Baverset oyo Eyebani Mpenza ewuti na Nje gə Galat 6

Kabola

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

ꞌLaje gə naa dan neje gə kədərə gə ce dɔ-si gə yo gə nee, be ɓa, a ꞌɗaje ne torondu Kirisi.

Ərəje rɔ-si ang: Dəw unda Luba kogo ne ang, mba ne gə dəw dubu ja ɓa a kunja tɔ.

Dəw gə dubu ne gə kəji lə darɔ ḭ m-e gə ɗaa, a kunja ne gə ndum mbudugu ɗəw darɔ gə. Ngaa ɓo, dəw gə dubu ne gə gə kar Njil nama, a kunja kisi kəm baa gə ndɔ gə ndɔ ɗəw Njil ja tɔ.

Ngan ko̰-mje, to gə ɓo dəw gə d-uwa dɔ neɗa gə kṵra̰y nama, sisəy gə Njil ɔr no-si baa ɓi le, ꞌgəd-eje gə kəji gə yururu. ꞌI ja kara unda kəm karə dɔ rɔ-i gə, na bayɛ̰, ꞌi kara, a koso dan nekərə gə tɔ.

Be ɓa to gə ɓo dəw gə o rɔ-ɛ gə dəw gə to ɓəəl ya̰, ngaa to ne ang nama, ərə rɔ-ɛ ye ja baa. Ngaa may kar na-na kara tən kula ɗ-ɛ ye ja o, a ɓo inga ne gə to ngira rɔləl kəne nama, a to kɔji dɔ-ɛ ye ja gə kar-e, ɓo a kuwa kɔji ne kar dəw gə ɗangə ang, mba na-na ja kara tar kula ɗ-ɛ a kuwa dɔ-ɛ.