Baverset oyo Eyebani Mpenza ewuti na MARKUS 11

Kabola

Jari u'rangi angkanaya: Punna appala' doangko appala' apa-apa mamo, tappa' mako angkanaya Nasare mako Allata'ala, siagang lanugappami anjo apa nupalaka.

Kapunna tappakko ri Allata'ala, akkulleko angkana ri anne bontoa, ‘Ta'angkakko nutassambila antama' ri tamparanga!’ Tena tanipa'jariannu, assala' tena nubata-bata siagang tappakko angkanaya lakajariang tojeng-tojengi numinasaia.

Siagang punna appala' doangko, mingka tena nasannang nyawanu ri se'reang tau, pammopporangi rolong anjo taua, sollanna Napammopporang tongi Manggenu ri suruga dosa-dosanu. [

Appialimi Isa Nakana, “Tappa' mako ri Allata'ala.

Nampa Naajara' ngaseng tau niaka anjoreng. Nakana, “Nia' tattulisi' lalang ri Kittaka angkana: Nakana Allata'ala, ‘BallakKu laniarengi tampa' pappala' doangang untu' sikontu bansaya.’ Mingka ikau ngaseng nupa'jari pa'ru'mungang paella'!”

Jaimi tau anrurungangi. Nia' a'jappa ri dallekanNa, siagang nia' a'jappa ri bokoNa. Akkio'-kioki ke'nanga angkana, “Pujimi Allata'ala! Nibarakkakimi Ia battua lalang arenNa Batara!

Ammenteng kassa'mi pamarentahanNa labattua, pamarentahanna Daud boeta. Pujimi Allata'ala Kaminang Tinggia!”