Baverset oyo Eyebani Mpenza ewuti na 1 Bụo ạKorint 15

Kabola

Iiḅi asiya ạmi, loor ịduon phọ, ikim ni bịn ípighironu ghan. Ịsighe oomo ịnyaam mọ anyina eḍighinom ẹngo Ọmoogh-we phọ, ịdipho nyina elegheri bọ ni mọ arukumuan dị nyina eghol Ọmoogh-we phọ kụ ekumuan képe oopho.

Kụ ọseph ni Ẹnaan phọ ẹtuan bọ Jịzos Kraist Ọmoogh-we phọ ayira reḅeton ghan ḍịghaagh phọ ayira!

Kéekeleghian mun loor anyina. “Orelhian ịkaraph ạrighiri rẹpue ghan ni ẹzo.”

Kụ esi ọnma ighirigiir phọ Ẹnaan kụ mị odi bọ dọl phọ ạḍien mị odi bọ, ḅịle kẹn ighirigiir phọ dị ụnma bọ ịmi ípe oopho. Okiririom ghụn ophogh, mị kụ mạkpar ḍịghaagh apu oomo ạbueri phọ abutelhedom mọ, kụ ọlo mị ạsighe ọnma ighirigiir phọ Ẹnaan kụ raḍighinom bọ, kị́nyaam ạmi.

“Ḍuugh, ọkpar opu phọ ạna odi ẹghen? Ḍuugh, opi phọ ạna odi ḍighen esi?” Ịkaraph kụ rẹngo ghan bọ ḍuugh opi phọ. Ologh kụ rạngo ghan bọ ịkaraph ịikpo phọ.

Ịnaghanan. Mị kạkaaph rạraar ịbooghian phọ Ẹnaan egananami bọ ịḅeni inyina mọ oomo phọ ayira kụ kọ́naani rạlha aḍuugh. Nmananam bịn onyam-ọḅatan, ekureriom ẹḅaam ọkuodu phọ, kụ oomo phọ ayira onmeeghian yogh. Mem dị ọkuodu phọ kạḅa bọ, koḅerion ni bụphe momuughu bọ dị ḍuugh kọ́miin mun, kụ yira onmeeghian yogh.

Ịdipho aḍuugh ẹtuan bọ oye kụ eru kụ ịdi oḅerenu esi aḍuugh phọ ạtuan kẹn ni oye kụ aru. Ịdipho oomo awe phọ ọḅophoghan bọ Ạdam kụ ọtuan bọ omuughu kụ ịdi kọtuan Kraist oḅerion oomo awe phọ ọḅophoghan bọ nyọdi.

Ịlo remugh ghan kẹsighe ịlo aḍuugh ílhoonaan kụ eenmenan. Ịlo kẹmiin ḍuugh kẹsighe ịlo ḍuugh kẹ́miin kụ eenmenan.

AKraist phọ kụ kạtooghi ni rạraar tụtu ọdi mạkpar apu oomo ạbumulogh-ḍien phọ ọdi aḍighi bịdi ịkasi ọkpasaghiom aruwol. Aḍuugh kụ ọnyo ạmulogh-ḍien dị kopiemi osughanam ọman