Baverset oyo Eyebani Mpenza ewuti na Umatiu 19

Kabola

Ujeso a bel ashi nde be kpọ, kung de be le, “Ke undi-gye ki yi pie-pie ye, ukpọ le Unim biwọm puu bi yi pie-pie.”

Be tem yi bendi befee a ye, be fel undi ken a. He ashin, kiwọm ashi Unim a gwaa he kiteng ken undi u shi tang ashi he abwo ye.”

Ujeso a fan abe le, “Ma wa bo ashi be fee le-iti le, ‘Kung le ha he ukpi-kikwu Unim a ma mbe ungikye le ungingye,’ he atan-lengi angwun, ‘Ungikye u tyang atyam le anam ba gwaa ha ungye-ma, ufe ọ, ungye-ma ọ, be ba fel agwo ken ye a?’

Ujeso a de be le, “Ma tyang bebwaa-ni be be hwaa le mi. Ma swan ndo abe ye, likọye abe kitaa i na kiteng kusu lifung-atabe ki yi ushu ubel.”

Ukpọ bendi gbam abe be yi kushu kanaa-anaa i, be ba fel likel, abe be yi item kanaa-anaa i, be ba fel kushu.”

A mbee de be le, “Kiwọm kiyang-yang ashi undi a gbe tyang ashi he kuhwo kugi, ma ki yi ushu ọ, bebwaa ọ, bebwaa-nde ọ, atyam ọ, anam ọ, ungye ọ, utia ọ, u ba kpa lifem hwa abina ibwan-ibwan, u mbee kpe likpan kunyọng angi li ngyọ igye kpam.

Ujeso a kung de-e le. “Gbe wo kee le wo fel gelalala, wo ndu gye ha awo ushu le kung biwọm bigang puu ndyeb zi, kung unde abi ke bendi-likaa, ma wo kwa le kingbeb he lifung-atabe. Gbe wo shi na, ma wo ha tem be pwọm mi.”

Ujeso a tem le shi bii he le, “Kibang a, wo bii mi gbe le kinunung? Unim ufe-ufe na u kee-kee yi ununung. Gbe wo kee le wo kwa le likpan angi li ngyọ igye kpam, wo ndọ Iten Unim.”

Ma mbee ngye le, ki yi pie-pie le kizaaki ki gbe he ligia uwo hwo ashi le undi-kingbeb u ngwee kiteng kusu Unim.”

Mi de men le ungikye uyang-yang angwu a ban libee he atan-lengi uyang-yang fem ashi le a kwu ungye-ma ha ungikye ususo tyang, ha a shi kiban agbele ipel a, gbe a le kpeb ungye ususo.”

Ujeso a ha de bendi-utung bema le, “Kigyang na mi de men i nyin, ki ba kwa le kingie kaang ka bendi-kingbeb le be ngwee he kiteng kusu lifung-atabe.