Baverset oyo Eyebani Mpenza ewuti na Matthieu 19

Kabola

Yésʉs nzě dwɛ̂ʼ bê, ntɔ̂ʼ lɛ́ɛ e bé ó: «Bʉr, bé ákóʼó nî tɨ̂ʼ ɨ́ nkul nyɔ́ɔ́, bé bʉr o tɨ̂. Sâ gwár, Nzyɛ̌m nyě e nkul esâ bísá bíbyɛ̂h.»

Bé akǎ be óbá, njɨ púnó gwár. Mʉ̌r sá abɛ̂ʼ sá Nzyɛ̌m mʉr tɨ̂ʼ dí ɨ́ pûhla yɨ́.»

Nye nzě dî e bé ó: «Bɨ̌n bé á bé así láa ó: “Ɨ́ metááré, Kwihbʉr á sâ bé ó: nyâ, mʉrʉ̂m; nyâ, mʉmá” ɛ́?» Nye nzě báʼǎ lɛ́ɛ ó: «Sá tɨ̂ʼ ó mʉ́rʉ̂m óbɔ́ʼa e sɔ́ŋ e nyɔ̌ŋ, tó pûhla e mʉmá wé yɨ́. Bɨ́bɛ̂h obá, bé óbe ó, ebɔ̂b e nzyeŋle, pʉ́m le ebo.

Jɔʼ yaá ó Yésʉs á nze lɛ́ɛ e bé ó: «Bírɨ́ɨ́ gá bwá ó ntwǒm, bé ntâʼ nko mé dí yɨ́. Ayɨ́ so gá bê, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.»

Sâ gwár, bʉr ɨ́ buo buo o dí esôʼ bá, bé ódi épíhe. Baá dí epíhe bá, bé ódi ésôʼ.»

Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé.

Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Yésʉs nzě yala e né ó: «Gǒ dí mé tíá ɨ́ sá dí ɨ́ mbɨa yɨ́ ɨ́ yé? Yé e mʉr ngwár dí ɨ́ mbɨa nyá. Yé bé go lɨ́ ekpɛl énî ɨ́ twǐʼ njʉ̌m dǐ nó, baʼlaa métié.»

Me lɨ́ ebáʼǎ lɛ́ɛ bɨ́n: mpʉ yé dí ɨ́ kɔbla ó, ntœœ láŋaa lɨ́ egʉ́á é ntʉ́á yɨ́, jwɨʼ gwár e gwár yaá ntémé ó dí ɨ́ buú kɔbla ó, kúmá mʉr níʼee ɨ́ Mpóʼo mé Nzyɛ̌m.»

Mě lɛ́ɛ́ bɨ́n ó, mʉ̂r óbwóolo mʉ́má wé, nyɨɛ yɨ́ɛ l'asâ médyɛ̂n, ntɔ̂ʼ bâ waá swîh nó, nyɨ́ sâ médyɛ̂n ó tɨ̂ʼ yɨ́.»

Yésʉs nzě lɛ́ɛ le ompʉ́n bé ó: «Mě lɛ́ɛ́ bɨ́n lɨ́ otyeetye ó, yé ɨ́ kɔbla e mʉr dí kúmá nyá lɨ́ enî ɨ́ Mpóʼo mé Dâ Nzyɛ̌m.