Baverset oyo Eyebani Mpenza ewuti na MATEO 15

Xalla ni źoñź quśkiśtan ulañiki źoñź quśkiśtanź thonćha; xalla nïćha źoñi ujchiś päñiki. Xalla ni źoñź qos quśkiśtanaki anaśum pinsamintunakaź ulanćha, ni źoñi konśnaka niźaśa ni iź iśnaka niźaśa yaqha mätaqźtan źelhśnaka niźaśa thañi śäśnaka niźaśa ni toskaranaka niźtaśaqaś ar arśnakami.

Anaź źoñź atkiśtan luśhñi uj khesaćha. Niźaśa źoñźtaki perśun quśkiśtan ulañi xalla nïćha ujki.

‘Ti źoñinakaki atźtanqaś wethkiś manta päćha, niźaśa tinakź quśki wethkiśtan aźkinćha. Ti źoñinakaki inapanqaś wethkiś manta päćha; ninakź thaxinśnakaki źoñinak amtaqaśśa.’

Neqhśtan Jesusaki näkiś khichićha: –¡Kullaka añcha paqhićha am quśki! Xaqnuźum am pekćhaxa xalla nuź khekićha. Niźaśa ni orapacha näźa mathki źethchi khissinćha.

Neqhśtan na źonki Jesusiźkiś makhatźku, nïź tukkiś killśinćha tuź khikan: –¡Yöś tata, yanapt'alla! Jesusaki näkiś qhäśićha: –Matinakźkiśtan anaćha wali t'anta qhañśki, neqhśtan pakunakźkin onanśki. Näki nïźkiś qhäśinćha: –Nuźućha Tata, xalla ni pakunakaki nïź tuyñunakaź miśkiś wichśtanaka thxotsiź lulhćha.