Baverset oyo Eyebani Mpenza ewuti na Ruum 2

Kabola

Sulod, nokuro pakasalako di tulun do irad dino, maka ikapo nga iradi dino kasalaannu? Tantu ika kondiri nga au koidu mantad di ukuman do Kinoringan. Aandai marong i ginavo do Kinoringan, om au oribau i ginavoJo do araatan om alanut i ginavoJo. Jadi au apatut do posuribakonnu Isido do irad dino. Nokoilokono gia do aandai i Kinoringan dika om irino mangangat dika rumorogo do duso.

Oou dikovu, nong irad nopo diri pongukuman do Kinoringan di tongotulun, isaai nopo dikovu nga aui apatut do opusu pakasala do vokon, do ikapo nga miiradi do kivaro kasalaan. Auso koontodon do pakabanar kondiri. Pakasalako nopo do vokon, ombo bala iti do miirad ino gaagayanu. Nong iradko dino, nga inong do mongukumko di kojuvannu kondiri.

Do i Kinoringan nopo nga au momili do tulun.

Sabap aui abanar si gotuvang di Kinoringan i tulun di rumongou toomod di Undang-undang Ugama do Joudi diri, nga iri nopo i tulun di maja marong di Undang-undang Ugama diri nga abanar si gotuvang di Kinoringan.

Om monsuli nogi dino Isido tikid-tikid di tongotulun do maja diri gaagayajo.

Nga ii nopo tulun do mokiinggojoo do ngaran, om au maja diri ponudukan do oinomod nga maja noopo di araat nga araatani i Kinoringan mongukum di okonko naalang-alang.

Nga okodou bo gia i ginavonu do auko rumorogo. Ika kondiri misumpori pavagat di karaatan do Kinoringan si dika ontok do kiamat, iri tadau do popointalang di karaatan do Kinoringan om koporotuanJo di ukum diri otulid.