Baverset oyo Eyebani Mpenza ewuti na Aroma 2

Kabola

Wenga wa mundu wawaukumu balu' babapanga go na wenga kaupanga gogo, buli! Uwasa panga waawesa kwiyepa ukumu ya Nnu'ngu'? Au uyolou wa unogau wake, tu'ya no komeya kwa Nnu'ngu' ukubonali kili'be? Utangiteli panga unogau wake ulu'e wesa kukulongoya ata upate galambuka bu'ka musambi?

Bai, wenga wawaukumu bandu bi'ngi', ntu'pu' ndi'la ya kwikengya ata ukapangite wanyai. Kwa mwanjaa, pawaukumu bi'ngi' na wamwene kaupanga gogo, wiyi'ya wamwene muukumu.

Kwa mwanjaa, Nnu'ngu' ammawali mundu ywoywoti.

Kwa mwanjaa kwipi'kania salya bai, kumpangali mundu abalangilwe aki kwa Nnu'ngu', ila balu' babaiyu'wa salya na kwikamwa nga bababalangilwa aki.

Kwa mwanjaa, Nnu'ngu' aalu'a kunni'pa kila mundu bu'kana na iyendo yake.

Lakini kwa balu' babapala makowe gabe bene na babakana kweli no bi'ngi'ya ndi'la akau, yalu'a kwatu'mbu'kya nyongo ya Nnu'ngu'.

Lakini wenga wannonopau na ubile na mwoyo wangali yi'ki'tya galambuka. Kwa nyo, wibi'kya mbwatyo ngu'lu' lisu'ba lya Nnu'ngu' paalaya nyongo yake na ukumu yake ya aki.