Baverset oyo Eyebani Mpenza ewuti na Roma 4

Kabola

Abraham tetap percaya pa Tuhan Allah deng nyanda ragu pa Tuhan Allah pe janji. Malatare de pe percaya lebe tatamba kuat, deng dia puji deng hormat pa Tuhan Allah. Abraham yakin skali kalu Tuhan Allah mampu mo tepati tu De pe janji itu.

Itu so sama deng Tuhan Allah perna bilang pa Abraham dulu di Kitab Suci, “Kita so pili pa ngana jadi bapak for banya bangsa.” Kong di muka pa Tuhan Allah Abraham percaya tu Tuhan Allah da bilang itu. Tuhan Allah itu yang kase hidop orang yang so mati, deng so Dia yang da ciptakan samua deng Dia pe kata-kata.

Yesus itu yang so kase Dia pe diri mati for torang lantaran torang pe dosa. Kong Tuhan Allah se hidop ulang pa Dia supaya bole beking torang ini jadi orang yang butul di muka pa Dia.

Abraham percaya Tuhan pe janji. Jadi biar dia nyanda ada harapan mo dapa anak, dia trus baharap deng yakin pa Tuhan. Dia percaya kalu dia pe keturunan mo jadi banya bangsa sama deng tu Tuhan da bilang pa dia, “Ngana pe keturunan mo jadi banya skali.”

Jadi torang mo dapa tu Tuhan pe janji itu cuma lantaran torang percaya pa Dia. Tuhan kase tu janji lantaran Dia pe sayang supaya samua Abraham pe keturunan bole dapa tu Dia pe janji itu. Kong Tuhan pe janji bukang cuma for orang-orang yang ja iko tu atoran-atoran di kitab Taurat, mar lei for samua orang yang percaya sama deng Abraham, tu torang samua pe bapak.

Bagini tu Raja Daud da bilang, “Tu orang yang so dapa ampung dari samua tu dia pe jaha deng samua tu dia pe dosa, dia itu yang paling snang. Tuhan so nyanda inga-inga tu dia pe dosa, so dia itu yang paling snang.”

Soalnya di Kitab Suci da tulis bagini, “Abraham percaya pa Tuhan Allah, deng lantaran de pe percaya itu, Tuhan Allah beking Abraham jadi orang yang butul di muka pa Tuhan Allah.”