Baverset oyo Eyebani Mpenza ewuti na Matye 18

Kabola

Tɩ bõe, zĩig ning neb a yiib bɩ a tãab sẽn tigim taab ne mam yʋʋre, mam bee bãmb sʋka.

Mam leb n yeta yãmb tɩ yãmb neb a yiib sã n lagem taab noor a yembr tẽng zug n kos bũmbu, ba sẽn ya bũmb ninga, mam ba sẽn be arzãnã na kõ-a bãmba.

La a Zezi boola bi-bilf n yals bãmb sʋk n yeele: Sɩd-sɩda, mam yeta yãmb tɩ yãmb sã n ka tek yam n lebg wa kom-bõonego, yãmb kõn kẽ arzãn soolmẽ ye.

Yaa woto yĩng tɩ ned ning fãa sẽn na n sik a meng n yɩ wa bi-kãngã, yẽnda n na n yɩ kãseng n yɩɩd arzãn soolmẽ.

La ned ning fãa sẽn na n deeg bi-bilf a woto mam yʋʋr yĩnga, yaa mam mengã la a reegda.

Sɩd-sɩda, mam yeta yãmb tɩ bũmb ning fãa yãmb sẽn na n loe tẽng zug ka na n loee arzãna, la bũmb ning fãa yãmb sẽn na n lok tẽng zug ka na lok arzãna.

Mam ba sẽn be arzãnã na n maana yãmb a woto me, yãmb ned kam fãa sã n ka kõ a ba-biig sugri ne a sũur fãa.

La ned sã n maan kom-bõon-kãensã sẽn tẽed maamã ned a yembr t'a lʋɩ, b sã n loe a soabã kokor ne neer kugr n lob-a ko-kãsengã pʋgẽ n ket n são a yĩnga.

Yãmb tagsda a wãna? Ned sã n tar piis koabga, t'a yen bãmb sʋkã meneme, a ka na n bas pis-wɛ la a wɛ wã sẽn ketã kũnkubã zut n tɩ bao sẽn menemã wã sɩda?