Baverset oyo Eyebani Mpenza ewuti na Mga Hebreo 10

Kabola

Dili nato undangon ang batasan sa panagtigom sama sa gibuhat sa uban. Magdasigay hinuon kita labi na kay nasayod kamo nga hapit na moabot ang Adlaw sa pagbalik sa Ginoo.

Magdinasigay kita sa pagpakita sa gugma ug sa pagbuhat sa maayo.

Magpabilin kitang malig-on sa paglaom nga atong gihuptan kay makasalig man kita sa Dios nga tumanon gayod niya ang iyang saad.

Kinahanglan nga magmapailubon kamo aron mabuhat ninyo ang kabubut-on sa Dios ug madawat ang iyang gisaad.

Busa manuol kita sa Dios uban sa maminatud-ong kasingkasing ug lig-ong pagtuo. Duolon nato siya uban sa kasingkasing nga pinaagi sa pagbisibis nahinloan gikan sa konsensya nga sad-an ug sa mga lawas nga nahinloan pinaagi sa tubig nga putli.

Busa ayaw wad-a ang inyong pagsalig kay duna kini dakong balos.

Kay wala nay sakripisyo alang sa mga sala kon tuyoon gayod nato ang pagpakasala human kita makahibalo sa kamatuoran. Ang nahibilin hinuon mao na lang ang kahadlok sa umaabot nga paghukom ug sa mabangis nga kalayo nga molaglag sa misukol sa Dios!