Baverset oyo Eyebani Mpenza ewuti na Ephesians 6

Kabola

Neqamikluku, pilluwaangunghitaput yuget. Itupill pilluwaangwaaput igleghutilghiit, aghtughyaghqaanghillelget, igleghutilghiit nunam mamleganeng, seghleghetlu tughneghaat qilaganilnguut.

Iiwleng yughaghtek Taghnegham maghyaghquutellghakun. Atuqluki allaaghhiinaat yughallghet, aapniighteklu Kiyaghneghmun. Tamaaken apalluqluku kelengalusi, iilqayugpenasi. Iiwleng yughaatkelluki qamaglluki Kiyaghneghem yugi.

Aatekek iingunaagkenka akulghaaghek Kiyaghneghem yataaghqegkakek elpesinun. Taagken tengvimun nekevghasaghqaaghlleqasi Tughneghaam puughtillghi.

Tamaaken apalluqluku aatekek iingunaagkenka akulghaaghqek Kiyaghneghem yataaghqegkakek elpesinun! Enkaam seghleliighem aghneghani pilluwaghyaqlegulleqasi anguyagem sughugallghi. Taagken pilluwaneghmeng apeghiiqufsi, elpesi paninang nekevghangullequsi.

Tamaakut saaghwitgun, atuqiteggu ugpeqilleq amiigighaghtaasiiluku qaamsaghqaaluki kumangalghiit aaygungi Tughnegham. Aateggu yugulilleq naasqughiitaaluku, Taghneghamllu savigpaga, Kiyaghneghem akuzitkaa.

Enkaam nekevghamanginaghtek. Ipapilleq tafsiiteggu, elqughutngalleqlu sakimagiitiiteggu. Pinilghiit Ungipat nekeggmelleghmeng ayuqelghiit, kamiiteki.

Kinguliq apeghyaghqaqa unanguuq, iknaqellengitek Ataneghmeng, aghtughyaghqaanghilleghllaganengllu.

Akuzitni Igaqegkani whaten Kiyaghneq qelghikaaguq, “Quulvaghluku atanllu naanllu.” Taana qelghusaq sivuliiguq akequsalek. Whaten Kiyaghneq pikaaguq, “Kiyaghtaallghen itagnaghllequq, taaklukullu kiyaghllequten nunami.”

Taghnughhaghni, qaatkullusi angayuqaghpesinun Atanghem pisqesullghatun elpesinun. Tawaten elqughutngaaq.