Baverset oyo Eyebani Mpenza ewuti na AEMAARIS PAK 5

Kabola

Petrusam, wan Yesus atakam bakoretam bamirimemom oweam, atep ajitesen. “Dare Allah atakam ji bae akot taka. Dare asamot owe atakam ji bae apok.

Are juiin afaafeaarir, Allah Tame bomonam, tamenak bomonam, Yesus Kristus atakam akoretama ajiaarisin. Are Allah Akot Atakam akoretama ajiaarisin.

Petrus ere, atakam akoromen. “Ananias! Bii Kapar Ipit wojak bomon baemomem wama tamen tetammarem? Wore era tapirmi aouumtaetarem uang, wan aotasimapomarem. Erarawa wore pote atakam Allah Jip akoromarem. Bonak ere, ara tapirmi uang bouumamtaet apok aemapaarim, era tapirmi wopak. Wanam era tapirmi uang aouumamtaetarem, era uang wopak. Wojak bomon emes pak baem atakam apa sakamtiimarem? Wore era pote atakam asamot owe bakorom apok. Wore pote atakam Allah akoromarem.” Emes atakam aesimen. Emesare, Ananias emes atakam jane ajie takarawa, andaebuanse, wanam dambir akanen. Emes atakam jane ajies owe takes arawa, ombare daytinak aememesen.

Derarawa, waa ara aemansar pak, atakam, tara baesimtam aemin. Tare era owe bambi aporomay. Tare era owe baem bas. Aoememtammas atakamam, aoemas pakam, asamot owe pak apaye, amba apakapiostem. Me, Allah pak apaye, tare era owe baemekumimosom asan apok. Tare Allahjie jokoman aemam apeno.” Gamaliel emes atakam aesimen. Emesare, era atakam basakamtii owe, aatakam jane ajiesen.