Baverset oyo Eyebani Mpenza ewuti na Roman 2

Kabola

Ne me ca, ca ha ate catyt kam me apa nare na, nee ca ha me jũmjê kên jarẽn pa, ne me harẽn to: — Jũmjê itajê catyt kam me ipa nare, ne mehkêanre, cwỳrjapê quê ha Pahpãm mehkên mã me cumẽ — hajỹr nare! Ampo na? He ate me hajỹar ne me akêanre ita kam, ca ha nee Pahpãm te ato kên xà ita pê jũ kam atẽm nare. Ne ca ihhêaj to me anõ garkwa to: — Pahpãm pej ne hàhcaprĩ, cwỳrjapê quê ha nee ite ikên ton itajê jahpan xà na ikên mã imẽn nare — hajỹr nare! Ampo na? He Pahpãm jàhcaprĩ na ri incaca xà amji mã ampeaj ne hapôj to ipa. Na quê nee akên mã amẽn pyrentu nare, ne ihtỳj hipêr amji mã ampi ne akôpĩr to mõ, ca ihhêaj to akên ton jicu, quê ha nee akên mã amẽn nare.

Ỹhỹ me ikwỳ, ca ihhêaj to mehkên itajê na me harẽn pa, ne nee me amji mã harẽn to: — Jũmjê itajê kêanre, ne pa nare, nee quêt ikên nare — hajỹr nare. Ampo na? Ca ihhêaj to hanea ne me akên itajêa ton to me apa. Cwỳrjapê ca atỳj ate me amji jarẽn xà ata to me caa, me amji curê capa.

Ne Pahpãm pjê cunea kam, mehcunea to amji kam hapac xà to ajpẽn pit.

Ne nee mã catyt kam jũmjê atajê te me Mojxe xwỳ te me to ihhimpej xà cunea jahkre pej xà atajê kôt, Pahpãm te jũmjê atajê na amji caxàr nare. Ne quê ha xa me hahkre pej, ne ihkôat cute amji kam me hapac xà to me hàpên to me ipa na, quê ha Pahpãm cormã jũmjê atajê na amji capa.

Ne quê ha jũ caxuw Pahpãm te me pahcukij, ne me pahto ipicokjêr xà jõ amcro cato, quê ha incryac kam, ahpỹanre na mehkên catêjê kên mã me curẽ, mehkên jahpan xà na. Na ca ha me anõ te akrã kêanre, mã Pahpãm jàhcaprĩhti te me amã me akên itajê cawpa cakrô, ca ha mãnea mã akên ton to apa na, ca ha me ca ramã amji caxuw Pahpãm mã mencryc to apicamẽn to me mõ. Ne ahpỹanre na pjê kam, cute ampo ton to me ipa xà na Pahpãm te me hõmpun, ne me hahkre pej xà atajêa kôt, quê ha me cumã hàmjõr to mõ.

Ne mehkwỳ te nee me hajỹr nare, ne mehkên to pit mã me amji kampa. Ne cute ampo ton to me amji cajpuaw xà atajê to pit mã me to me ipa. Ne ma ame catyt kam ampo pejti atajê caca, ne ampo cupan xà kên atajê to pit mã me amji jahôt to me ipa. Ne cute me hajỹr catêjê, quê ha Pahpãm me kam incryac kam, me ahna cute mehkên ton atajêa to ihtỳj tu.

Ne quê ha jũ caxuw Pahpãm te me pahcukij, ne me pahto ipicokjêr xà jõ amcro cato, quê ha incryac kam, ahpỹanre na mehkên catêjê kên mã me curẽ, mehkên jahpan xà na. Na ca ha me anõ te akrã kêanre, mã Pahpãm jàhcaprĩhti te me amã me akên itajê cawpa cakrô, ca ha mãnea mã akên ton to apa na, ca ha me ca ramã amji caxuw Pahpãm mã mencryc to apicamẽn to me mõ. Ne ahpỹanre na pjê kam, cute ampo ton to me ipa xà na Pahpãm te me hõmpun, ne me hahkre pej xà atajêa kôt, quê ha me cumã hàmjõr to mõ.