Baverset oyo Eyebani Mpenza ewuti na Ягья 14

Kabola

За квез секинвал тазва, Зи секинвал гузва За квез. И дуьньяди тагудай хьтин саягъда гузва. РикӀик кьамир! КичӀе жемир!

Исади лагьана: – Рехъни Гьакъикъатни Уьмуьрни – Зун я; Зун арада авачиз Бубадин патав садавайни физ жедач.

Исади лагьана: – Куьне рикӀи рикӀ немир. Аллагьдихъ иман ая, Захъни иман ая.

Зи ТӀварцӀелай Бубади куь патав ракъурдай Несигьатдарди, яни Пак Руьгьди, лагьайтӀа, квез вири чирда ва За квез лагьайбур вири куь рикӀел хкида.

Низ Зун кӀанзаватӀа, ада Зи тагькимар кьилиз акъудда. Зун кӀандайди Зи Бубадизни кӀан жеда. Зазни кӀан жеда ва За Жув адаз ачухарда.

За Бубадиз минетда, Адани квез цӀийи Несигьатдар гуда. Ам даим квехъ галаз амукьда. А Несигьатдар Гьакъикъатдин Руьгь я. Дуьньядиз Ам акунач ва чидач, гьавиляй дуьньядивай Ам кьабулизни жедач. Квез Ам чизва, вучиз лагьайтӀа Ам квехъ галаз амукьзава ва Ам квек кваз жеда.

Куьне Заз Зи ТӀварцӀелай ая лагьай вуч хьайитӀани За ийида. Гьа икӀ Хци Бубадин баркалла къалурда. Зи ТӀвар кьуна куьне вуч тӀалабайтӀа, За гьам кьилиз акъудда.

Квез Зун кӀан ятӀа, куьне Зи тагькимар кьилиз акъудда.

Зи Бубадин кӀвалера гзаф утагъар ава. АвачиртӀа, За квез лугьудайни: Зун квез чкаяр гьазуриз физва?

Фена чкаяр гьазурайла, куьнни Зун авай чкада хьун патал, За хтана куьнни хутахда.

ТӀумая лагьана: – Я Агъа! Вун гьиниз физватӀа, чаз чизвач. Чаз рехъ гьикӀ чир хьурай?