1
Romans 5:8
New Testament-et Akuzipigestun
ess
Iwernga Kiyaghneghem kelgutkaqaa piniqelleni whangkunnun, paninang seghleghqestenguluta Christ‑am tuqumatkegkaqiinkut!
Kokisana
Luka Romans 5:8
2
Romans 5:5
Taam sighimallghem iilqamiqnaanghitiinkut qayughllak Kiyaghneghem kuuvegkaqaa piniqelleni qamavek ilumnnun Agleghnalghiignekun Taghneghagnekun, Kiyaghneghem tuunegkamikun whangkunnun.
Luka Romans 5:5
3
Romans 5:3-4
Taam saaghwakun quyaaqukut seghleliillemnni qayughllak liisimakaghput seghleliillghem nuqenneghtullengestaqiinkut. Nuqenneghtullemteggun Kiyaghneghem itagnaqaqiinkut. Itagnaqillghan sighimallengestaqiinkut.
Luka Romans 5:3-4
4
Romans 5:1-2
Tamaaken apalluqluku nallghusaqaatemnneng Kiyaghneghem elqughutngallghanun ugpeqillemteggun, nekeggmellelguukut Kiyaghneghmi Atanemteggun Jesus Christ‑akun. Apalluqluku ugpeqilleghput Jesus‑em kiyaghtestiinkut Kiyaghneghem piniqellghani. Enkaam quyaghllaguukut qayughllak liisimakngwaaghaghput Kiyaghneghem nengightesleqiinkut nighughqelleghmineng.
Luka Romans 5:1-2
5
Romans 5:6
Yugulipagningilluta Christ‑am tuqumatkegkaqii seghleghqestet, tawani pilleghqaghlluwaaghmi Kiyaghneghem nakmikegkaani.
Luka Romans 5:6
6
Romans 5:9
Nalluneqniighaghput Kiyaghneghem nallghusaamiinkut elqughutngalleghminun Christ‑am aawakun. Nalluneqniighataghaghaghput yugulillengellequkut Christ‑akun Kiyaghneghem sakraallghaneng.
Luka Romans 5:9
7
Romans 5:19
Qaatkunneghitellghakun ataasim yugem, uglaapiglleghhiit yuget seghleghqestengughtekaagut. Tawateghpigaq, qaatkutellghakun ataasim yugem, uglaapiglleghhiit yuget nallghusaghyaghqaagut Kiyaghneghem elqughutngallghanun.
Luka Romans 5:19
8
Romans 5:11
Taam saaghwakun, quyaghllaguukut Kiyaghneghmi Atanemteggun Jesus Christ‑akun. Ellnganguuq whangkunnun ilaliighutestilghii Kiyaghneghmun.
Luka Romans 5:11
Ndako
Biblia
Bibongiseli
Bavideo