Baverset oyo Eyebani Mpenza ewuti na MARCOS 14

Kabola

Ñucata juyaj Taitalla, cambaca tucuita rurai ushanallami capan. Jayajta ufianshna cai llaquita ñuca apanataca jarcahuayari. Shina cashpapash ama ñuca munashcata rurapaichu, ashtahuangarin cambaj munaita pactachipai— nircami.

Cangunata imapash nalita rurana munai ama japij shamuchunga, rijchariashpa Diosta mañaichi. Cangunapaj espirituca, Diosta mañangapaj munanmi. Ashtahuangarin cangunapaj cuerpomi shaijunlla— nircami.

Na llullashpami, cangunataca cashna nini: Cai ali villaita tucui cai pachapi villajushpaca, cai huarmita yarinajuchumbash, pai imaguta rurashcatapashmi villanga— nircami.

Shina ninan llaqui cashpami, Jesusca cashna nirca: —Ñuca almapimi, huañunashna ninanda llaquirini. Cangunaca, ama puñushpa caipi shuyaichilla— nircami.

Ña micunajushpami, Jesusca tandata japishpa, Diosta pashi nirca. Chai tandata chaupishpa paicunaman carashpaca: —Japishpa micuichi. Caica ñuca cuerpomi— nircami.

Shinallata copatapash japishpami, Diosta pashi nirca. Chai copata cujpimi, tucuicuna chai copamanda ufianajurca. Jesusca cashnatapashmi nirca: —Caica, ashtaca gentecunata quishpichingapaj jicharina ñuca yahuarmi. Caihuanmi Diosca, gentecunahuan shuj mushujta ari nishcata pactachigrin.

Shina rinajushpami Jesusca, paipaj yachajujcunata cashna nirca: —Cunan tutallatami tucui cangunaca, ñucata na crishpa pandaringuichi. Escribishcapica cashnami nijun: ‘Michijtaca chugrichishami. Shinamandami llamacunaca, caita chaita calpanga’ nijunmi.

Jatarishpa ucha jacuchi. Ricuichi, ñucata japichij runaca ñami chayamujun— nircami.

Shina nijpimi Jesusca, cashna nirca: —Na llullashpami, candaca cashna nini: Cunan tutallatami, canga gallopash nara ishcaicaman candajpillata, ñucataca na rijsinichu nishpa, quimsacaman nigringui— nircami.