Baverset oyo Eyebani Mpenza ewuti na Bụo ạKolosi 1

Kabola

Ọdi kụ ụphel bọ iyira amitiom aḅirini ufiri phọ, kụ mụlhogh iyira ọmar Ọony ẹphomoghian phọ ọdi

Esi ọdi rꞌịlo kụ ẹdi Ẹnaan ẹlhem bọ oomo ạraraar phọ edi bọ kꞌạke rꞌịsien ade phọ, ịdi rọmiin rꞌịlo rọ́miin, rꞌoomo ịkpana ạraraar ẹpe kꞌạke rꞌịsien ade phọ, mꞌạbudaam aruwaloor mꞌạraalha mꞌigbogh awe ạbidi — oomo ạraraar, ụsighe ḍịghaagh ọdi kụ ọlhemom bọ mọ eḍighi ịpe ọdi ạtooghi bọ.

Ọdi kụ ạrol kụ ogbi bọ ọlhem aḅirini phọ. Esi ọdi kụ ẹdi oomo ạraraar phọ ẹḅophoghan bọ kụ ẹmoogh sịdol.

Oye ólho dị mạmiin ghan Ẹnaan ekpeḍien. AKraist phọ rọ́miin ghan bọ bịn kụ ạkpoghoronaan Ẹnaan ạmadan. Ọdi bịn kụ aḍeenaan we ịdi Ẹnaan ẹrol. Ọdi kụ Ọkpana dị ạrol li kụ ogbi bọ ọlhem aḅirini phọ.

Ịduon kụ iḍighi kụ emiigh kꞌaḍio phọ yoor ọnaghan bọ ịlo anyina, yoor úsoph mem oghol ghan anyina esi ịiḅereghi. Yoor rọlom ghan Ẹnaan mọ ọdi iḍereghinaan inyina oomo ịitughian ologhi phọ ọdi, ạḅaram oomo olegheri ịyaar rꞌọnaghan ạḍughum mọ ọpo Uwaloor Iigbia phọ ọdi rạngo ghan bọ, ọbo nyina erue ẹrol dọl phọ ạḍiphe ẹkpianaan bọ Ọmoogh-we phọ, eḍighinom ghan ịpe ẹḅeeraan bọ nyọdi ẹmadan. Ịduon kụ ịdi tọrobo ogey oḍighi lọ nyina eḍighi, nyina kemuum iiḅi iimuma, ḅịle elegheriom mọ nyina ẹkar bọ elegheri Ẹnaan epoph rẹkiom ghisigh.