Baverset oyo Eyebani Mpenza ewuti na Piɛ1 2

Kabola

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya. A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Ka goã Lawa a tɔrɔ minin lɛa lɛlɛ wa, sɛnɛ kanna, ka na a tɔrɔ minin lɛa; kasɛn mɛnɛn bɛ́, Lawa makara bɔ ka ganaa lɛlɛ wa, sɛnɛ kanna, á makara bɔ ka ganaa.

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa. Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Ka n mɔrɔ Dɛnaa lɛ ganaa. A din lɛ n kɔlɔ yiikoonaa lɛ lɛa, minin nə́ n piã nɛ, sɛnɛ, a din lɛ-n Lawa bɔ, á n soɛ kɔlɔ tumaa nɛ a yɔrɔ-a.

Ka ǹ ka dinin gɔn wìi a lɛa, sɛnɛ, ka baran taasɛ mà ka bɛ́ ka dinin gɔn wìi a lɛa ke, mà ka á boe la ka sii baraa zɛnaa, bɛ̀ a ná a ba n doɛ̃ wa. Ka tɔ wɔ ka n pɛ mà ka ǹ Lawa a bɛ̀rɛn lɛa.

A giala, a n Lawa dùũ lɛa, ka bǐɛ̃ zɛnaa, ka baãnaanan sii doɛ̃baã kɛ kii yiɛ nɛ.