Baverset oyo Eyebani Mpenza ewuti na Revelation 3

Kabola

Ii‑i! Nekevlunga amigmi tenglugtughtunga. Kitum alngunak nagaququmigu meka, amigmeng qelpeghusimakanganga iteghllequnga ellnganun. Enkaam neghelgusighlleqaqa, ellnganllu neghelgusighlleqaanga.

Liisimakamsi saaqutsi: isekinanghitusi, nalighmeng uguqnanghitusi. Isekinalghiisituq nalighmeng uguqnalghiisituq! Enkaam maqaghraaggaategpesineng, isekinanghilnguusi nalighmeng uguqnanghilnguusi, qesiinnaqamsi qanemneng!

Tamaakut piniqegkanka nallghusaghaqanka, aghyuughaqankallu. Enkaam sagiqneghughtek, avuteghqellusi seghleghqennanightek.

Liisimakamsi saaqutsi, liisimakamsillu kayaatusi. Naqamllu qaatkasi apeghtuusanka, mesighiigatusillu whangamnun maligsaaghteknilusi. Ii‑i, qelpeghusimaamsi amigmeng; kitum alngunak umegyaghqaqenghilkanganeng.

Kayaalqiilunga enkaam aqumgaanga saaghwani Atama umiilgusiikun aqumutagkenkun. Tawateghpigaq kayaalqiilghii aqumesleqaqa saamkun umiilgusignekun aqumutamkun.

Piiqusi aklunginnilusi, allgeghuteghllagaqnilusi, aklungigannilusillu. Iwernga nallukusi seghleghwaaghuusi, nangllegnaghtusi, aklumaasi, ayaangaasi, amsikaghmetusillu.

Qelqaqamsi nuqetesqellusi. Qaatkegkaqutegpesineng qelghilqa paqniighsaghlleqamsi seghleliilleghneng kaannaqelghiineng nunataghhanun tamaghhaanun. Tamaakut seghleliillghet nanghiiqulleqiit qamaglluki yuget kiyaghlleghhiit nunami.

Tagiyaghtughtunga. Ayepsugillusi ugpequmanginaghtengnga kitumun alngunak wayanghitesqelluki qaghpasi.

Taghtughlusi, iknaqughsaghteggu sangwaa salin elpesi pizi tuqunaqelghii. Liitanka ukavantut sangwaat piiqegkesi Kiyaghneghma pisqesullghaneng elpesinun.