Baverset oyo Eyebani Mpenza ewuti na MARKUS 9

Kabola

Appialimi Isa Nakana, “Apa kanannu? Punna akkulleKi'? Yangaseng-ngasenna akkullei, assala' tappa' taua!”

Ammarrang lompomi linta' manggena anjo anaka, nakana, “O Batara, tappakka', mingka kurang jarreki tappakku. Kitulunga' sollanna a'jari jarre' tappakku!”

Ri wattunna nia'mo Isa ri balla', na Ia mami siagang ana'-ana' gurunNa, akkuta'nammi ana'-ana' gurunNa angkana, “Apa saba'na nakitakkullea ikambe ambongkai anjo roh ja'dalaka?” Appialimi Isa Nakana, “Anjo setang kammaya takkulleai nibongka manna pole antekamma carana, pantaranganna appala' doanga.”

Anjo ce'laya bajiki; mingka punna a'jari la'bamo, maka akkulle iji nipa'jari ce'la poleang? Jari paralluko sanrapang ce'laya. Sikatutuiko lalang ri tallasa'nu.”

“Inai-nai antarimai ana'-ana' kammaya anne nasaba' iNakke, akkulle nikana iNakkemi natarima. Na inai-nai antarimA', teai Nakke bawang natarima, mingka akkulle nikana natarima tommi ManggeKu, assuroA'.”

U'rangi! Inai-nai assareko je'ne' inung lanri ana' gurunnako Karaeng Mappasalamaka, mattantu lanagappai pahalana.”

“Inai-nai a'jari passabakkang na'jari tenamo natappa' ri Nakke kalase'renna tau ca'di kammaya anne, bajikangangi punna nigentungi batu kallonna nampa nibuang naung ri tamparanga.

Punna passala' matannu nudoraka, kocciki assulu' anjo matannu! Bajikangangi tenaya siali matannu assala' antamakko ri Lino BeruNa Allata'ala, kala anggannaka rua matannu mingka nipelakko antama' ri naraka.