Baverset oyo Eyebani Mpenza ewuti na MARKUS 6

Kabola

Jai sikalimi tau battu siagang a'lampa, sa'genna tena sikalimo nasawe angnganre Isa siagang ana'-ana' gurunNa. Lanri kammana, Nakanamo Isa ri ana'-ana' gurunNa, “Umba ki'lampa mange ri tampa' sino-sinoa, ri tampa' akkale-kalea, sollanta akkulle ammari-mari poso sinampe'.”

Jari Nakanamo Isa ri ke'nanga, “Se'rea na'bi nipakalompoi ri kere-keremae. Mingka tanijampangiai ri kampong kalenna, ri tangnga-tangngana sari'battanna, yareka ri bija-bijanna todong.”

Wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa anciniki ke'nanga, lanri sanrapangi ke'nanga gimbala' tenaya pakalawakinna. Jari appakkaramulami Naajara' ke'nanga a'rupa-rupa pangngajarang.

Anjoreng ri tampaka taerokai Isa appa'nia' gau' appakalannasa', pantaranganna siapa are tau garring Napadongkoki lima sa'genna a'jari baji'. Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

Nampa Naalle Isa anjo roti limambatua siagang anjo juku' ruang kayua; nampa acconga nai' ri langika, appala' sukkuru' ri Allata'ala. Le'baki anjo Nabage-bagemi anjo rotia ri limanNa nampa Napassareang mae ri ana'-ana' gurunNa, sollanna natawa-tawai anjo tau jaia. Kammayatompa anjo juku' ruang kayua, natawa-tawai ngaseng tommi ke'nanga. Angnganre ngasemmi ke'nanga sa'genna bassoro' ngaseng. Nampa napasse're ana'-ana' gurunNa Isa anjo kanre alla'bia – nia' sampulo anrua baku' rassi ngaseng.