Baverset oyo Eyebani Mpenza ewuti na James 1

Kabola

Ugpeqaalgutemni, quyaaqitek allaaghhiinaghmeng seghleliineghpesini, qayughllak liisimakasi seghleliilleghpesi nanghiiqungwaat ugpeqilleghsi, nuqenneghtughsaghnalusi.

Nalighsi peghqinellengyukumi tungsighli Kiyaghneghmeng. Kiyaghneq ighlegiteghllagtuq, quyakusiqinaghluku tuunegkayuwaa qamaglluku yuuk aapleghhii. Kiyaghneghem tuunelleqiisi tungsiqufsi.

Piniqegkamni ugpeqaalgutemni, neqamikluku una: tamaghhaghmi nagasukestaghluni piyaghqaaguq, akuziighaghtafqaamillu sakraagaghaghtafqaamillu

Taagken nuqenneghtulleghsi nagneghngasteggu. Enkaam tawaten pikufsi angtaniillequsi, iighwighllequsi nuughyaghqaagpenasi.

Nagataghesnaghpenaki Kiyaghneghem akuzitangi itupill atuqiteki. Puughtaqusi elpesineng katam nagataghesnaneghpesiki atuqegpenaki.

Quyanaghhalek yugem nanghiiqulleni nuqetutkayugi. Suflughtekumiki allgeghsaghqaqaa akileghtuusani kenlengilnguq unguvalleq, Kiyaghneghem akequsaqegkaa tuunelleqniluku piniqisteminun.

Qamaglluteng pinilghiitlu, sallghwaaghhiilnguutlu tunusat qilagmeng pinguut. Tamaakut Atameng pinguut ulimaghistenganeng qamaglluni nighugem; allangughsigatuqlu, mamlegtestingigatuqlu.

Yuuk nagataghesnaqumi Kiyaghneghem akuzitanganeng atuqegpenaki, taghneghaghqulghiistun ayuquq tunuskumi tawaninginaq puygulleqaa natetuleni.

Kiyaghneghem Atamta pillghani yuuk ugpellepiilgukumi, kayusighyaghqaqii yaywaalitlu ugingighatlu seghleliinghata, nuqesaghqaaguqlu seghleghaneng nunam.

Kina alngunak nanghiiqullengegkumi whaten pifqaami, “Kiyaghneghem seghleghqesnaqutkaanga.” Kiyaghneq nanghiiqullengyaghqaghhaanghituq seghleghmeng; tamaaken apalluqluku kina alngunak seghleghqesnaqutkesaghqaqenghitaa. Iwernga yuuk piyukellelugan nanghiiqullengestaqaa seghleghqelleghmun. Sivukluku piyukellelugan sayugaqaa seghleghqelleghmun, taagken seghleghqellghem naaptaqaa.

Yeqay aklumalghii ugpeqaalgun quyali quulvaghtestengngalleghmineng.