Baverset oyo Eyebani Mpenza ewuti na ROMA 5

Kabola

Me, dosa owe aemapom ere, Kristus dara bajortaer, dambir atemtamero. Emes aeme, Allah daytu afaimmaro, apormarom.

Dare emes jiirey akakaimtam, ere dare jak pota baemap apok. Allah dare daytu afaimero apormarom. Me Allah atetamero aJip, emesam aporomtamero.

Wanam, ajirisemmarom apaye, danom jak akot aememmarom. Ajirisemtam, dare jak fiak akakaimmarom apormarom. Jak fiak aememtam, dare turu akakaimemarom apormarom. Dare turu akakaimtam danom Allah jiirey akakaimmarom apormarom.

Emesare, dare Allah eemnak ambesemkoromom. Erarawa Are, dare turunak owe, emes atakam asakamtiie. Danom Allahjie akipimtaermarom. Ere daTuhan Yesus Kristus aemtamero pak are. Dare Yesus eemnak ambesemkoromom. Erarawa Armat Ipit ara asan akot atetamero. Emesare, danom era asan akot aemomemmarom. Danom Allah aakotipitnak pak atoomemmarom. Dare emes damsam. Erarawa dare jak akot aememmarom.

Dare damba baemejorem asan apok aemapom ere, Kristus era aemapom jaos owe bajortaer dambir atemtamero. Are Allah atakam asakamtiie bare dambir atemtamero.

Kristus aesee atetame. Ere Allah dare turunak owe, emes atakam basakamtii esee. Kristus emes aeme, ere Are Allah ajokoman pak, dara ajortaertemaro.

Jipit taka atakam aooe. Erarawa owe tanane dosa owe aemapes. Wanam, wan ipit taka, atakam ji aee. Erarawa Allah, owe tanane, turunak owe, emes atakam asakamtiim.

Me, era taka apok. Waaam, dare Allah jak akot ajamemamemmarom. Ere Yesus Kristus daTuhan, dare Allahjie bojamkipimamtaer atetamaro.