Baverset oyo Eyebani Mpenza ewuti na Matiyo 16

Kabola

Pagkatigkas yan, miglong si Jisus adti manga umagakan nan, “Pangkay singalan ya malim ma-imoꞌ kanak umagakan, ka-ilangan ayawan nan ya kanan pagkaliman aw pisanen nan ya kanan krus aw dumalug kanak.

Aw asuntu sa piglong mu, lekat adun tawagen da kaw na Pédro na ya kakawasan: batu na sumalem. Aw dun ni batu yeiy, ya kadég na manga mangintu-uway imo-un ku na kanak kasakupan. Aw diliꞌ yeiy degen na katulus na kamatayen.

Un ku atag kanmu ya manga lyabi sa Kasakupan na Pighari-an na Tyumanem. Kun unu ya pigpigil mu asini tas na lupaꞌ, yan uman ya pigpigil dadan na Tyumanem adti tas na langit. Aw kun unu ya pigtumbay mu asini tas na lupaꞌ, yan uman ya pigtumbay dadan na Tyumanem adti tas na langit.”

Kay pangkay singalan ya gyuminawa sa kanan pag-eyaꞌ asini tas na lupaꞌ, kalagakan baling sa ginawa na walaꞌ ya katigkasan. Manang kun singalan ya magtibulluk dumalug kanak pangkay pa adti pagkamatay, matagtun nan ya ginawa na walaꞌ ya katigkasan.

Unu kaꞌ ya un ma-untung na utaw kun matagtun nan ya kadakulaꞌ na banwa manang kalagakan baling sa ginawa na walaꞌ ya katigkasan? Aw unu uman ya nyatagtun na utaw na umbaꞌ nan pagliwan sa ginawa na walaꞌ ya katigkasan?

Pagkatigkas yan, nyusip si Jisus kanilan, “Manang adti kamayu, singalan aku?” Aw tyumubag si Simon Pédro, “Ikaw saba ya Misiyas! Ikaw ya tengteng Iseꞌ na Tyumanem na Gayed Awun!”

Aw miglong si Jisus kanan, “Madyaw ya kanmu, kay Simon na iseꞌ ni Jonas. Kay bekeꞌ na utaw ya migbukas kanmu seiy, manang ya kanak Ama na awun ni tas na langit yan ya migbukas adti kanmu.