Baverset oyo Eyebani Mpenza ewuti na MATAYO 7

“Savi, muliitsa khuheelwa; khavi, muliitsa khunyola; mwikulitsi, muliitsa khwikulilwa

shichila mundu usavanga aheelwangwa; khandi mundu wukhavanga anyolanga, khandi mundu wikulitsanga, yikulilwangwa.

“Khulwa yako, mundu uhulilanga makhuva kaanje, khandi akalonda ali khuli mundu wali nu vusitsa yumbakha inzu yeye khu lwanda.

“Ka mwenyanga vandi vamukholele munyi, khali munyi muvakholele malala mele. Yaka nako ka Malako ka Musa kavoolanga, khandi nako kanyolekhanga mu mechitso ka vaprofeti.

Navutswa shilivwa shinjilanga mu vulamu ni shinyelele, khandi injila ikhuhilanga muvwo nindinyu; khandi ni vandu vatititi vonyene vachinyolanga.

“Mwinjilili mu shilivwa shinyelele, shichila injila ikhuhilanga mulitivitswa ni injila imbambalalu, khandi shilivwa shiu khwinjililamu ni shivambalalu. Vandu vanyishi vachendelanga khu injila yeneyo.

Niiva munyi vamuli vatamanu, mwamanya khuha vaana venyu vindu vilahi, ni vindu vianga vilahi mu vunyishi, via Tata wenyu uli mwikulu aheetsanga vandu vamusavanga!

“Muvuli khukhalachila vandi, khu Nyasaye alivula khumukhalachila munyi khandi. Khuli lwa mukhalachilanga vandi, nindio khandi munyi muliitsa khukhalachilwa. Shipimu shia mupimilamu vandi, nashio shia Nyasaye aliitsa khurumishila khupima munyi.

“Mundu uhulilanga makhuva kaanje, nu khwambakhana khukalonda, ali khuli mundu muyiingwa yumbakha inzu yeye khu muyeeshe.

Shichila shina ulolanga shisala shili mumoni mwa amwavo wowo, navutswa yivi mwene shiunyala khulola kusala kuli mumoni mwomwo tawe? Inoho unyala khuvoolela ndi amwavo wowo, ‘Lekha khurulitsi shisala shili mumoni mwomwo, nivi mwene nuli nu kusala mumoni mwomwo?’

“Muve vacheli khu vaprofeti vu vuvehi vitsanga khu munyi nivalolekha khuli makondi, navutswa mukari mwavo ni vihulukhu vinyala khumumala. Muliitsa khuvamanya khulondokhana khu vikholwa viavo. Toto, matunda ki misabibu kanyala khwatuulwa khu misala chia mavwa inoho mikhuyu khu marakalu?

Khulwa yako, shia musala mulahi kwamanga matunda malahi, navutswa musala mutamanu kwamanga matunda matamanu.

Musala mulahi shiukunyala khwama matunda matamanu, inoho musala mutamanu khwama matunda malahi tawe.

Shia musala kukhamanga matunda malahi kureemwangwa khandi kusiuvwa mu mulilu.