Baverset oyo Eyebani Mpenza ewuti na Johan 21

Kabola

Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.” Jisu do dosar dhao uniye metadea, “E Jona hopon Simon, ińem dulạṛedeń kangea? Simon Patrase menkeda, “Hẽ Probhu Isor, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko jotonkom.” Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Sạrigeń metamkana, juạnem tahẽkanre amtem paṭhekʼkan tahẽkana ar jãhãtege sanayetʼme tahẽkan onḍegem calakʼkan tahẽkana. Menkhanem haṛamlenre am do amakʼ tim tiyạr tama ar eṭagicʼ do ame tolmea ar okare calakʼ baṅ saname onḍegeye idimea.”

Jisui metatʼkoa, “Lạukạ reakʼ jojomsa aṛe secʼ jhạli caḍoytape, khanpe ńamkoa.” Unre onko do jhạliko caḍoketʼa ar nunạkʼ hakoko beṛketʼkoa je, onko do bako or rakapʼ daṛeada.

Unre Simon Patrase metatʼkoa, “Iń do hako sasapʼiń calakʼkana.” Onkoko metadea, “Ale hõ am sãotele calakʼa.” Unre onko do oḍok senkate lạukạreko decʼena, menkhan ona ńindạ do celege bako sapʼ daṛeatʼkoa.