Baverset oyo Eyebani Mpenza ewuti na Colossians 3

Kabola

Sakritutegpenasi iwernga seghevutullusi. Kinkut anagtekangisi seghevunnakesi katam Atanghem seghevutellghistun elpesi.

Suumqaqiteki tamaakut qilagmelnguut, nakaan tamaakut nunamelnguut.

Salleghpesini tamaghhaani qepghaghaqitek pinaqellghaghsi qamagtiiluku qepghaatepiglleghhiistun Ataneq, nakaan yugnun.

Kiyaghneghem yukiisi agleghnalghiit, piniqepigtiisillu. Nakmikegkaqiisi. Enkaam nangllegtaghlusi, nangllekilusi, qusevegllusi, yakuqlusi, nuqenneghtulusillu.

Yeqay Christ‑am apeghtuusii kemnaghluteng kiyaghllit ilugpesini. Apeghtuututaqlusi, kelengasaaghututaqlusillu tamaghhaakun peghqinelleghqun. Ilagaghtek Kiyaghneghmun iqamsiqayullelighlusi ilugpesigun, ilagaghtek psalms‑neng, ilagaatneng, maniguutmunllu ilagaatneng. Enkaam sangwaa pikaghsi, akuzitkun nalighmeng qepghalleghqun qamaglluku piiqiteggu aatghakun Atanghem Jesus‑em. Ellngakun iqamsiqayugvikiteggu Kiyaghneq Ata.

Qamaglluteng tamaakut megnunaghtut iwernga piniqelleq megnunalleghpigaaguq. Piniqutellghem ataasiightengngwaaghiinkut.

Unguvaghtekaategpesineng maligullusi Christ‑amun, piyukaqiteki sangwaat Kiyaghneghem elpesinun pikesqelluki qilagmelnguut. Tawani Christ‑a aqumgaaq aghenqigneghakun Kiyaghneghem.

Tamaghhaghpesi nalighneqiisi Christ‑am yugusiin, enkaam nakmikegkaagusi kiyaghtesqellusi qerngaghpesi nekeggmelleghqun. Taana apalluqluku Christ‑am nekeggmellghan igleghulliki ilusi. Iqamsiqayugngateklu.

Taaqiteki atuqneghmeng yugusighpesi seghleghet piyukellghit, katam allaniiq, ukmanginneghilnguq kiyaghtaalleq, atuqsullgha seghleghem, pakigniiqlu. Pakigniiq maniguullghiistun kiyaghnengllaqanun ayuquq.

Tawaten sumeghtaghaghaqitek qayughllak tuqukaagusi. Unguvalleghsi iighngaaq Christ‑ami Kiyaghneghqun.

Iwernga maaten atuqnanighteki qamaglluki ukut: sakraa, sakraaghllak, ugumikeraaq, seghlequuq, seghleghmengllu akuzitkilleq.

Iqlengiqutegpenasi qayughllak taaqumaaghsi kiyaghtaallelugsi, ayghiitkaqsaqesillu. Enkaam kiyaghtaalleghraghaq atuqaaghsimaaghsi. Nutaghtengnguusi, Ulimaghistegpesistunllu lliighuusi. Tamaaken apalluquku liigikekestaghaghsi Kiyaghneq kinaghpigaatanga.

Ugini, piniqluki nuliisi, yakuqluki piiqiteki.

Taghnughhaghni, qaatkelluki angayuqasi salleghqun tamaghhaakun, qayughllak tawaten pillghem efqughtaqaa Ataneq.

Nuliighni, malighqutaqlusi ugigpesinun qayughllak tawaten Atanghem pisqesuwiisi.