtam atakam era owe ataetiitamen. Era oweam Allah basitimnak amsamen. Anom era owe ataaji aeen. 5Me Israel owe, bonaknak duturu owe, ere arurupis. Kristusam asamot ipit aememe ere, Are asaman ipit. Armat Ipit, ere takes aemommar. Are Allah. Owe, Armat Ipit tere baeom bakari apok baemtas! Emesare, ara atakam, ere atakamnak.
6Me Allah ataaji aee atakam ere, pote apok. Me wan Israel owe arurupis, ere Allah ajoo owe apok. 7Me wan Abraham arurupisam, arurupisnak apok. Allah, atakam, Abraham akorome, “Ishak arurupis taka, wururupisnak aememtemas.” Emes atakam aesimen. 8Emesare, Abraham wan jii afime, Allah arereis baemem apok. Allah ataaji aee jii ere, arereisnak aememmas. 9Me ataaji aee atakam ere, “Ajisto tahun era pir are, aofasitemin. Sararawa, oorey jii ajisipetiitem.” Emes atakam aesimen. 10Wanam, Ribka jak asiape jii kapom, ere tamane takan. Era jii ajieme ipit, ere darerokor Ishak are. 11,12Allaham wan jii taka baeremtaer, atakam asakamtiien. Erarawa era jii bajisames apok ere, Allah atakam era jii arsoot akoromen. “Era biiti ipit, ere aykun ipit, karai aetamtem.” Emes atakam aesimen. Era bare ere, era jii kapom, bajisames apok. Emesare era jii akot pak baem apaye, pota pak baem apaye, amsam apok. Allah ere, wan jii taka aeremtaere, wanam wan jii baeremtaer apok. Are wan jii taka ajate. Erarawa era aeremtaere jii, era jii ajate atakam jipu. Ere era jii akot pak aemes apaye, pota pak aemes apaye, emes jipu apok. 13Ere Allah Alkitab bomon atakam jipu: “Dere Yakub afaimo. Dere ere, Esau bifane afeomo.” Emes atakam akorem.
14Dare ere, wama atakam okoretam? Allah jaos ape? Emes bas. 15Emesare, Armat Ipit, atakam Musa akoromen. “Dere owe soro bajiom akot aportey, era owe soro ajiomemtemin. Dere owe seekot boem akot aportey, era owe seis akot aoemtemin.” Allah emes atakam aesimen. 16Emesare, Allah, owe baereremartaa apaye, baereremartaa apok apaye, ere era owe jak baseseromem pak jipu apok. Anom era owe akot pak aemes apaye, pota pak aemes apaye, emes jipu apok. Me Allah soro era owe bajiomem akot aporto pak jipu. 17Allah Alkitab bomon, atakam Firaun akoromen. “Dere wore owe baomep ipit ataemomo, era pak defiak pak baporom are. Anom era samaniin samaniin takes dejuas jane bajie are.” Emes atakam aesimen. 18Emesare, Allah, owe soro bajiomem akot aporto, Are era owe soro ajiomemtem. Wanam, Are owe jane sake baemapom akot aporto, Are era owe jane sake aemapomtem.
Allah jak ambapam, jak jiraoam, aememe atakam
19Emesare, tare emes atakam dera ajatepormankum apeno: “Allah emes aemmar apaye, Are asamot owe jaos atakam wama tamenem? Owe, Allah akot apormar pak, baemeoo asan apok.” Emes atakam aesimmankum apeno. 20Tare ere, asamot owenak. Tare Allah atep wama tamen jittakam? Pak, akenemapome ipit emes bajatepor ape? “Wore emes tamen akenemapomenim wama tamenem?” Emesare, are emes bajatepor apok. 21Me aone afemar ipit, era taot asnao aemomem. Are era tao asnao, aone taka akotnak bafe akot aporto, wanam bambi aone taka bafe akot aporto, ere are abimak binip.
22Me Allah aeme pakam emes tamen are. Are ajak ambap pakam, afiak pakam, baporom aememe. Owe pota pak aemes. Erarawa Allah jak ambap aememe. Are era owe danais baemapom aememe. Me, Are jak jirao aeme. 23Anom aakotipitnak pak baporom aememe. Are era akotipitnak pak, soro ajiome owe, atetame. Are era owe, era akotipitnak pak bataet, atakam bonak asakamtiie. 24Era owe, ere darare. Dare wan owe Yahudi owe. Dare wan ere, Yahudi apok owe. Emesare, Allah dara ajatero. 25Allah, Hosea aeapome buku bomon, emes atakamam akoren:
“Me wan owe deowe apok aememaaris. Asep ere, Dere atakam era owe akoromtemin. ‘Tare deowe,’ emes atakam aesimtemin.
Denom wan saman bafaim apok aemaaru. Asep ere, Dere atakam era saman akoromtemin. ‘Dere tara afaimmin,’ emes atakam aesimtemin.
26Era asan ere, Allaham, ‘Tare deowe apok.’ Emes atakam aesime. Me, era asan taka, jatiaptam Allah atakam akoretem. ‘Tare dejii.’ Emes atakam aesimtem.”
Hosea emes atakam buku aeapomen. 27Yesayaam era Israel atakam akoretamen: “Israel, owe samane daytinak. Are bisin tananenak tamen aemapmas. Me, era ajoremtas owe, ere tanane apok aemtemas. 28Emesare, Allah, asamot owe bajurusum ataaji aeen. Are era pak fef aemtiikoromtem.” Yesaya emes atakam aeapomen. 29Ere Yesaya bonak akore atakam jipu:
“Fiaknak Tuhan, jii, dara baereremartaa apok ere, dare kota Sodom tamen aemapom. Danom kota Gomora tamen aemapom.”
Emes atakam akorem.
Era Allah Akot Atakam Israel oweam aatakam
30Dare ere, wama atakam okoretam? Emesare, Israel apok owe, Allah, are turunak owe, emes atakam basakamtii, jak baseseromemkorom apok aemes. Me, era owe Allah eemnak ambesemkoromes. Erarawa Allah, era owe, turunak owe, emes atakam asakamtiie. 31Era Israel owe ere, emes bimak binip atetarames: “Dare Musa Basakamtam Atakam ji aeekoromtam, Allah dare turunak owe atakam asakamtiitemaro.” Emes atakam aesimes. Era owe ere, era Basakamtam Atakam ji baemeekorom asan apok. 32Allah, era owe, turunak owe, emes atakam basakamtii apok ere, wama tamenem? Emesare, era owe abimak binip ere: “Allah era akot aemaarum pak aporto, Are dare turunak owe, emes atakam asakamtiitemaro.” Emes atakam aesimes. Me, era owe Kristus bamesem apok. Emesare, are “baimbi eka bawotepim,” baimbi awotepimes emes tamen are. 33Me Alkitabam era eka atakam akorem:
“Baporay! Dere eka taka Sion ataetiimin. Owe, baimbi era eka, awotepimtas, wanam andaebuamestemas.
Me, Armat Ipit bamesem owe ere, damke apoknak aememtemas.”
Allah emes atakam aesimen.