Baverset oyo Eyebani Mpenza ewuti na 2 കൊരിന്ത്യക്കാറാര് 12

Kabola

ആന <<എന്ന് പ്‌ണ്ണ്യ ണിനാക്ക് മദി, ഇനി മുഡ്യ എന്ത് സൊല്ലുറ ഗള്യേക്ക് ണിനാക്ക് എന്ന് സക്‌ദി തെഗേന്ത് ബര്‌ദ്>> എന്ത്‌ത്തെ ആണ്ടവാ് എനാക്ക് സൊന്നാദ്. അദ്‌ണാലെ എനാക്ക് ഇര്‌ക്ക കൊറേന പറ്റി റമ്പ പെര്‌മെപഡുവെ. എന്ത്‌ക്കെന്റ എന്ന് കൊറെണാലെ ക്‌റ്‌സ്‌ത്ത്‌ക്ക് റമ്പ സക്‌ദി കാട്ട്യ മുഡ്യു.

അദ്‌ണാലെ ക്‌റ്‌സ്‌ത്ത്‌ക്ക് ബേ്ണ്ടി കൊറെ ഉള്ളവാ് ആയിര്‌ക്ക്യാമ് ണാണഗെ്ഡ്യാമ് കജട്ടപഡ്യാമ് കൊഡിമെപഡ്യാമ് ബുദ്ദിമുട്ട്യാമ് ണാന് പിര്യ ഉള്ളവാ്ത്തെ. എന്ത്‌ക്കെന്റ കൊറെ ഉള്ളവാ് ആയിര്‌ക്കാട്ടി താനെ ക്‌റ്‌സ്‌ത്ത്‌ദ് സക്‌ദ്യാലെ ണാന് സക്‌ദ്യുള്ളവാനായിര്‌ക്കെ.

ണാന് പെര്‌മെപട്ടാല്‌മ് ബുദ്ദിഗെ്ട്ടവാ് ആഗമാട്ടെ. എന്ത്‌ക്കെന്റ ണാന് സൊല്ലുറാദ് ണേര്‌ത്തെ. ണാന് സൊല്ലുറാദ്‌ണ കേ്ട്ട്‌മ് ണാന് സെയ്‌രാദ്‌ണ കണ്ട്‌മ് അല്ലാദെ ആര്‌മ് എനാണ പെര്‌മെപഡുഡൊ എന്ത് ണാന് ആസെപഡ്‌റാദില്ലെ. എനാക്ക് ബന്ത അദിസ്യമാന തോറ്റഗണ സൊല്ലി ണാന് റമ്പ പെര്‌മെപഡാദിര്‌ക്ക്യ ബേ്ണ്ടി എന്ന് സരിഗലണ ഒരു മുള്ളു കുത്തുറ പാസെ ഇര്‌ക്ക കജട്ടണ ണാന് പട്ട്‌കൊണ്ട് ഇര്‌ക്കെ. ഇദ് എനാണ കജട്ടപഡിസ്യ ബെത്തിര്‌ക്ക സെയിത്ത്യാന്‌ദ് ദൂദാ്ത്തെ.