Baverset oyo Eyebani Mpenza ewuti na أيث-ؤفسوس 6

Kabola

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

ݣّم خَاوم مَارَّا ڒسْنَاح ن أَربِّـي بَاش اَذ تسْبدّم مِين خَاوم يتْشِيطِّين إِبْڒِيس.

س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

أَذ تيْسِيم ڒبْدَا لْإِيمَان نْوم اَم يِجّن ن لْحِمَايَا خ وفُوْس إِي زِي غَا ثْسخْسِيم مَارَّا فْڒِيتْشَاث نِّي يحَرّْقن ن وعفَّان نِّي ن إِبْڒِيس. يْسِيث عَاوذ لْكَسْك ن وسفْڒث، سْخذْمم اَكِذس سِّيف نِّي ن أَرُّوْح يقدّْسن إِݣ يدْجَان ذ اَوَاڒ ن أَربِّـي.

بدّم بَعْدَا نِيشَان، حزّْمم اَحزَّام نِّي ن لْحَقِيقَا إِي تݣّم ذِي نّصّ. ݣّم عَاوذ ثْجِيلِيت نِّي ن ڒحْذِيذ ن ڒْحَقّ. قّْنم ثِسِيڒَا إِ يضَارن نْوم بَاش اَذ تسْوجْذم يخف نْوم اَذ تْبشَّرم س لْإِنْجِيل ن ڒهْنَا.

أَقَا اَوَاڒ ينُو اَنݣَّارُو: جهْذث س سِيذِي أَربِّـي أُو س لْقُوَّا نّس ثَمقّْرَانْت.

لْكِتَاب يقَّار: <وقَّر بَابَاش ذ يمَّاش.> وَار ذِنِّي بُو شَان ڒُوْصِيّث نّغْنِي قْبڒ إِ ثَانِيتَا يُوْشَا-د اَكِذس أَربِّـي يجّن ن لْوَعْد. يعْنِي ينَّا: <حمَا اَغَارك ثِيڒِي مَارَّا مْلِيح، حمَا اَذ يڒِين وُوْسَّان نّش ذِي دُّنشْت-أَ ذ يزيْرَارن.>

آي يحنْجِيرن طَاعم إ لْوَالِدِين نْوم ذِي سِيذِيثْنغ، أَقَا مَانَايَا نِيشَان إِݣ يدْجَا.