Baverset oyo Eyebani Mpenza ewuti na Matayo 10

Kabola

OYesu ni yeeyongera nʼabakoba ati, “Mwetegereze; nkubatuma nga muli nkʼentaama akati omu bibbwene. Olwʼekyo mubbe beetegeerya nkʼenjoka, era mubbe baculeeri nkʼenkaiba.

Buli ataatira obwomi bwamwe, alibufeerwa. Baitu buli alibufeerwa oku lwange, alibulamya.”

Era timutiinanga abo abaita omubiri, nga tibasobola kwita mwoyo. Baitu mutiinenge Kanca asobola okuzica omwoyo nʼomubiri omu muuro ogutalikira.

Nʼoyo ateetiika musaalaba gwamwe nʼansengeerya, yeena tasemeire kubba mwegesebwa wange.

OYesu ni yeeyongera nʼabakoba ati, “Buli anyatuuranga omu maiso gʼabantu, nanje ndimwatuura omu maiso ga Ite wange ali omwiguru. Baitu oyo aneegaana omu maiso gʼabantu, nanje ndimwegaana omu maiso ga Ite wange ali omwiguru.”

Mutambe abalwaire, muyimboole abafu, mutambe abagenge basoborokoke, mupeke emizumu oku bantu. Mwagabiirwembe naanywe mugabembe.

Olwʼekyo mutatiina; muli ba muwendo okukira enyomyalubuga ezingi.”

OYesu ni yeeyongera nʼabakoba ati, “Mutalowooza nti naizire kuleeta mirembe oku nsi. Tinaizire kuleeta mirembe, naizire kuleeta mpirima.