Baverset oyo Eyebani Mpenza ewuti na ROMANEN 8

Kabola

Na tǝ ɓe, Masǝŋ a joŋ fan pǝsãh daŋ mor za ma 'yahra ko, za mai mo ɗii ra ɓo tǝgbana zahzyil ah mo 'yahe.

Mor me tǝ belbel fan ki ka gak woŋ na ne 'yah ah ya, koo wulli, koo cee, koo zapee ma coksǝŋ, koo swah ma no coksǝŋ, wala cok matǝ zǝzǝ̃ǝko, koo cok mai mo tǝ gin pelle, koo swah ma sǝŋ, koo swah matǝ sǝr sǝŋ nyeeko, koo fan mai mo joŋ ɓo daŋ, fan ki ka gak woŋ na ne 'yah mai Masǝŋ mo cuu ɓo nyi na ne Yesu Kristu Dǝɓlii man a syaŋsyaŋ.

Nai ta, ana za mai na pǝtǝtǝ̃ǝre, Tǝ'yak a gbah jol mana. Mor na tǝ juupel ne fahlii ah ya, amma Tǝ'yak ne suu ah a juupel wo Masǝŋ mor man ne 'mee mai tǝkpuuzah mo ka gak faa ya.

Na ga faa ɓǝ fẽe tǝ ɓǝ mai ne? Masǝŋ mo no ne na ɓe, azu ye gak cak na ne?

Amma zǝzǝ̃ǝko kiita kǝka tǝ za mai ara mo ne Yesu Kristu ya.

Dǝɓ mo tǝ foo ɓǝ fan mai kpak dǝfuu mo 'yah ɓe, a zaŋ dǝɓ ga pǝ wul ne ko. Amma dǝɓ mo tǝ foo ɓǝ fan mai Tǝ'yak Matǝdaŋdaŋ moo 'yahe, a zaŋ dǝɓ ga wo cee ma ga lii ne tǝkine jam.

Amma pǝzyil fan mai daŋ na kaa kacella ne Dǝɓ mai mo 'yah na ɓo.

Wo ɓe me kwo ɓo, koo na tǝ laa bone ne cok matǝ zǝzǝ̃ǝ laŋ, kii nǝn pǝkoŋ ka lii ne yǝk mai Masǝŋ mo tǝ ga cuu nyi na pel a.

Azu ye gak woŋ na ne 'yah Kristu ne? Bone yee gak ne? Ɓǝ foo ye ne? Wala mo tǝ foora mor man ɓe, a woŋ na ne ki ne? Koŋ ye ne? Syak yee woŋ na ne ki ne? Gaɓ ye ne? Wala wul ye ne?

Amma Masǝŋ mai moo kwan zahzyil dǝfuu a tan fan mai Tǝ'yak mo tǝ 'yahe, mor Tǝ'yak a juupel mor za mai ara ye mo mǝ Masǝŋ, tǝgbana Masǝŋ mo 'yahe.

Za mai Tǝ'yak Masǝŋ ye mo tǝ zaŋ ra daŋ ara ye wee Masǝŋ.

Mor za mai mo tǝ syeera tǝgbana kpak dǝfuu moo 'yahe, a foora ɓǝ fan mai kpak dǝfuu mo 'yahe. Amma za mai mo tǝ syeera tǝgbana Tǝ'yak Matǝdaŋdaŋ moo 'yahe, a foora ɓǝ fan mai Tǝ'yak mo 'yah ta.

Jiŋ Wel ah nyi na ya, amma nyi ko mor man daŋ, a joŋ ɗii ka gak nyi tǝcoŋ fan maki ah ra nyi na ne Wel ah ya ne?

Mor Tǝ'yak Masǝŋ ne suu ah tai ki ne tǝ'yak man faa ana ye wee Masǝŋ. Ana ye wee ah ɓe, ka ana ye za ren fan mai Masǝŋ mo faa ɓǝ ah ɓo ka nyi zan ah ta, na ga re fan Masǝŋ tǝki vaŋno ne Kristu. Mor na tǝ laa bone ne ki ɓe, na ga kaa pǝ yǝk ah ne ki ta.

Mor za ma syeera mor kpak dǝfuu syiŋra Masǝŋ ɓo, ka zyii syeera mor ɓǝ lai Masǝŋ ya, ka gakra ya ta.

Mor fan mai Masǝŋ mo joŋ ɓo daŋ tǝ byakra com mai Masǝŋ moo ga cuu wee ahe.

Mor na tǝ ɓe, fan mai Masǝŋ mo joŋ ɓo daŋ, ŋhaa tǝ'nah tǝ 'meera ne bone tǝgbana mawin mai moo laa bone ne byaŋne.