Baverset oyo Eyebani Mpenza ewuti na Пётрой 1-дэхи хандалга 2

Kabola

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Бидэнэй нүгэл шэбэлһээ зайсажа, үнэн зүбөөр амидархымнай тула Иисус өөр дээрээ нүгэл шэбэлыемнай үргэлжэ абаа, модон дээрэ үргэгдөө: тэрэнэй шархаар таанад аршалагдан эдэгээгдэһэн байгаат. Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Урдань таанад Бурханай хүнүүд бэшэ һэнта, зүгөөр мүнөө таанад тэрэнэй хүнүүд гээшэт. Урдань таанад Бурханай үршөөл хайрые мэдэхэгүй һэнта, мүнөө таанад тэрэнэй үршөөл хайрада хүртэбэт.

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Хүндэтэ аха дүүнэрни, энэ дэлхэйдэ таанад хариин, ерүүл хүнүүд юм хадаа танай ухаан бодолые һамааруулдаг нүгэлтэ хүсэлэнгүүдһээ холодожо, бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай мүнөө таанадые нүгэл хэгшэд гэжэ хардажа байһан зон таанадай һайн һайхан үйлэ хэрэгүүдые харахадаа, Бурханай газар дэлхэй дээрэ хүнүүдые шалгахаяа ерэхэдэнь, тэрэниие алдаршуулха.

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад нангин санаартан болоод, Иисус Христосоор дамжуулан Нангин Һүлдэһөө Бурханда һайшаагдаха оюун ухаанай үргэл асаржа байгты.

Худалаар хэлэхэеэ, нүгэл хэхэеэ болигты, хүнэй нюур бү харагты, хүндэ бү атаархагты, худалаар бү гэршэлэгты.

Хүнүүдэй голоһон, зүгөөр Бурханай шэлэжэ абаһан, Бурханай нюдэндэ үнэтэй сэнтэй байдаг амиды шулуунда – Дээдын Эзэндэ – ерэгты.

Эрхэ сүлөөтэй хүнүүдтэл адляар ажамидарагты. Зүгөөр элдэб янзын нүгэлнүүдээ нюухын тула тэрэ эрхэ сүлөөгөө бү хэрэглэгты. Таанад Бурханай зарасанарта адляар ажамидарагты.

Бидэ һайн һайхан лэ хэрэгүүдые бүтээжэ, хэрэггүй юумэ шашадаг тэнэг хүнүүдэй амыень хааха ёһотойбди. Бурхан тэрэнииел хүсэдэг.