1 Bụo ạKorint 16
16
Ikpoki dị kosereghi ọloghonaan ḍịghaagh bụphe momeeraam aani bọ
1 #
Rom 15.25, 26 Ophogh nụun ịlo ekpisi osogh ghan ikpoki ọghiom awe phọ Ẹnaan odi bọ Judia! Ịtuugh ịpe mị ạḅeni bọ bụo ạsiosi phọ aGaletia bịn eḍighi aani ghan. 2Tọrobo aḍio ạSondi, oye ye ạtuugh ghan bin dị ạkasian ḍigbo phọ ọdi ạsighe aseere, bịn mị aru asi ogburugburu ịlo osogh kạ́tol! 3Mị aru asi, mị kạge ni rịnya dị awe phọ nyina mẹson bọ kọpam kụ ọsighenom ruunmo phọ anyina ọki Jeruselem. 4Emeghenom dị mị kạki aani, bịdi kụtuan aani ni ịmi.
Ịdi ạPol agbiighi orelhe
5 #
Iiḍ 19.21
Mị katu ni ịteeny inyina, mem dị mị makitonom Masidonia, ịdipho mị magbiighi bọ ologhi phọ ạmi. 6Ẹghigh, mị kịrolan inyina abia, iini tụtu ạrunwanyu ẹephoom mọ emuneen, kụ nyina egbi ọlogh ạḍighaagh ịlo erelhe phọ ạmi tọrobo ekpisi lọ ẹḅile emeghenom ọghi. 7Mị ụ́wa okaram anyina ḍien bịn oten. Edi ni ologhi ạmi ọrolan anyina obia, lọ Ọmoogh-we phọ ameera.
8 #
Lịv 23.15-21; Dut 16.9-11 #
Iiḍ 19.8-10
Kụ mị kạtol li ẹphen Ẹfesos tụtu ẹteeny ḍio ạPentikost phọ. 9Ekughuron ni ẹphen phọ oḍighi oboom oḍighi dị ạmoogh ni ẹmhu, kụ ọlo aḍita ạnmuny-ẹkpar phọ ạḍiminighan ni.
10 #
1 Kọr 4.17
Ịdipho oḍighom ịyaar kụ aTimoti aru ẹpe, ikuraam ni nyọdi, ịdi eḍighi bọ ọdi raḍighi aani ni oḍighi Ọmoogh-we phọ ịduon ạmi. 11Ọnyo anyina nyọdi kụ́ḅitonaan! Ịlogh ni ḍịghaagh ẹghologholomi erelhe phọ ọdi, ọbo ọdi aḅula ụteeny ịmi. Mị rakori ni nyọdi rꞌạbuo asiya phọ.
12Ịlo Ạpolos, ọnyo asiya phọ ayira, mị rạ́gba ghan mem ọkpaariom ọdi mọ ạpham bụeri phọ ạbuo asiya phọ aru ịteeny inyina, kụ ke̋ḍigh ologhi ọdi ọnuun oru. Ọdi ạmoogh eepoogh kạ́bile oru.
Ikpo ọnhu okureriom
13Igona loor. Ilom ni omeeraam mọ anyina ẹkananaam. Ịmoogh ạkpo ologhi rꞌịnyaam kụ ẹrolom. 14Ịsighe ẹphomoghian kụ eḍighinom ghan oomo phọ oḍighi phọ anyina.
15 #
1 Kọr 1.16
Nyina elegheri ni ịlo ạStefanos rꞌọto ọdi. Bịdi kụ ạbuḅel awe dị omeeraam Kraist ẹpe Ạkaya, kụ ọkuom ni loor phọ ạbidi oḍighi ghan oḍighi ọngo awe phọ Ẹnaan. Bụo asiya, mị rịkpaariom ni inyina mọ 16ịnaghanan ghan ịtooghi ọdo awe phọ ạbuen rꞌạbulo rꞌạbidi rokumuan ghan bọ.
17Ịdipho ạStefanos rꞌạFortunatos rꞌẠkaikos oru bọ, ẹḅaal li ologhi ạmi. Bịdi mọmeera esi phọ nyina ẹwile bọ, 18kụ bịdi moḍighi dị ologhi ạmi masoor, ịdipho bịdi oḍighi bọ dị ọlo anyina asoor aani. Ọdo awe phọ ạbuen ọkpe ni oseerian ọnhu.
19 #
Iiḍ 18.2
Bụo ạsiosi eelhe phọ Esia mipuru inyina. Ạkuila rꞌạPrisila rꞌạbuo ạsiosi phọ rookpomoghan ghan bọ kꞌạbidi okol li Ọmoogh-we phọ kụ ipuru inyina ọḅile opuru. 20Oomo ạbuo asiya phọ odi bọ ẹphen mipuru inyina.
Oniin aghurughi ghan nyoniin!
21Mị ạsighe ḍịghaagh ạmi kụ rạgeom ịphen: Mị ạPol mipuru inyina.
22Moruule oye lọ Ọmoogh-we phọ ụ́pomoghian. Mạrana tạ — ịduon phọ pọ Ọmoogh-we phọ ayira, tue.
23Ooḅi ọghor phọ kꞌạJizos Ọmoogh-we phọ ịrolonaan inyina!
24Ẹphomoghian phọ ạmi ẹrolonaan oomo phọ anyina ạJizos Kraist kụ ạmoogh bọ!
Currently Selected:
1 Bụo ạKorint 16: ẠḌI
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
1 Bụo ạKorint 16
16
Ikpoki dị kosereghi ọloghonaan ḍịghaagh bụphe momeeraam aani bọ
1 #
Rom 15.25, 26 Ophogh nụun ịlo ekpisi osogh ghan ikpoki ọghiom awe phọ Ẹnaan odi bọ Judia! Ịtuugh ịpe mị ạḅeni bọ bụo ạsiosi phọ aGaletia bịn eḍighi aani ghan. 2Tọrobo aḍio ạSondi, oye ye ạtuugh ghan bin dị ạkasian ḍigbo phọ ọdi ạsighe aseere, bịn mị aru asi ogburugburu ịlo osogh kạ́tol! 3Mị aru asi, mị kạge ni rịnya dị awe phọ nyina mẹson bọ kọpam kụ ọsighenom ruunmo phọ anyina ọki Jeruselem. 4Emeghenom dị mị kạki aani, bịdi kụtuan aani ni ịmi.
Ịdi ạPol agbiighi orelhe
5 #
Iiḍ 19.21
Mị katu ni ịteeny inyina, mem dị mị makitonom Masidonia, ịdipho mị magbiighi bọ ologhi phọ ạmi. 6Ẹghigh, mị kịrolan inyina abia, iini tụtu ạrunwanyu ẹephoom mọ emuneen, kụ nyina egbi ọlogh ạḍighaagh ịlo erelhe phọ ạmi tọrobo ekpisi lọ ẹḅile emeghenom ọghi. 7Mị ụ́wa okaram anyina ḍien bịn oten. Edi ni ologhi ạmi ọrolan anyina obia, lọ Ọmoogh-we phọ ameera.
8 #
Lịv 23.15-21; Dut 16.9-11 #
Iiḍ 19.8-10
Kụ mị kạtol li ẹphen Ẹfesos tụtu ẹteeny ḍio ạPentikost phọ. 9Ekughuron ni ẹphen phọ oḍighi oboom oḍighi dị ạmoogh ni ẹmhu, kụ ọlo aḍita ạnmuny-ẹkpar phọ ạḍiminighan ni.
10 #
1 Kọr 4.17
Ịdipho oḍighom ịyaar kụ aTimoti aru ẹpe, ikuraam ni nyọdi, ịdi eḍighi bọ ọdi raḍighi aani ni oḍighi Ọmoogh-we phọ ịduon ạmi. 11Ọnyo anyina nyọdi kụ́ḅitonaan! Ịlogh ni ḍịghaagh ẹghologholomi erelhe phọ ọdi, ọbo ọdi aḅula ụteeny ịmi. Mị rakori ni nyọdi rꞌạbuo asiya phọ.
12Ịlo Ạpolos, ọnyo asiya phọ ayira, mị rạ́gba ghan mem ọkpaariom ọdi mọ ạpham bụeri phọ ạbuo asiya phọ aru ịteeny inyina, kụ ke̋ḍigh ologhi ọdi ọnuun oru. Ọdi ạmoogh eepoogh kạ́bile oru.
Ikpo ọnhu okureriom
13Igona loor. Ilom ni omeeraam mọ anyina ẹkananaam. Ịmoogh ạkpo ologhi rꞌịnyaam kụ ẹrolom. 14Ịsighe ẹphomoghian kụ eḍighinom ghan oomo phọ oḍighi phọ anyina.
15 #
1 Kọr 1.16
Nyina elegheri ni ịlo ạStefanos rꞌọto ọdi. Bịdi kụ ạbuḅel awe dị omeeraam Kraist ẹpe Ạkaya, kụ ọkuom ni loor phọ ạbidi oḍighi ghan oḍighi ọngo awe phọ Ẹnaan. Bụo asiya, mị rịkpaariom ni inyina mọ 16ịnaghanan ghan ịtooghi ọdo awe phọ ạbuen rꞌạbulo rꞌạbidi rokumuan ghan bọ.
17Ịdipho ạStefanos rꞌạFortunatos rꞌẠkaikos oru bọ, ẹḅaal li ologhi ạmi. Bịdi mọmeera esi phọ nyina ẹwile bọ, 18kụ bịdi moḍighi dị ologhi ạmi masoor, ịdipho bịdi oḍighi bọ dị ọlo anyina asoor aani. Ọdo awe phọ ạbuen ọkpe ni oseerian ọnhu.
19 #
Iiḍ 18.2
Bụo ạsiosi eelhe phọ Esia mipuru inyina. Ạkuila rꞌạPrisila rꞌạbuo ạsiosi phọ rookpomoghan ghan bọ kꞌạbidi okol li Ọmoogh-we phọ kụ ipuru inyina ọḅile opuru. 20Oomo ạbuo asiya phọ odi bọ ẹphen mipuru inyina.
Oniin aghurughi ghan nyoniin!
21Mị ạsighe ḍịghaagh ạmi kụ rạgeom ịphen: Mị ạPol mipuru inyina.
22Moruule oye lọ Ọmoogh-we phọ ụ́pomoghian. Mạrana tạ — ịduon phọ pọ Ọmoogh-we phọ ayira, tue.
23Ooḅi ọghor phọ kꞌạJizos Ọmoogh-we phọ ịrolonaan inyina!
24Ẹphomoghian phọ ạmi ẹrolonaan oomo phọ anyina ạJizos Kraist kụ ạmoogh bọ!
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS