Baverset oyo Eyebani Mpenza ewuti na Philippians 4

Kabola

Sumeghyalitkegpenaan sangwaa alngunak. Yeghlegi, sameng aklukufsi yughaneghpesini tungsighaqitek Kiyaghneghmun tuunesqellusi. Iiwleng tungsighaqitek igamsiqayullelighlusi.

Enkaam Kiyaghneghem ilusillu umyugasillu nekeggmetesnaaghii Christ Jesus‑kun. Kiyaghneghem nekeggmellgha aangeghllagtuq, kitum alngunak liigikngwaaghnaanghitaa.

Enkaangam ugpeqaalgutemni, naangniitangakun latama ungipaasuwamsi sumeghtaghaatkumanginiisqelluki pinilghiitlu usuqsaghqatlu whatelnguut: tamaakut ipapiget, quulvaghyaghqat, elqughutngalghiit, pelungilnguut, piniqsaghqat, tamaakutlu pinitun akuzitkesaghqat.

Sangwaa alngunak piyaghqaqaqa Christ‑akun iknaqughsaghtemkun.

Iiwleng quyamaaqitek Ataneghqun. Pinaqlaataghamsi, Quyamaaqitek!

Enkaangam Kiyaghneghma yataaghqunnaaghiisi sameng tamaghhaaneng aklukegkaghpesineng aklungitelleghllagmikun Christ Jesus‑kun.

Sangwaa qamaglluku nagneghuteggu liitkaghsi whangamneng apeghtughillemkunllu kiyaghtaallemkunllu. Enkaam Kiyaghneq nekeggmellelitikayuk elpesinillequq.

Nuqenneghtulleghsi yugem qamaglluni liilligu. Ataneq tagiyaghtungestaghtuq.

Ilangani nuughngaghma kiyaghtaqunga, ilangani siiptiilunga kiyaghtaqunga. Itagnaghyagusimaanga nani alngunak satulemtun kiyaghhnemni. Itagnaghaqunga kepsughngaghma kiyaghhnemni, iyataghngaaghmallu kiyaghhnemni, talwa aklumaghngaaghmallu, aklunghiteghngaaghmallu.

Aklungunilunga pingunghitunga qayughllak natesaghngaaghma itagnaghaqunga.