Baverset oyo Eyebani Mpenza ewuti na Zaaki 3

Kabola

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.

Min mɛnɛn bɛ́ giɛ là nyatoro li, bɛn man peperebaa a là yii là nyantoro gɔ́ɔ̃ nɛ.

A giala, foo a wuu pɛ laanka zɔɔ̃ kɔn-a bɛ́ bǎã mɛn nɛ, sii lɔlɔkɔn-a laanka sii bɔnɛɛ tɔrɔ tumaa dɔ n walan.

A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa. Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Sɛnɛ lɛwɔn sɛ, min kɔ́n ba boe la a lɛwɔn doroo a din ni wa. Màn babaraa nɛ, a giɛ̃ kiĩn doɛ̃ wa. A bɛ́ piɛ̃-n ka sèwò mɛn nɛ, bɛ á gɛ̀ dii!

Ma dɔɔ̃nɔn lɛn, ka tumaa baran n gɛlɛ minin daraa li wa. A giala, ka á doɛ̃, wɔsɛn mɛnɛn bɛ́ minin darɛɛ, wɔa kiri á die kaka koe a la min gialakunun kɛn wɔ nɛ.