Baverset oyo Eyebani Mpenza ewuti na JOHANES 1

Kabola

Amin bage gia lit nge kalak si ngaloken IA dingen tek man baNa; man kalak si bage iberekenNa hak jadi anak-anak Dibata.

Ope denga ijadiken Dibata doni enda, Kata e enggo lit. Kata e ras Dibata, janah Kata e Dibata.

Terang e ersinalsal i bas gelap janah la tertaluken gelap e terang ndai.

Kata e enggo jadi manusia, janah IA ringan i tengah-tengahta. Enggo idah kami kemulianNa si mbelin, e me kemulian si ibereken Dibata man baNa erkiteken IA Anak Dibata si Tonggal. Anak e encidahken lias ate ras kai si benar kerna Bapa e.

Arah Kata e ijadiken Dibata kerina si nasa lit; la lit sada pe i bas kerina si enggo jadi e ijadiken la arah Kata e. Kata e me ulu kegeluhen, janah kegeluhen e maba terang man manusia.

Pepagina idah Johanes reh Jesus ndahi ia. E maka nina Johanes, “Nehenlah, enda me Anak Biri-biri Dibata, si ngangkut dosa doni enda!

Kata e enggo i bas doni enda. Doni enda ijadiken Dibata arah IA, tapi la itandai doni enda IA. Reh IA ndahi negeriNa jine, tapi bangsaNa e la ngaloken IA.

Enda me terang si tuhu-tuhu; terang e sangana reh ku doni enda nerangi kerina manusia.

Dibata mereken undang-undang arah Musa tapi lias ate ras kebenaren kerna Dibata reh arah Jesus Kristus.