Baverset oyo Eyebani Mpenza ewuti na LUCAS 3

Kabola

Tucui gentecunata bautizajujpimi, cashna tucurca: Jesuspash bautizarishpami, Diosta mañajurca. Shina mañajujpimi, jahua pachaca ñapash pascarirca. Shina pascarijpimi, Diospaj jucha illaj Espirituca, shuj palomagushnallapacha Jesuspaj uma jahuaman urai shamurca. Jahua pachamandapash, cashna rimajmi uyarimurca: “Canga, ñuca juyashca Churigumi cangui. Canmandami, ninanda cushijuni” nijmi uyarimurca.

Juanga, tucuicunamanmi cashna nijurca: “Ñucami cangunataca, yacupilla bautizajuni. Ashtahuangarin ñucatapash yali ushaita charijmi shamunga. Ñucaca, paipaj chaquipi churajushpa huatarishcata pascaitallapash na ushanachu cani. Paimi cangunataca, Diospaj jucha illaj Espirituhuan, ninahuan bautizanga.

Cangunaca, tucui shunguhuan ninanda llaquirishcatami, grano fucunshna ricuchina canguichi. Cangunaca, na cangunapaj shungu ucupilla: ‘Abrahammi ñucanchi ñaupa taita’ ninajunachu canguchi. Cangunataca cashnami nini: Taita Diosca, caipi sirij rumicunatapash, Abrahambaj huahuacuna cachun rurai ushanmi.

Quirucunapaj sapipi jachata churashcallami tiajun. Nali fucuj tucui quirucunataca, jachahuan fitishpami, ninapi shitanga” nijurcami.

Dios ima nishcata villaj Isaías escribishcapi, imashna nishcashnallatami pactarca. Chai escribishcapica, cashnami nijun: “Jichushca pambapi caparij runaguca, cashnami nin: ‘Jatun Diosman ñanda alichipaichiyari. Quingu quingu chaqui ñangunatapash derechapaichiyari. Tucui pugru pambacunapipash, alpata jundachingami. Tucui urcucunapash, lomacunapashmi urai tiachi tucunga. Quingu quingu ñangunatapash derechangami. Utujuyashca ñangunatapash alichingami. Tucui gentecunami, Taita Dios quishpichinata ricunajunga’ ninmi” nijunmi.